شئى جئنپىڭ ا ق ش زۇڭتۇڭۇ تىرامپ مەنەن سۉيلۅشۉۉدۅ بولدۇ

2019-07-02 19:21

جۇڭگونۇن ماملەكەت تۅراعاسى شئى جئنپىڭ 6- ايدىن 29- كۉنۉ ا ق ش زۇڭتۇڭۇ تىرامپ مەنەن وساكادا سۉيلۅشۉۉدۅ بولدۇ. ەكى ماملەكەت باشچىلارى تاراپتار بايلانىشىن ۅنۉكتۉرۉۉدۅكۉ تۉپكۉ ماسەلە، ۇچۇرداعى تاراپتار سوودا سۉركۅلۉۉشۉ جانا ورتوق كۅڭۉل بۅلگۅن ەل ارالىق جانا رايون ماسەلەسى بويۇنچا تەرەڭ پىكىر الماشتىرىپ، كىيىنكى باسقىچتاعى تاراپتار بايلانىشىن ۅنۉكتۉرۉۉنۉن باعىتىن تۇرۇقتاندىرىپ، شايكەشۉۉ، قىزماتتاشۇۇ، وموقتۇۇلۇقتۇۇ ىرعاق قىلعان تاراپتار بايلانىشىن جىلىشتاتۇۇعا قوشۇلۇشتۇ. شئى جئنپىڭ مىنا بۇلاردى كۅرسۅتتۉ: جۇڭگو- ا ق شى بايلانىشى دۉينۅدۅكۉ ەڭ زارىل تاراپتار بايلانىشىنىن بئرى، تاراپتار دەپلوماتىيالىق بايلانىش ورنوتقون 40 جىلعا قايرىلساق بئر نەگىزگى ئش جۉزۉندۉلۉك باشتان- بويعو ۅزگۅربۅدۉ، ال بولسو تاراپتار قىزماتتاشسا ەكى جاققا تەڭ پايدا، ەر ەگىشسە ەكى جاققا تەڭ زىيان، قىزماتتاشۇۇ سۉركۅلۉۉشۉدۅن جاقشى، سۉيلۅشۉۉ قارشىلاشۇۇدان جاقشى، ۇچۇردا تاراپتار بايلانشىى كەە بئر قىيىنچىلىقتارعا ۇچۇرادى، بۇل تاراپتاردىن تالامىنا تۇۇرا كەلبەيت، تاراپتار اراسىنداعى كەە بئر تالاش- تارتىش ساقتالعان بولسو دا، بئروق تاراپتاردىن تالامى جوعورۇ داراجادا جۇرۇلۇشۇپ، قىزماتتاشتىق سالااسى كەڭىرى، وشوندۇقتان اتالمىش قاعىلىشۇۇ، قارشىلاشۇۇنۇن قاپقانىنا تۉشپۅي، ۅز ارا تۉشۉۉنۉنۉ ىلگەرى سۉرۉپ، چوعۇۇ ۅنۉگۉۉبۉز كەرەك.

زوڭتوڭ تىرامپ كۅپ جولۇ تاراپتار بايلانىشىن جاقشىلوونۇ ۉمۉت قىلاتۇرعانىن بئلدىردى، ال داعى تاراپتاردىن ۅز ارا ۇرماتتاشۇۇ، ۅز ارا نارىپ جەتكىرۉۉسۉن جۉز پايىز قۇپتايتۇرعان ايتىپ: بۇل بئزدىن بەكەم قارمايتۇرعان تۇۇرا باعىتىبىز- دەدى. تىرامپ مىنداي دەدى:«تۅراعا شئى جئنپىڭ مەنەن داعى بئر جولۇ كۅرۉشكۅندۉگۉمۅن ابدان قۇبانىچتامىن، مەنىن جۇڭگو مەنەن دۇشمانداشۇۇ نەەنىم جوق، ەكى ماملەكەت بايلانىشىنىن بارعان سايىن جاقشىلانۇۇسۇن ۉمۉت قىلام، وشوندوي ەلە جۇڭگو مەنەن بولعون قىزماتتاشۇۇنۇ كۉچۅتۉۉنۉ قاالايىم. ا ق شى جۇڭگو مەنەن ەكى ماملەكەت باشچىلارى بەكىتكەن پئرىنسىپ جانا باعىتتا بەكەم تۇرۇپ، چىمىرقانىپ ىشتەپ، شايكەشۉۉ، قىزماتتاشۇۇ، وموقتۇۇلۇقتۇۇ ىرعاق قىلعان تاراپتار بايلانىشىن چوعۇۇ ىلگەرى سۉرۅت. وشوندوي ەلە تاراپتار باشچىلارىنىن بۇل جولقۇ كۅرۉشۉسۉنۉن تاراپتار بايلانىشىنىن ۅنۉگۉۉسۉن كۉچۅپ جىلىشتاتۇۇسۇنا ىشەنەم. سوودا ماسەلەسى جۅنۉندۅ شئى جئنپىڭ مىنا بۇلاردى تاقىدى: تۉپ نەگىزىنەن الىپ ايتقاندا تاراپتاردىن سوودا قىزماتتاشتىعىنىن ماڭىزى ۅز ارا پايدا جەتكىرۉۉدۅ. تاراپتار اراسىنداعى زور تالام اشتاشۇۇسۇ ساقتالعان، وشوندۇقتان ەكى ماملەكەت قىزماتتاشۇۇداعى جاقشى شەرىككە ايلانۇۇسۇ كەرەك، مۇنۇن جۇڭگوعو، ا ق ش عا پايداسى بار، جۇڭگونۇن ەلىك ۇقۇق جانا اتاق- وبىرويۇنا چاتىشتۇۇ ماسەلەدە جۇڭگو سۅزسۉز ۅزۉنۉن ۅزۅكتۉۉ تالابىن قورعويت، دۉينۅنۉن الدىنقى ەكى چوڭ ەكونومىكا تۇلقۇسۇ قاتارى تاراپتار اراسىنداعى تالاش- تارتىشتىن اقىرى شۉيلۅشۉۉ، كەڭەشۉۉ ارقىلۇۇ ۅز ارا قابىلداي الاتۇرعان ارعا جۅنۉندۅ ىزدەنىپ چەچۉۉگۅ تۇرا كەلەت.

شئى جئنپىڭ مىنا بۇلاردى تاقىدى: جۇڭگو ا ق ش نىن جۇڭگو كەرقانالارى جانا جۇڭگولۇق وقۇۇچۇلارعا قالىس مامىلە قىلىپ، ەكى ماملەكەت كەرقانالارىنىن سوودا قارجى سالۇۇدا نورمال قىزماتتاشۇۇسۇن جانا ەكى ماملەكەت ەلىنىن نورمال پىكىر الماشتىرۇۇسۇنا كەپەلەتتىك قىلۇۇسۇن ۉمۉت قىلات. تىرامپ مىنداي دەدى: ا ق شى كەڭەشۉۉ ارقىلۇۇ ەل ماملەكەتتىن سووداسىنىن تەڭ سالماقتۇۇلۇعۇن جاقشى چەچىپ، ەكى ماملەكەت كەرقانالارىن قالىس قامدوو مەنەن قامدوونۇ ۉمۉت قىلات، ا ق شى جۇڭگونۇن ئمپورت تۉشۉمدۅرۉنۅن جاڭى تاموجىنا باجىسىن قوشۇپ البايت، وشوندوي ەلە جۇڭگونۇن ا ق شى عا بولعون ئمپورتۇن كۅبۅيتۉۉسۉن ۉمۉت قىلات. ا ق شى جۇڭگو مەنەن ۅز ارا قابىلداي العىداي سوودا كەلىشىمىنە كەلەت. ەكى ماملەكەت باشچىلارى بارابار جانا ۅز ارا ۇرماتتاشقان چەندە سوودا كەڭەشىن باشتووعو قوشۇلدۇ، ا ق شى جۇڭگو تۉشۉمدۅرۉنۉن جاڭىدان قوشۇلعان تاموجىنا باجسىن البايتۇرعان بولدۇ. ەكى ماملەكەت سوودا توبۇ كونكىرەت ماسەلەلەر بويۇنچا تالقۇۇ الىپ باردى. شئى جئنپىڭ جۇڭگو ۅكۉمۅتۉنۉن تايۋان ماسەلەسىندەگى پىرىنسىپتۉۉ مايدانىن بئلدىردى. تىرامپ مىنداي دەدى: مەن جۇڭگونۇن تايۋان ماسەلەسىنە بولعون كۅڭۉل بۅلۉۉسۉنۅ ۅسكۅلۅڭ ماانئى بەرەم، ا ق شى بئر جۇڭگو ساياساتىن سىزىل اتقارت.

〖2019.07.02-19:21〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز