ئش جۉزۉندۉك اراكەتى مەنەن ۇلۇتتار ىنتىماقتىعىن قورعودۇ

2019-10-29 17:21

  اپتونوم رايوندۇق بازاردى كۅزۅمۅلدۅپ ايداقتوو تەكشەرىپ باالوو بوربورۇنۇن مۇدۇر ىنجىنەرى جاۋ گىڭماۋ 20 قانچا جىلدان بەرى جەتىم، مايىپ بالداردى ۉن-تىنسىز باعىپ، چاقان، مىكىرو كەرقانالارعا چىن كۅڭۉلدۅن جاردام بەرىپ، ئش جۉزۉندۉك اراكەتى مەنەن ۇلۇتتار ىنتىماقتىعىن قورعودۇ. ەمى ىستانسىيابىز قابارچىسى چئيۇ جئندىن قابارى نازارىڭىزداردا: 

  10- ايدىن 26- كۉنۉ تۉشتۅن مۇردا، ۉرۉمچۉ SOS بالدار قىشتاعى 13- نومۇرلۇۇ ۉي-بۉلۅدۅ شاتتىق كۉلكۉلۅرۉ توقتوبوي جاڭىرىپ تۇردۇ، جاۋ گىڭماۋ بالدارعا وقۇۇ ماتەرىيالدارى، ەستەلىك دەپتەر سىياقتۇۇ ۉيرۅنۉش بۇيۇمدارىن الا كەلدى. 2011- جىلدان باشتاپ، جاۋ گىڭماۋ 13- نومۇرلۇۇ ۉي-بۉلۅدۅكۉ 7 بالانى باعىپ، بۇل ۉي-بۉلۅدۅكۉ «اتا» رولۇن دىلگىر ارقالادى. ال مىنداي دەدى: بالدار قىشتاعىندا بالدارعا، ەڭ نەگىزدۉۉسۉ ەكى ئشتى ىشتەپ بەرۉۉ كەرەك، بئرىنچى ئش بالدارعا جورو بولۇپ، «اتا» رولۇن ارقالوو. داعى بئرى الاردىن جەكە مۉنۅزۉن جەتىلدىرىپ، الاردىن كەە بئر ويلورۇن قانااتتاندىرىپ، الارعا كەە بئر سۇنۇشتاردى ايتىپ، كەە بئر ۉيرۅنۉش ارعالارىن ايتىپ بەرىپ، مىندان كىيىنكى كىشىلىك جاشووسۇنداعى تاندووسۇنا سۇنۇش بەرسەك، الار انسايىن باقىت سەزىمىنە ەە بولوت. 

   1996- جىلدان باشتاپ، جاۋ گىڭماۋ جەتىم، مايىپ بالداردى ۉن-تىنسىز باعا باشتاعان. 20 قانچا جىلدان بەرى، ال تۉشتۉك شئنجاڭ رايونۇنداعى 20 قانچا كەمباعال بالانىن وقۇۇسۇن بۉتۉرۉۉسۉنۅ جاردام بەرىپ، 7 جەتىم بالانى باققان. وشونۇ مەنەن قاتار، جاۋ گىڭماۋ كوماندۇرۇپكاعا چىققان مۅرتتۅن پايدالانىپ، الدى-ارتى بولۇپ بۉت شئنجاڭداعى 20 قانچا چاقان، مىكىرو كەرقاناعا ساپات ۅتكۅۅلۉن تىزگىندۅۅ، تۉشۉمدۉ تەكشەرىپ ۅلچۅۅ سىياقتۇۇ جاقتاردا تەحنىكالىق جاردام بەرىپ، ۅزۉ ساتىپ العان 100 قانچا قاتىشتۇۇ زاكون بەلگىلەمە جانا ماتەرىيالداردى كۅچۉرۉۉچۉ بارماق دىسكانى كەرقانالارعا اقىسىز تاراتىپ بەرىپ، ارى كەرقانىن تەحنىكتەرى مەنەن QQ توبۇن جانا شىبىر سۅز توبۇن قۇرۇپ، كەرقانانىن تەحنىكا جاعىنداعى قىيىن ماسەلەلەرىنە ار ۇباقىت جووپ قايتارىپ تۇرعان. ال مىنداي دەدى: كەرقانا تەحنىكانىن چەكتەمەسىنە ۇچۇراعاندا، الارعا انسايىن جاردام بەرۉۉگۅ تىيىشتۉۉ، ال ۅنۉككۅندۅن كىيىن، جەرگىلىكتەكى بئر تۉركۉم ادامداردىن بايۇۇسۇنا تۉرتكۉ بولوت. باشقالارعا جاردام بەرۉۉدۅكۉ ماقساتىبىز جووپ قايتارتۇۇ ەمەس، تەك عانا ۇشۇنداي جاقشى ۉمۉتتۅردۉ ۇلانتىپ كەتسە، مىندان كىيىن داعى دا كۅپ ادامعا جاردام بەرسە ەكەن دەگەن ۉمۉتتۅبۉز. 

  بىيىل 9- ايدىن 27- كۉنۉ، ماملەكەتتىك ۇلۇتتار ىنتىماقتىعىن الدىعا جىلدىرۇۇ بويۇنچا داڭازالوو جىينالىشى بەيجىندە ۅتتۉ، جاۋ گىڭماۋ «ماملەكەتتىك ۇلۇتتار ىنتىماقتىعىن الدىعا جىلدىرۇۇ بويۇنچا ۉلگۉلۉۉ جەكە» دەگەن اتاقا ەە بولدۇ. ال مىنداي دەدى: مەن ۉچۉن ايتقاندا ەڭ جۅنۅكۅي ىشتەردى ىشتەدىم دەپ ايتسام بولوت، بئروق ۇشۇنداي جوعورۇ ارداقا ەە بولدۇم، مەنىن مىندان كىيىن قىزماتتاردى داعىدا جاقشى ىشتەشىمە، ايرىقچا ۇلۇتتار ىنتىماقتىعى قىزماتىن انسايىن جاقشى ىشتەشىمە تۉرتكۉ بولوت. 


〖2019.10.29-17:21〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز