«ساياقاتتى مەتىرىيولوگىيالىق تەيلۅۅ قۇرباتىن جوعورۇ كۅتۅرۉۉ بويۇنچا كۅمۅكتۅشتۉك كەلىشىمى»نە قول قويۇشتۇ

2021-01-07 11:52

جاقىندا، اپتونوم رايوندۇق مادانئيات جانا ساياقات نازاراتى، اپتونوم رايوندۇق مەتىريولوگىيا مەكەمەسى «ساياقاتتى مەتىرىيولوگىيالىق تەيلۅۅ قۇرباتىن جوعورۇ كۅتۅرۉۉ بويۇنچا كۅمۅكتۅشتۉك كەلىشىمى»نە قول قويۇشۇپ، ساياقاتتى مەتىرىيولوگىيالىق تەيلۅۅ قۇرباتىن بىردىكتە جوعورۇ كۅتۅرۅت. ەمى ىستانسىيابىز قابارچىسى جاڭ شئياۋيۉندۉن قابارى نازارىڭىزداردا:

 كۅمۅكتۅشتۉك كەلىشىمگە نەگىز، ەكى تاراپ ساياقات اۋا ىرايى بويۇنچا كۉزۅتۉۉ سىستەماسى قۇرۇلۇشۇن كۉچۅتۉپ، «ساياقات+مەتىريولوگىيا» ماركا سىستەماسى قۇرۇلۇشۇن جاقشى ىشتەپ، ساياقات اۋا ىرايى اپااتىنان ساقتانۇۇ قىزماتىن كۉچۅتۉپ، بىرگەلەشكەن قىزمات مەحانىزىمىن تۇرعۇزۇۇ سىياقتۇۇ جاقتاردا كۅمۅكتۅشتۉكتۉ كۉچۅتۉپ، ساياقاتچىلاردى ماالىندا، تۅپ، جاقىن بولعون ساياقات جەتەكتۅۅسۉ مەنەن قامداپ، ساياقات كۅرك رايوندورۇنۇن كىلەمات بايلىعىن اچۇۇسۇن تۉرتمۅكتۅپ، ساياقات تۇيۇنۇۇسۇن جوعورۇ كۅتۅرۉۉنۉ ماقسات قىلعان. اپتونوم رايوندۇق مەتىريولوگىيا مەكەمەسىنىن باشچىسى سۉي سايشئيا مىنداي دەدى: كەلەچەكتە، مەتىريولوگىيا تارماقتارى ورچۇندۇۇ ساياقات شاارلارى جانا كۅرك رايوندورۇ وشوندوي ەلە قاتتوو نەگىزگى لئنىيالارىنداعى اۋا ىرايىنان الدىن ماالىمات بەرۉۉ جانا الدىن ەسكەرتۉۉ قۇرباتىن جوعورۇ كۅتۅرۉپ، اپااتتان قورعونۇۇنۇ كۉچۅتۅت. اندان سىرت، جەكە اۋتو ۇناا مەنەن ساياقاتتووچۇلار توبۇ، گۉل اچۇۇ مەزگىلىندەگى الدىن ماالىمات سىياقتۇۇ قاراتمالۇۇ تۉردۅگۉ تەيلۅۅلۅر مەنەن بۇيرۇتما بويۇنچا قامدايت. اندان سىرت، بئز ازىر قول تەلەفون APP سى ــ «بئر قول تەلەفون مەنەن شئنجاڭدى ساياقاتتوو» چاقان دەتالى، ساياقات كۅرك تۉيۉندۅرۉ جانا اسىل ساياقات لئنىيالارىن اۋا ىرايى تەيلۅۅسۉ مەنەن قامدووچۇ ىنتەرنەت جايىتى سىياقتۇۇلاردى قۇرۇپ جاتابىز، مۇنۇ مەنەن اقىل ىدىرەكتۉۉ ساياقات اۋا ىرايىنىن تەيلۅۅ قۇرباتىن جوعورۇ كۅتۅرۅبۉز.

  جاقىنقى جىلداردان بەرى، اپتونوم رايوندۇق مەتىرىيولوگىيا مەكەمەسى ساياقات تارماقتارى مەنەن ىشتىكتۉۉ كۅمۅكتۅشۉپ، «جۇڭگونۇن قار مەكەنى ــ التاي»، «جۇڭگودوعۇ سالقىندووچۇ جاي ــ اراشان وودانى»، «جۇڭگونۇن اسان ۉسۅن مەكەنى ــ موڭعۇلكۉرۅ»، «جۇڭگونۇن كىلەمات ارقىلۇۇ كۉتۉنۉۉ جايى ـــ تەكەس» سىياقتۇۇ ماملەكەتتىك كىلەمات بەلگى ماركاسىن قۇرۇپ، تەكەس، توعۇزتاروو، نىلقىنىن «جۇڭگونۇن تابىعئي قىچقىلتەكقاناسى» اتاعىنا باالانۇۇسۇن تۉرتمۅكتۅدۉ. التاي ايماعى «جۇڭگونۇن قار مەكەنى» كىلەمات بەلگىسىنە سۅۅنۉپ، «قار مەكەنى التاي»، «تازا جەرگە ــ قاناس» سىياقتۇۇ ساياقات ماركالارىن جاراتتى. بىيىلقى جاڭى جىلدىق ەس الۇۇ مەزگىلىندە، التاي شاارى گەنەرال توو قار جىلعاياقتوو مايدانى جالپى 4842 ادام ىرەت ساياقاتچىنى كۉتۉپ الىپ، الدىنقى جىلداعى وقشوش مەزگىلدەگىدەن ٪97.68 ارتتى. جەجاڭدىق قار جىلعاياقتوو كۉيۅرمانى يۅ يۅ مىنداي دەدى: قار جىلعاياقتوو جولۇ بئر چاما كەڭ ەكەن، قاردىن ساپاتى دا قىيلا جاقشى ەكەن، بىيىل ۇشۇل جەردە چاعاندى ۅتكۅرۅيۉن دەپ تۇرام. 

  اپتونوم رايوندۇق مادانئيات جانا ساياقات نازارتى پارتگۇرۇپپاسىنىن شۇجئسى حوۋ حانمئن مىنداي دەدى: ساياقات مەتىرىيولوگىيا بايلىعىنىن كۅمۉسكۅ كۉچۉن قازىپ «ساياقات+ مەتىريولوگىيا» جۇۇرۇلۇشقان ۅنۉگۉۉ تۉزۉلۉشۉنۉن قالىپتانۇۇسۇن تۉرتمۅكتۅيبۉز. كۅپچۉلۉكتۉ ەڭ ىلايىق بولعون اۋا ىرايىندا ەڭ ەلە بارعىسى كەلگەن جەرگە بارا الۇۇ، ەڭ سونۇن تۇيۇنۇۇ مۉمكۉندۉگۉنۅ ەە قىلابىز. مىنا بۇل ساياقات مەنەن مەتىرىيولوگىيانىن كۅمۅكتۅشۉۉسۉندۅ كۅپچۉلۉكتۉ ەڭ جاقشى تەيلۅۅ مەنەن قامدوونۇ ويلوعونۇ.

〖2021.01.07-11:52〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز