ۉرۉمچۉ شاارى نانساندىن ار قايسى قار جىلعاياقتوو مايداندارى جانا ايلاناسىنداعى دىيقاندار شاتتىعى وردۇ، چۉيگۉن داامدار كۅچۅسۉنۉن سووداسى ابدان قىزىدى

2021-01-05 11:24

جاڭى جىل كەزىندە، ۉرۉمچۉ شاارى نانساندىن ار قايسى قار جىلعاياقتوو مايداندارى جانا ايلاناسىنداعى دىيقاندار شاتتىعى وردۇ، چۉيگۉن داامدار كۅچۅسۉنۉن سووداسى ابدان قىزىدى. ەمى ىستانسىيابىز قابارچىسى جىن لىيدىن بۇل جۅنۉندۅكۉ قابارى نازارىڭىزداردا.

 جاڭى جىلدىق قىسقا ەس الۇۇدا، ۉرۉمچۉ نانسانداعى جىبەك جولۇ، باييۉن سىياقتۇۇ قار جىلعاياقتوو مايداندارىندا، قار جىلعاياقتاعالى كەلگەن ساياقاتچىلاردىن اياعى ۉزۉلبۅدۉ، كىشىلەر چاڭعىلارى مەنەن توو چوقۇسۇنان ۇچقانداي تۉشۉپ، قار- مۇز دەنە- اراكەتى الىپ كەلگەن قۇبانىچقا باتتى. قار جىلعاياقتوو كۉيۅۅرمانى ۋۇ حاۋچىن مىنداي دەدى: «كۅڭۉلدۉۉ وينوپ قۇماردان چىعىپ، دەمەيدەگى قىزمات، تۇرمۇش باسىمىن ابدان جەڭىلدەتتىك، بىيىك توودون قار جىلعاياقتاپ تۉشۉۉدۅي سەزىمدەن باارىلانىپ، داعى دا جاقشى تۇرپات مەنەن دەمەيدەگى تۇرمۇش، قىزماتقا كىرىشىپ كەتەبىز».

 قابارچى قار جىلعاياقتوو مايدانىندا، مايرام مەزگىلىندە ساياقاتچىلاردىن دەمەيدەگىگە سالىشتىرعاندا زور داراجادا كۅبۅيسۅ دا، بئروق ىلدەتتىن الدىن الىپ تىزگىندۅۅ چاراسىن بوشوشتۇرباي، قار جىلعاياقتوو بەلەتىن ساتۇۇ، قار جىلعاياقتوو اسپاپتارىن الۇۇ، فۇنكىليورعو چىعۇۇنۇن الدى سىياقتۇۇ القاقتاردا قىزماتكەرلەردىن ساياقاتچىلارعا ماسكە تارتىپ، ارالىقتى ساقتوونۇ ەسكەرتىپ جاتقانىن كۅردۉ. جىبەك جولۇ ەل ارالىق تىنىعۇۇ رايونۇ جاڭى ماالىمات ارالجىلارى بۅلۉمۉنۉن جووپتۇۇسۇ جاي تئڭفىي تاانىشتىرىپ مىنداي دەدى:«بۇل بئر قانچا كۉندۅ ەس الۇۇ رايونۇبۇز 3000 ساياقاتچى كۉتۉپ الدى، داربازادان كىرگەندەن باشتاپ اۋتو ۇناالارعا قاراتا دىزەنفەكسىيالاپ باكتىرىيانى جويۇۇ الىپ بارىپ، ساياقاتچىلار بەلەت ساتىپ العان جانا فۇنكليورعو ولتۇرعان كەزدە بئز الارعا سۅزسۉز بئر جارىم مەتىر ارالىق ساقتاپ، ماسكەنى جاقشى تارتۇۇنۇ ەسكەرتىپ تۇردۇق، مۇردا فۇنكليورعو 8 ادام ولتۇرچۇ، ازىر ارالىق قويۇپ ولتۇرۇۇعا ۅزگۅرتۉپ، ار بئر فۇنكليورعو تەك 4 ادام ولتۇرعۇزۇپ، كۅپچۉلۉكتۉ قار جىلعاياقتوو مەنەن بىرگە ىلدەتتىن الدىن الىپ تىزگىندۅۅ تالابىنا كەپەلەتتىك قىلۇۇ مۉمكۉندۉگۉنۅ ەە قىلدىق».

  جاڭى جىل كەزىندە، ار قايسى ەلدىك قونولعولورعو تۉنۅۅ سالىشتىرماسى كۅرۉنۉكتۉۉ جوعورۇلادى. شئيانلەي چاقان شاارچاسىندا، ساياقاتچى لئى حۇا ۉيۉندۅكۉلۅرۉ مەنەن چوعۇۇ بئر جاعىنان كۅچۅ ارالاپ بئر جاعىنان تاماق جەپ، ابدان جىرعاادى. ال مىنداي دەيت: «مايدا جەەمەكتىكتەر، جاقشى تاماقتار ابدان كۅپ ەكەن، تىگىل باشىنان باشتاپ جەدىك، بۇل حىناندىقى، شئنجاڭدىن چۉكۅلۉۉ جىلىگىن جەەدىك، ۉيدۅكۉلۅر مەنەن وينوعولۇ چىعىپ، مايرامدا ەس الىپ، بالام، كۉيۅۅم مەنەن ابدان كۅڭۉلدۉۉ وينودۇق».

  ماشى فىنتاڭ ۇي سۅۅگۉ سورپوسۇ تئجاراتى مەنەن الەكتەنۉۉچۉ شا يوڭ بۇل بئر قانچا كۉندۅ ابدان شاشىلىش بولدۇ. ال مىنداي دەدى:« بۇل بئر قانچا كۉندۅ سوودام ابدان جاقشى بولدۇ، دەمەيدە ۉچ كۉندۅ 4000 يۇاندىق سوودا قىلچۇمۇن، بۇل ۉچ كۉندۅ 20 مئڭ يۇاندىق سوودا قىلدىم».

〖2021.01.05-11:24〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز