شئنجاڭ رادىيو- تەلەۋىزىيا ىستانسىياسى گۇما وودانىنىن دىيقانچىلىق- مالچىلىق تۉشۉمدۅرۉن ساتۇۇسۇنا دىلگىر دەمۅۅر بولدۇ

2020-05-08 10:39

 جاقىنقى ۇباقىتتاردا، شئنجاڭ رادىيو- تەلەۋىزىيا ىستانسىياسى شئنجاڭ كۉنلۉن لۉيۇان ايىل چاربا ئلىم تەحنىكا ۅنۉكتۉرۉۉ (توبۇ) چەكتۉۉ جووپتۇلۇق شەرىكتىگى مەنەن بىرگەلەشىپ، «شئنجاڭدىن سۉيۉۉسۉ چەكسىز ـــ شئنجاڭ رادىيو- تەلەۋىزىيا ىستانسىياسى گۇما وودانىنىن كەمباعالدىقتان ارىلتۇۇ چابۇۇلۇنا دەمۅۅر بولۇۇ» جالپىلىق جىرعالچىلىق اراكەتىن ۇيۇمداپ قوزعوتۇپ، گۇما وودانىنداعى دىيقان- مالچىلاردىن دىيقانچىلىق- مالچىلىق تۉشۉمدۅرۉن ساتۇۇسۇنا دىلگىر جاردام بەردى. ازىرعا چەيىن، ساتىلعان قويون، قاز سىياقتۇۇ دىيقانچىلىق- مالچىلىق تۉشۉمدۅرۉ جالپى 3.3 توننا بولدۇ. ىستانسىيابىز قابارچىلارى ياڭ جۇ، لئيۇ چىياڭداردىن قابارى: 

 5- ايدىن 6- كۉنۉ تۉشكۉ ساات ەكى جارىمدا، گۇما وودانىنان ۉرۉمچۉگۅ جۅنۅتۉلگۅن توڭدۇرۇلعان قويون، قاز سىياقتۇۇ دىيقانچىلىق- مالچىلىق تۉشۉمدۅرۉ شئنجاڭ رادىيو- تەلەۋىزىيا ىستانسىياسىنا جەتىپ كەلدى. شئنجاڭ رادىيو- تەلەۋىزىيا ىستانسىياسى جارىيا باشقارماسىنىن قىزماتكەرى ۋۇ پئڭ مىنداي دەدى: «بۇل جولۇ 3 قاز، 1 قويون ساتىپ الدىم، ساپاتى ابدان جاقشى ەكەن، بااسى داعى ىلايىقتۇۇ. كەمباعالداردى جۅلۅۅ قىزماتىن قولدوو جاقشى، مىندان ارى كۅبۉرۅۅك ۇيۇمداسا، ەكى جاق تەڭ پايداعا ەە بولوت».

  تۉشتۉك شئنجاڭداعى وور كەمباعال رايوندوردۇن كەمباعالدىقتان ارىلتۇۇ چابۇۇلۇنا دەمۅۅر بولۇۇ ۉچۉن، بىيىل 3- ايدىن باشىندا، شئنجاڭ رادىيو- تەلەۋىزىيا ىستانسىياسى پارتكومۇ اتايىن تەما ىزىلدۅۅسۉن الىپ بارىپ وشوندوي ەلە اراكەت پئلانىن تۉزۉپ، شئنجاڭ كۉنلۉن لۉيۇان ايىل چاربا ئلىم تەحنىكا ۅنۉكتۉرۉۉ (توبۇ) چەكتۉۉ جووپتۇلۇق شەرىكتىگى مەنەن قىزماتتاشىپ، ىنتەرنەتتە توپتۇق ساتىپ الۇۇ ىڭعايى ارقىلۇۇ دىيقانچىلىق- مالچىلىق تۉشۉمدۅرۉن ساتۇۇ جولۇ قىيىن بولۇۇ ماسەلەسىن چەچىپ، گۇما وودانىنىن قويون، قاز سىياقتۇۇ دىيقانچىلىق- مالچىلىق تۉشۉمدۅرۉن ساتۇۇسۇنا جاردام بەردى. قىيمىل قۇلاچ جايدىرىلعاندان بەرى، شئنجاڭ رادىيو- تەلەۋىزىيا ىستانسىياسىنىن ار ۇلۇت كادىر، جۇمۇشچۇ- قىزماتكەرلەرى جالپىلىق جىرعالچىلىق اراكەتىنە دىلگىر قاتىشىپ، جارىشا بۇيرۇتۇپ ساتىپ الىپ، دىيقانچىلىق- مالچىلىق تۉشۉمدۅرۉن تاانىشتىرىپ، دىيقانچىلىق- مالچىلىق تۉشۉمدۅرۉ ساتىلباي قالۇۇداي قىيىن ماسەلەسىن چەچتى. شئنجاڭ رادىيو- تەلەۋىزىيا ىستانسىياسى جۇمۇشچۇ- قىزماتكەرلەر اشقاناسىنىن الدىنقى زال دىرەكتورۇ پان حۇي قابارچىعا، جۇمۇشچۇ- قىزماتكەر جەكەلەردەن باشقا، اشقانا داعى 500 كلوگىرام قويون جانا 500 كلوگىرام قاز بۇيرۇتۇپ ساتىپ العانىن ايتىپ مىنداي دەدى: «ساپاتى ابدان جاقشى ەكەن، كىيىنكى قادامدا بئز بۇل جەمەكتىك ماتەرىيالدارىن ىشتەتىپ كەە بئر جاڭى قۇۇرۇمالاردى چىعارابىز، اچۇۇ- چۉچۉ قويون ەتى قۇۇرۇماسى، تاتتۇۇ- اچۇۇ قويون شىيراعى جانا قىزارتىپ قاقتاپ بىشىرىلعان قاز سىياقتۇۇلاردى جاساپ، جۇمۇشچۇ- قىزماتكەرلەردى جاڭى تاندوو مەنەن قامدايبىز، مىنداي بولعوندو تاماق ۉستۅلۉ مول بولۇپ ەلە قالباي، داعى كەمباعالدىقتان ارىلتۇۇعا دەمۅۅر بولوت، چامابىز جەتكەن ئشتى ىشتەيبىز». 

  بىلۉۉگۅ قاراعاندا، شئنجاڭدىن سۉيۉۉسۉ چەكسىز ـــ شئنجاڭ رادىيو- تەلەۋىزىيا ىستانسىياسى گۇما وودانىنىن كەمباعالدىقتان ارىلتۇۇ چابۇۇلۇنا دەمۅۅر بولۇۇ» جالپىلىق جىرعالچىلىق اراكەتى قۇلاچ جايدىرىلعاندان بەرى، شئنجاڭ رادىيو- تەلەۋىزىيا ىستانسىياسىنىن 12 جۉرۉش رادىيو قانالى، 12 جۉرۉش تەلەۋىزىيا قانالى ۉچ ايلىق جالپىلىق جىرعالچىلىق جارىياسىندا تاانىشتىرۇۇنۇ بئرىنچى ۇباقىتتا باشتاعان. مىندا، ار كۉنۉ ۇقتۇرۇلعان رادىيو جارىياسى 24 مئنوت، تەلەۋىزىيا جارىياسى 24 مئنوت، بۉت جىلداعى جارىيا جالپى ۇزۇندۇعۇ 12 مئڭ 960 مئنوتقو جەتۉۉسۉ بوجومولدونعون. شئنجاڭ كۉنلۉن لۉيۇان ايىل چاربا ئلىم تەحنىكا ۅنۉكتۉرۉۉ (توبۇ) چەكتۉۉ جووپتۇلۇق شەرىكتىگىنە قاراشتۇۇ ساتۇۇ شەرىكتىگىنىن باش دىرەكتورۇ جىڭ يۉ مىنداي دەدى: «بۇل جولۇ بئز شئنجاڭ رادىيو- تەلەۋىزىيا ىستانسىياسى مەنەن قىزماتتاشىپ قويون، قازدى توپ ساتىپ الۇۇ-بئر ىرەتكى ابدان جاقشى سىناپ كۅرۉۉ بولدۇ، الدىنقى مەزگىلدىك جوسپورلوودون تارتىپ ەڭ اقىرقى قالىپتاشقانعا چەيىن ابدان شىدىر بولدۇ. بۇل جولقۇ ساتىلعان قويون، قازداردىن بااردىعىنا گۇما وودانىنداعى كەمباعال تۉتۉندۅر باعۇۇعا قاتىشقان، جەرگىلىكتىن كەمباعالدىقتان ارىلتۇۇ چابۇۇلۇنا دەمۅۅر بولوت. كىيىنكى قادامدا، بئز سىزىل قىزماتتاشىپ، قويون، قازدان باشقا، داعى ەشەك سۉتۉ تۉشۉمدۅرۉن ساتىپ، انسايىن كۅپ كەمباعال تۉتۉندۉن كىرەشەسىن ارتتىرىپ كەمباعالدىقتان ارىلتابىز». 

〖2020.05.08-10:39〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز