لئى كىچئياڭ ۅزۉبەكىستان زۇڭلئسى ارئپوف مەنەن مايەك ۅتكۅردۉ

2019-08-28 17:11

جۇڭگونۇن گوۋيۇان زۇڭلئسى لئى كىچئياڭ 8-ايدىن 27-كۉنۉ تۉشتۅن كىيىن، ەل سارايىندا جۇڭگوعو راسمئي زىياراتقا كەلگەن ۅزۉبەكىستان زۇڭلئسى ارئپوف مەنەن مايەك ۅتكۅردۉ. لئى كىچئياڭ مىنداي دەدى:-جۇڭگو-ۅزۉبەكىستان تارىحى ۇزۇن جۅرۅلگۅلۉۉ دوستۇق بايلانىشىنا ەە. بايلانىش ورنوتقوندون بەرى، ەكى ماملەكەت بئرى-بئرىنىن ۅزۅكتۉۉ تالام ماسەلەسىندە ۅزارا بەكەم قولدوو كۅرسۅتۉشۉپ، جۇڭگو-ۅزۉبەكىستان بايلانىشى مەنەن قىزماتتاشتىعى ۇلاندۇۇ جاڭىچا جىلىشتوولورعو قول جەتكىردى. تۅراعا شئى جئنپىڭ مەنەن زوڭتوڭ مئرزايوف كۅپ جولۇ جەڭىشتۉۉ جولۇعۇشۇپ، ەكى ماملەكەت بايلانىشىن ۇلاندۇۇ جاڭى بەلەسكە كۅتۅرۉۉگۅ قاراي تۉرتمۅكتۅدۉ. جۇڭگو-ۅزۉبەكىستان ەكونومىكاسىنىن ۅزارا تولۇقتووچۇلۇعۇ كۉچتۉۉ، ئش جۉزۉندۉك قىزماتتاشتىق بولوچوعۇ كەڭىرى. جۇڭگو جاق «بئر القاق، بئر جول» دەمىلگەسىن ۅزۉبەكىستاندىن ۅنۉگۉۉ ىستىراتەگىياسى مەنەن ۅز ارا اشتاشتىرىپ، ۅندۉرۉش قۇرباتى، ۅزارا بايلانىشۇۇ، قارىم- قاتتوو، ايىل چاربا قاتارلۇۇ سالاالارداقى قىزماتتاشتىقتى تەرەڭدەتىپ، ەكى جاقتىن ەنەرگىيا قىزماتتاشتىعىنىن تۇرۇقتۇۇلۇعۇن كەپىلدىككە الۇۇنۇ قاالايت. جۇڭگو جاق قوش تاراپتۇۇ سوودا كۅلۅمۉن ۇلاندۇۇ كەڭىرتىپ، جۇڭگونۇن بازار اجاتىنا ىلايىق كەلگەن ۅزۉبەكىستاندىن ۅزگۅچۅ تۉشۉمدۅرۉن ئمپورت قىلىپ، امالئي كۉچكۅ ەە جۇڭگو كەرقانالارىنىن بازار ەرەجەسى جانا سوودا پئرىنسىبى بويۇنچا ۅزۉبەكىستانعا قارجى سالىپ، كەسىپتى گۉلدۅندۉرۉۉگۅ قولدوو كۅرسۅتۉۉ قاالايت، ۅزۉبەكىستان جاقتىن تئجارات سوودا چۅيرۅسۉن جاراتۇۇنۇ ۉمۉت قىلات. مايەك جىينالىشتان كىيىن، ەكى ماملەكەت زۇڭلئسى بىردىكتە كۅپ تۉردۉۉ قىزماتتاشتىق ۉجۅتتۅرۉنۅ قول قويۇۇعا كۉبۅ بولدۇ.

〖2019.08.28-17:11〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز