قارىلىققا الدىرباعان مەمەت»

2021-01-13 11:11

 ىستانسىيابىز قابارچىلارى دۇڭ جىيۇڭ، ۋاڭ جئلوڭدۇن «قارىلىققا الدىرباعان مەمەت» دەگەن تەماداعى قابارى نازارىڭىزداردا.

  جاقىندان بەرى قويلورۇن قىشتان امان ەسەن چىعارۇۇ ۉچۉن، حوشۇت وودانى ۇشاقتال ايىلى تالاا قىشتاعىنىن تۇرعۇنۇ مامەت روزى ار ۇباقىت مالچىلىق مال دوقتۇرلۇق پۇنكىتىنە كەلىپ باقماچىلىق تەحنىكاسىن ۉيرۅنۉپ جۉرۅت. بىيىل 77 جاشتاعى مەمەت روزى قىشتاقتاعى باقماچى تۉتۉندۅردۉن اراسىنداعى جاشى ەڭ ۇلۇۇسۇ بولسودا، بئروق وزوت تەحنىكانى ۉيرۅنۉۉ قىزعىندۇۇلۇعۇ ابدان جوعورۇ. مەمەت روزى مىنداي دەدى: سالاماتتىعىم جاقشى بولبوسودا، بئروق ىشتەگەنگە جارايمىن، مەن داعى ۉيرۅنۉپ ۉيدۅ ۇي قويلورۇمدۇ جاقشى باشقارامىن. 

  مەمەت روزى كۅپ جىلدان بەرى جوعورۇ قان باسىم وورۇسۇ، دىيابەت وورۇسۇنا چالدىعىپ، بئر قۇلاعى ۇقپاي قالعان. 2014- جىلى تۅمۅن تۇرمۇش قامسىزداندىرۇۇسۇ سىياقتۇۇ تۅمۅنكۉ چەگىن قامسىزدوو ساياساتى ارقىلۇۇ كەمباعالدىقتان ارىلعان، بئروق مەمەت روزى بولسو بۇعا قايىل بولبوعون، ال مىنداي دەيت: كەمباعالدىق ارداقتۇۇ ئش ەمەس، كوممۇنىستىك پارتئيانىن ساياساتى جاقشى، مەن «الما بىش ووزۇما تۉش» دەپ وتۇرا بەربەستىگىم كەرەك، ۅزۉم ەمگەك قىلىپ اقچا تاپسام، قادىرجام بولوم.

  2015- جىلى مەمەت روزى 6 مو جەردەكى جاڭعاقتى كۅتۅرۅگۅ العان. 2018- جىلى «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتىنىن جۅلۅۅسۉندۅ، اعا داعى 8 تۇياق قوي بۅلۉپ بەرىلگەن. وشوندون كىيىن مەمەت روزى باقماچىلىق تەحىنكاسىن كۅڭۉل قويۇپ ىزىلدەپ ىلىكتەي باشتاعان. بايىنعولۇن مۇڭعۇل اپتونوم وبلاستىق مال چاربا مال دوقتۇرلۇق سىستەماسىنىن حوشۇت وودانى ۇشاقتال ايىلى تالاا قىشتاعىندا تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن مۉچۅسۉ جاڭ حوڭ مىنداي دەدى: مەمەت تىرىشچان، ۉيرۅنگۅندۉ جاقشى كۅرۅت، داعى سوودا قىلۇۇعا شىقتۇۇ، ارعا ويلوشتۇرۇپ ەمگەك جانا اقىل ارقىلۇۇ كۅپ اقچا تاپقاندى بىلەت، بئز اعا ابدان ىنانابىز، انى ۉلگۉ قاتارى كۅرسۅتۉپ انىن ئش ىزدەرىن قىشتاقتاعى باشقالارعا ۉگۉتتۅيبۉز.

 2020- جىلى مەمەت روزىنىن ۉي- بۉلۅسۉنۉن كىشى باشىندىق ناقاي كىرەشەسى 20 مئڭ 147 يۇانعا جەتكەن، ال قىشتاقتاعى بايۇۇ باشتامچىسى بولۇپ باالانعان، بئروق مەمەت روزى بۇعا قانااتتانبادى، ال قابارچىعا مىنداي دەيت: مەن ۇلاندۇۇ قوي باعىپ 50 گۅ جەتكىرىپ، بئر قانچا نەبەرەمە قالتىرىپ، الاردى داشۅگۅ وقۇتامىن.

  مەمەت روزىنىن بالاسى تەيىپجان مەمەت مىنداي دەدى: مەن ازىر 40 جاشتامىن، اتام بولسو 80 جاشقا تاياپ قالدى، اتام جۇمۇشتۇ جاقشى ىشتەيت، مەن دا اندان قالىشپاستىعىم كەرەك. مەن اتام مەنەن جارىشىپ قوي، ۇي باعىپ كىرەشەمدى اتامدان اشىرامىن، تۇرمۇشۇمدۇ انسايىن جاقشىلايمىن.

〖2021.01.13-11:11〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز