چۅيچۅك شاارى ارگۇڭ شاارچاسى تەرەكتى قوومدۇن قونۇشۇ «ساياقات+» ۅنۉگۉۉ تۉشۉنۉگۉندۅ بەكەم تۇردۇ

2020-12-23 11:53

چۅيچۅك شاارى ارگۇڭ شاارچاسى تەرەكتى قوومدۇن قونۇشۇ «ساياقات+» ۅنۉگۉۉ تۉشۉنۉگۉندۅ بەكەم تۇرۇپ، كەمباعالداردى جۅلۅۅ قارجىسىنان پايدالانىپ، قالقتى ەلدىك قونولعو اچۇۇ، ماگەزىن اچۇۇعا شىقتاندىرىپ، ايىل- قىشتاق ساياقاتچىلىعىن ۅنۉكتۉرۉۉ ارقىلۇۇ قالقتى كىرەشە ارتتىرىپ بايۇۇعا باشتادى. ەمى بۇل جۅنۉندۅ قابارى نازارىڭىزداردا:

 قىش كىرگەندەن بەرى، كۅپتۅگۅن ساياقاتچىلار چۅيچۅك شاارى تارباعاتاي تووسۇ قارا ۉڭكۉر دايراسى دايرا الابى القاعىنداعى تەرەكتى قوومدۇق قونۇشۇنا كەلىپ قار كۅرۉنۉشۉنۅن ۉزۉر الىپ، ەلدىك قونولعودو قونۇپ، دىيقاندار داامدارىنان جەپ، قىشقى ايىل قىشتاق ساياقاتىنىن قىزىعىنان ۉزۉرلۅندۉ. ساياقاتچى گۇاڭ جىشئڭ مىنداي دەدى: «ەلدىك قونولعو ابدان جاقشى ەكەن، بۇل جەرگە كەلىپ تاماقتانساق، باارى الار ۅزدۅرۉ ۅستۉرگۅن جاشىلچالار، داامى داعى جاقشى».     

 تەرەكتى قوومدۇق قونۇشۇ چۅيچۅك شاارىنىن تۉندۉگۉنۅ 40 كلومەتىر كەلگەن جەرگە جايعاشقان، مۇردا چۅيچۅك شاارى ويجايلوو مالچىلىق فەرماسىنىن بئر مالچىلىق قىشتاعى ەلە، 154 مئڭ مو تابئعىي جايىت بار، بەدەلۉۉ جەر 36 مئڭ مو. جاقىنقى جىلداردان بەرى، چۅيچۅك شاارى كەمباعالداردى جۅلۅۅ تۉر قارجىسىنىن قولدووسۇندا، جەرگىلىك نەگىزگى قاتمار جابدۇۇلارى سالىنماسىن تىنباي ارتتىرىپ، اسفالئت جول جاساپ، كۉن ەنەرگىياسى جول چىراعىن ورۇنداشتىرىپ، چۅيرۅ قورعوو اجاتقاناسىن سالدى، ارى چۅيچۅك شاارى- تەرەكتى- قارا ۉڭكۉر سۇۇ ساقتاعىچ جايلوو ەكىسكۇرتسىيا ساياقات جولۇ لئنىياسىن اچتى. تاماق، جاتاق، ساياقات، كۅڭۉل اچۇۇنۇ بئر تۇلقۇلاشتىرعان جايلوو ەكولوگىيالىق ساياقاتچىلىعىن ۅنۉكتۉرۉۉ ارقىلۇۇ، قوومدۇق قونۇشتاعى 34 تۉتۉن تۇرعۇن ەلدىك قونولعو، مالچىلار شاتتىعى، ماگەزىن سىياقتۇۇلاردى اچتى. ار جىلى توسۇپ العان ساياقاتچىلار ون مئڭ ادام ىرەتتەن اشىپ، ساياقات توسۇپ الۇۇ كىرەشەسى مئلليون يۇاندان اشتى. تۇرعۇن گۉلسۉمقان 2018- جىلى قوومدۇق قونۇشتۇن قولدووسۇندا، بئر بوز ۉيدۉ ەلدىك قونولعو قىلىپ اچقان، ەكىنچى جىلى ۉي- بۉلۅسۉنۉن كىشى باشىندىق ورتوچو كىرەشەسى 9 مئڭ يۇاندان اشۇۇنعا جەتتى. بىيىل، ال ەلدىك قونولعو كۅلۅمۉن كەڭىرتتى، داعى تووق باعىپ، كىرەشەسى بىلتىرقىنى بئر قاتتادى. گۉلسۉمقان مىنداي دەدى:«ماملەكەتتىن جاقشى ساياساتىندا، بئز ەلدىك قونولعو اچتىق، كىرەشە جاقشى. مىندان ارى بئز ۇلاندۇۇ چىمىرقانىپ، ەلدىك قونولعونۇ زورويتۇپ، داعى دا كۅپ كىشىلەردى باشتاپ جاقشى كۉن ۅتكۅرۅبۉز». 

〖2020.12.23-11:53〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز