جۅنۅكۅي بئر دىيقاندان نان كەسىپ باقچاسىنىن كەسىپتىك نابايىنا ايلاندى، جەركەن وودانى اۋات شاارچاسى بوستان قىشتاعىنىن تۇرعۇنۇ ابدۇرەشىت قادىر ەمگەكچىل ەكى قولۇنا تايانىپ، كەمباعالدىق اتىن الىپ سالىپ، باقتىلۇۇ تۇرمۇش ۅتكۅرۅ باشتادى، بۇل جۅنۉندۅ ىستانسىيابىز قابارچىسى لئى ۋىيدىن قابارى نازارىڭىزداردا:　　　

　ـــ بۇل نانعا ئش قوشۇۇچۇ زاۋوتتۇن ەكىنچى نومۇرلۇۇ سەحى، بئزدىن بۇل ەكىنچى نومۇرلۇۇ سەحتە 75 تاندىر بار، ازىر نابايلار نان جااپ جاتىشات، جاپقان نانداردى بالدار باقچاسى، باقچا رايونعو ساتابىز...

　 جاڭى جىلدىن الدىنقى كۉنۉ، جەركەن ووداندىق ۅزگۅچۅ ازىق- تۉلۉك كەسىپ باقچاسىندا، ابدۇرەشىت قادىر مەنەن 400دۅن اشۇۇن ناباي جاڭى جىل مەزگىلىندەكى بازاردى قامدوو ۉچۉن شاشىلىش ىشتەپ جاتىشتى. ابدۇرەشىت قادىر قابارچىعا، كەسىپ باقچادا جالپى 4 نانعا ئش قوشۇۇچۇ سەح 315 ەلەكتىر گاز تاندىرى بار ەكەنىن ايتىپ مىنداي دەدى: «بئزدىن ار بئر تاندىردا 3 ناباي بار، بئر كۉندۅ 100 مئڭ نان جابىشات، داامى بويۇنچا كۉنجۉت نان، پىياز نان، بادام نان بار، جالپى 40 تۉردۅن اشۇۇن داامداعى نان جابىلات».　　　　

　 نان جابۇۇ قىزماتىن ايتقاندا، ابدۇرەشىت قادىر ىچىندەكى قۇبانىچىن باسا البايت. ازىر ال بۇل جەردە ىشتەگەندەن بەرى ار ايدا 2300 يۇاندان اشۇۇن مايانا الىپ، كىرەشەسى تۇرۇقتۇۇلاشتى. ۅتكۅن جىلداردى ەسكە الىپ ابدۇرەشىت قادىر، مۇردا جەر ايداپ تەحنىكا بىلبەي تۇرعانىن، بئر ۉي-بۉلۅدۅكۉ بەش جاندىن كىرەشەسى ابدان تۅمۅن ەكەنىن ايتىپ مىنداي دەدى: «مۇردا بۇۇداي، پاحتا ايدايت ەلەك، بئر جىلداعى كىرەشەبىز 10 مئڭ يۇاندان اشچۇ، وشول كەزدەردە بئر ۅنۅر ۉيرۅنۉپ، ۉي-بۉلۅمدۉن كىرەشەسىن اشىرۇۇنۇ ويلوعومۇن».　　 

　2019- جىلى، جەركەن شئياڭشا ۅزگۅچۅ ازىق- تۉلۉك چەكتۉۉ شەرىكتىگى بوستان قىشتاعىنداعى ۉيرۅنۉۉ ويۇ بار قىشتاق تۇرعۇندارىنا اقىسىز نان جابۇۇ تەحنىكاسىن ۉيرۅتۉپ، بۉتۉرگۅندۅن كىيىن شەرىكتىكتە ىشتەگەلى بولورۇن بىلدىرگەن. بۇل قاباردى ۇققاندان كىيىن ابدىرەشىت قادىر بئرىنچى ۇباقىتتا تىزىمدەتكەن. ۉيرۅنۉۉ بارىشىندا اعا ەڭ قىيىن بولعونۇ كۉنجۉت سەبىلگەن قامىردى تاندىرعا چاپتاش بولعون. بۇل اراكەتتى ابدىرەشىت قادىر 10 قانچا كۉن ۉيرۅنگۅن. ال مىنداي دەيت: «سەبەبى تاندىردىن تەمپەراتۇراسى ابدان جوعورۇ، 180 دەن 200 سەلتسىي گرادۇسقا چەيىن، مەن العاچىندا نان جاپقاندا قولۇمدۇ، بىلەگىمدى كۉيدۉرۉپ الدىم، بئروق باش تارتپادىم، ەگەر بئز تەحنىكا ۉيرۅنۅ الباساق، جاقشى تۇرمۇش ۅتكۅرۅ البايبىز».　　　 

　توقتووسۇز ۉيرۅنۉۉ ارقىلۇۇ ابدۇرەشىت قادىر بئر كۉندۅ 500 دۅن اشۇۇن نان جابا تۇرعان بولدۇ. 2020- جىلى 9- ايدا شەرىكتىكتىن نان جابۇۇ وردۇ جەركەن ووداندىق ۅزگۅچۅ ازىق- تۉلۉك كەسىپ باقچاسىنا كۅچۉپ بارات، قىزمات ناتىيجاسى جاقشى بولعوندۇقتان ابدۇرەشىت قادىر قامىر جۇۇرۇۇ وردۇنۇن بانجاڭى بولوت. جاڭى قىزمات چۅيرۅسۉ جانا تالاپتارعا قاراتا، ابدۇرەشىت قادىر قامىر جۇرۇۇ ارعاسىن استەيدىل ىزىلدەپ، ار كۉنۉ 18 جۇمۇشچۇنۇ جەتەكتەپ كەمىندە 100 مئڭ نانعا كەرەكتۉۉ چىيكى ماتەرىيالعا ئش قوشقون. جاڭى بئر جىل جەتىپ كەلىشى مەنەن ابدۇرەشىت قادىردا جاڭى پئلاندار پايدا بولدۇ، ال مىنداي دەدى: «تەحنىكانى ۉيرۅنگۅندۅن كىيىن تۇرمۇشۇم كۉندۅن كۉنگۅ جاقشىلاندى، ازىر باقتىلۇۇمۇن، مىندان كىيىن نابايقانا اچىپ، ۅزۉم چاربا جاراتىپ، ايرىم جاڭى داامداردى ىزىلدەپ چىعىپ، تۇرمۇشۇمدۇ انسايىن جاقشى ۅتكۅرسۅم دەيمىن».