ئلىم تەحنىكانى ىشتەتىپ كەمباعالدىقتان ارىلتۇۇ چابۇۇلۇ جانا ايىل قىشتاقتى گۉلدۅنتۉۉگۅ دەمۅۅر بولدۇ

2019-11-05 19:08

 اپتونوم رايونۇبۇز ئلىم-تەحنىكا بويۇنچا ۅزگۅچۅ جىبەرىلگەن قىزماتكەر تۉزۉمۉن جانا ساياساتىن تەرەڭدەي ئزچىل جۉزۅۅلۅشتۉرۉپ، ئلىم-تەحنىكا بويۇنچا جىبەرگەن ۅزگۅچۅ قىزماتكەرلەردىن كەمباعالدىقتان ارىلتۇۇ ۅتكۅۅلۉنۅ ات سالۇۇ جانا ايىل-قىشتاقتاردى جالچىتۇۇسۇنا دەمۅۅر بولۇۇداعى جاڭى فورماسىن، جاڭى ارعالارىن ىشتىكتۉۉ ىلىكتەپ، بئر تۉركۉم وزوت ايىل چاربا تەحنىكا جەتىشكەندىكتەرىن ۅندۉرۉش كۉچۉنۅ ايلاندىرۇۇنۇ ىلگەرى سۉرۉپ، بئر تۉركۉم ۅزگۅچۅ، ابزەلدۉۉ كەسىپتەردىن ۅنۉگۉۉسۉن تۉرتمۅكتۅدۉ. ەمى ىستانسىيابىزدىن بۇل جۅنۉندۅكۉ ۇنىۋەرسال قابارى نازارىڭىزداردا: 

 ۇشۇل مەزگىلدەردە، جىڭ وودانىنىن الاقات تەرۉۉ جىيۇۇ ىشتەرى چۇقۇل الىپ بارىلۇۇدا، ووداندىق الاقات كەسىبىن ۅنۉكتۉرۉۉ مەكەمەسىنىن ادئس ىنجىنەرى، ئلىم-تەحنىكا بويۇنچا جىبەرگەن ۅزگۅچۅ قىزماتكەرى جاۋ يۉلئڭ ار كۉنۉ اتىز باشىنا بارىپ، الاقات ۅستۉرگۅن تۉتۉندۅردۉن تۉشۉم الۇۇ، كىرەشە ارتتىرۇۇ ابالىن كۅرۉپ تۇردۇ. جاقىنقى بئر قانچا جىلدا، جاۋ يۉلئڭ جانا توبۇنداعىلار اسىل ۉرۅۅن تاندوو، تەلەگەيلەشتىرىپ ۅستۉرۉۉ، بىيولوگىيالىق الدىن الۇۇ جانا تىزگىندۅۅ سىياقتۇۇ جاقتاردان قول سالىپ، جەرگىلىكتىن الاقات جاڭى سورتۇنان 5تى، جاڭى تۉشۉم سىستەماسىنان 7نى جەتىشتىرىپ چىعىپ، كۅۅنۅ الاقات اتىزىنان 80 مئڭ مونۇ ۅزگۅرتۉپ، مۇ باشىندىق كىرەشەنى 20 پايىزدان اشىرىپ، 19 مئڭگە جۇۇق تۉتۉندۉن الاقات ۅستۉرۉۉسۉنۅ تۉرتكۉ بولدۇ. جىڭ وودانى تولى شاارچاسى وشاقباي قىشتاعىنىن قىشتاق تۇرعۇنۇ ۋاڭ لىي جاڭى سورتتۇ ووزۇنان تۉشۉربۅي ماقتاپ مىنداي دەدى: «جاڭى سورت داعى ەلە جاقشى ەكەن، مۇرداعىسىنان داامدۇۇ، داندۇۇ، ايرىقچا دانى اياباي جاقشى، چوڭ ۅنۅت ەكەن».

 مىندان سىرت، جاۋ يۉلئڭ ساتۇۇچۇ تۉتۉندۅردۉ الاقات مۅمۅسۉن قۇرعاتۇۇ جابدۇۇسۇن جانا تەحنىكاسىن قولدونۇۇعا ىشتىكتۉۉ ۇيۇمداشتىرىپ، اباا بۉركۅك جاان جااعان كۉندۅرۉ جانا كۉزدۅكۉ الاقات قۇرعاتۇۇ قىيىن بولۇۇ ماسەلەسىن چەچكەن. ازىرعا چەيىن، ۉلگۉ كۅرسۅتۉپ جايىلتقان الاقات قۇرعاتۇۇ جابدۇۇسۇ 352گە جەتىپ، جىلىنا قۇرعاتقان الاقات مۅمۅسۉ 8 مئڭ توننادان اشقان. جىڭ وودانى جئڭچئشىن چەكتۉۉ جووپتۇلۇق شەرىكتىگى ئش قوشۇۇ زاۋوتۇنۇن زاۋوت باشچىسى جاڭ جئيۇجۉن مىنداي دەدى: «ۉزدۉكسۉز قۇرعاتۇۇ جابدۇۇسۇ قۇرعاتۇۇ تەمپىراتۇراسىن ۅنۉمدۉۉ تىزگىندەدى، تىزگىندۅۅگۅ داعى ۇباقىت بار، الاقاتتىن تۉسۉن قورعويت، نەگىزىنەن جاشاڭ مۅمۅ تۉسۉ مەنەن وقشوش، انىن ۉستۉنۅ ازىقتىق قۇرامىنىن اعىپ كەتبەستىگىنە كەپەلەتتىك قىلات».

 ۇچۇردا، جاۋ يۉلئڭ جانا توبۇنداعىلاردىن جاردامىندا، جىڭ وودانى 170 مئڭ مولۇق الاقاتى اراسىندا اسىل سورتتۇ ۅستۉرۉۉ سالىشتىرماسى 90 پايىزدان اشقان. 2017- جىلى 6- ايدا، «جىڭ الاقاتى» ەۋروبىرىمدىگىنىن جاعاراپئيالىق بەلگىسى بويۇنچا قورعولو تۇرعان تۉشۉمدۅرۉ مەنەن الماشتىرۇداعى تۇنعۇچ تۉركۉمدۅكۉ 100 ايىل چاربا تۉشۉمۉنۅ كىرگەن. جاۋ يۉلئڭ مىنداي دەدى: «باا جاعىندا ايقىن ايگەنەلەندى، الاقاتتىن 1 كىلوگىرامى نەگىزىنەن 30 يۇاندان 35 يۇانعا چەيىنكى باادا بولۇپ جاتات، بئز ەكىسپورتتوعون الاقاتتىن بااسى، ەڭ تۅمۅنۉ 60 يۇان».

 جاقىنقى جىلداردان بەرى، جاۋ يۉلئڭ جانا توبۇنداعىلار الاقات اتىزىن باشقارۇۇ ناق مايدان جىينالىشىنان 358 ىرەت قۇيرۇق ۇلاش ۅتكۅرۉپ، ئلىم-تەحنىكا قىزماتكەرلەرىن جەتەكتەپ الاقات ۅندۉرۉۉ تەحنىكاسى بويۇنچا تاربئيالوو كۇرسۇنان 553 قارار اچىپ، جەرگىلىكتە بئر تۉركۉم تەحنىكانى تۉشۉنۅ تۇرعان، باشقارا الا تۇرعان، تئجاراتقا چەبەر الاقات ۅستۉرۉۉ چەبەرلەرىن جەتىشتىرىپ چىققان.

 جاقىندا، باش شۇجئى شئى جئنپىڭ ئلىم-تەحنىكا بويۇنچا ۅزگۅچۅ قىزماتكەرلەردى جىبەرۉۉ تۉزۉمۉنۉن جولعو قويۇلعاندىعىنىن 20 جىلدىعىنا قاراتا زارىل جول-جوبو كۅرسۅتتۉ ارى مىنا بۇلاردى باسا بەلگىلەدى: ئلىم-تەحنىكا بويۇنچا ۅزگۅچۅ قىزماتكەرلەردى جىبەرۉۉ تۉزۉمۉ جولعو قويۇلعان 20 جىلدان بەرى، قوشۇۇن توقتووسۇز زورويۇپ، پارتئيانىن «ايىل چاربا، ايىل-قىشتاق، دىيقاندار» ساياساتىن ۉگۉتتۅۅ اتىرەتىنە، ايىل چاربا ئلىم-تەحنىكالارىن تاراتۇۇچۇلارعا، ئلىم-تەحنىكادا جاڭىلىق جاراتۇۇ، چاربا جاراتۇۇنۇن سەركەلەرىنە، ايىل-قىشتاقتاردى كەمباعالدىقتان ارىلتىپ بايۇۇ باشتااقتارىنا ايلانىپ، قالىڭ دىيقانداردى انسايىن ەە بولۇۇ سەزىمىنە، باقىت سەزىمىنە ەە قىلدى. 

 اقسۇۇ شاارى ىگەرچى ايىلى اسىل ۉرۅۅن يوقارقى چوقتال قىشتاعىندا، اقسۇۇ شاارىنىن ئلىم-تەحنىكا بويۇنچا جىبەرگەن ۅزگۅچۅ قىزماتكەرى چىن لئنشىيان چوردوندوشتۇرۇپ مايسا جەتىشتىرۉۉ تەحنىكاسىن كۉچۅپ جايىلتىپ، ارى جاشىلچا جاڭى سورتۇن، جابدۇۇلۇ ايىل چاربا ايلانمالۇۇ سوقو، تەمپىراتۇرانى جوعورۇلاتۇۇ سىستەماسى سىياقتۇۇ جابدۇۇلاردى كىرگىزىپ، قىشتاقتىن چوڭ ىلىمتا باستىرماسى 3 جىلدىن الدىنداعى 100گۅ جەتبەستىكتەن ازىرقى 1500دۅن اشىرعان. يوقارقى چوقتال قىشتاعىنىن قىشتاق تۇرعۇنۇ مۇ جوڭچۇان مىنداي دەدى: «چىن تەحنىككە تەلەفون چالساق ەلە، ال كەلىپ بىزگە ۉيرۅتۅت. جىلدا چىڭسەي ەگىپ بئر ىلىمتا باستىرمادان اراڭ 10، 20 مئڭ يۇانداي كىرەشە كىرەت ەلە، بىيىل 30 مئڭ يۇان ايلاناسىندا بار، ۅزگۅچۅ جاشىلچالاردى ۅستۉردۉك، جاڭدۇ، قالەمپىر سىياقتۇۇلار بار».

 چىن لئنشىيان مىنداي دەدى:«ايىل-قىشتاقتاردى جالچىتۇۇ جاعىندا، ەڭ چوڭ رولۇبۇزدۇ ۅرچۉتتۉك، بىرىنچىدەن دىيقانداردى جەتەكتەپ ىشتەدىك، ەكىنچى دىيقاندارعا كۅرسۅتتۉك، قولمو-قول ۉيرۅتتۉك».

 باش شۇجئى شئى جئنپىڭ مىنداي باسا بەلگىلەگەن: ئلىم-تەحنىكا بويۇنچا جىبەرگەن ۅزگۅچۅ قىزماتكەر تۉزۉمۉن، ئلىم-تەحنىكادا جاڭىلىق جاراتۇۇچۇ جۅندۅمدۉۉلۅرايىل-قىشتاقتاردى جالچىتۇۇداعى زارىل قىزمات قاتارى داعى بئر دەمجىي ناقتىلۇۇ بەكەم قارموو كەرەك. 2017- جىلى، اپتونوم رايون «ئلىم-تەحنىكا بويۇنچا جىبەرگەن ۅزگۅچۅ قىزماتكەرلەر كەمباعالداردى جۅلۅۅ اراكەت»ىن جولعو قويۇۇنۇ باشتاپ، ەكى جىلدان اشۇۇن ۇباقىتتان بەرى، جالپى 60 مئللىيون يۇان قارجى سالعان. ئلىم-تەحنىكا بويۇنچا جىبەرىلگەن ۅزگۅچۅ قىزماتكەرلەردىن چاربا جاراتۇۇ جانا تەيلۅۅ جۉرگۉزۉۉ سالااسى بۉت اپتونوم رايوندوعۇ بااردىق ايىل-شاارچالاردى قاپتاپ، تۉرلۅر ايىل چاربا ۅندۉرۉشۉنۉن بااردىق جاعىنا چاتىشتۇۇ بولعون. 

 ازىرعا چەيىن، بۉت اپتونوم رايونۇبۇزدا ئلىم-تەحنىكا بويۇنچا جىبەرىلگەن ۅزگۅچۅ قىزماتكەرلەردىن سانى 8200 ادامعا، جايىلتقان ار تۉردۉۉ ايىل چاربا تەحنىكا جەتىشكەندىكتەرى 1824 تۉرگۅ، كىرگىزكەن جاڭى سورت 1925گە، تاربئيالاعان دىيقان، مالچى 2 مئللىيون 710 مئڭ ادام ىرەتكە، ورۇنداشتىرعان ەمگەك كۉچۉ، جۇمۇشقا ورۇنداشتىرعانداردىن سانى 109 مئڭ ادامعا جەتىپ، اپتونوم رايونۇبۇزداعى ئلىم-تەحنىكا بويۇنچا جىبەرگەن ۅزگۅچۅ قىزماتكەرلەر اپتونوم رايونۇبۇزدۇن كەمباعالدىقتان ارىلتۇۇ ۅتكۅلۉۉنۅ ات سالۇۇعا جاردام بەرۉۉدۅكۉ، ايىل-قىشتاقتاردى جالچىتۇۇ قىزماتىنا تەيلۅۅ جۉرگۉزۉۉدۅكۉ ورچۇندۇۇ كۉچكۅ ايلانعان

〖2019.11.05-19:08〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز