جۇڭگونۇن ەڭ باتىش بۅلۉگۉندۅكۉ چەك اراعا جاقىن قىشتاققا دىنامىكالىق ەلەكتىر جالعاندى

2020-04-26 12:37

  4- ايدىن 23- كۉنۉ، جۇڭگونۇن ەڭ باتىش بۅلۉگۉندۅكۉ چەك اراعا جاقىن قىشتاق- قىزىلسۇۇ قىرعىز اپتونوم وبلاسى ۇلۇۇچات وودانى جىعىن ايىلى ساقال قىشتاعىنىن ەلەكتىر تور قۇرۇلۇشۇ بۉتۉپ ەلەكتىر جەتكىرىلىپ، جەتەرلۉۉ بولعون تۇرۇقتۇۇ دىنامىكالىق ەلەكتىر مالچىلاردىن ۉيلۅرۉنۅ جالعاندى، بۇل جىعىن ايىلىندا دىنامىكالىق ەلەكتىردىن بۉت قاپتالعانىنان دارەك بەرەت، بۇل جۅنۉندۅ قىزىلسۇۇ قىرعىز اپتونوم وبلاستىق رادىيو تەلەۋىزىيا ىستانسىياسىنىن قابارچىلارى حۋو ۋىيمئڭ، شىياۋ لئندىن قابارى نازارىڭىزداردا:

   ۇلۇۇچات وودانى جىعىن ايىلى جۇڭگونۇن ەڭ باتىشىنا جايعاشىپ، ورتوچو دەڭىز دەڭگەلىنەن 2780 مەتىر بىيىك، «باتىش بۅلۉكتۅگۉ بئرىنچى ايىلى» دەگەن اتى بار. جاعراپئيالىق فاكتورلوردۇن چەكتەمەسىنەن ۇلام، جىعىن ايىلىنىن ساقال قىشتاعىنا باشتان اقىرى دىنامىكالىق ەلەكتىر جالعانباي، ەلەكتىر مەنەن قامدووسۇ تۇرۇقسۇز بولۇپ كەلگەن. قىشتاق تۇرعۇندارعا ەرتەرەەك دىنامىكالىق ەلەكتىردى جەتكىرۉۉ ۉچۉن، جۇمۇشچۇلار قاتتووسۇ وڭتويسۇز بولۇۇ، كىلىماتى سۇۇق، تۉن مەنەن كۉندۉزدۉن تەمپەراتۇرا ايىرماسى چوڭ بولۇۇ سىياقتۇۇ قىيىن ماسەلەلەردى جەڭىپ، 3- ايدىن 9- كۉنۉ راسمىي جۇمۇشتۇ قالىبىنا كەلتىرىپ، شاشىلىش قۇرۇۇ ارقىلۇۇ بئر اي مۇردا قۇرۇلۇش مىلدەتىن بۉتۉرۉپ، ىيگىلىكتۉۉ ەلەكتىر جەتكىردى. ماملەكەتتىك ەلەكتىر تورۇ ۇلۇۇچات ووداندىق ەلەكتىر مەنەن قامدوو شەرىكتىگىنىن دىرەكتور جاردامچىسى قۇربان ابىلەز مىنداي دەدى: ساقال قىشتاعىن ەلەكتىر مەنەن قامدوو ساپاتىن زور داراجادا كۅتۅردۉك، ال چاقان مىكىرو كەرقانالاردىن دىنامىكالىق ەلەكتىر بۇلاعىن قانااتتاندىرا الات، وشوندوي ەلە «كۅمۉردۉ ەلەكتىرگە ۅزگۅرتۉۉ»نۉن ەلەكتىر مەنەن قامدوو باسىمىن قااناتتاندىرا الات.

 ۅتكۉر مۅلان ساقال قىشتاعىنداعى باقماچىلىق كۅمۅكتۅشتۉك كوپەراتىپتىن جووپتۇۇسۇ، كۅز الدىنداعى قاتار قاتار ەلەكتىر مامىلاردى كۅرۉپ ال سۉيۉنگۅن تۉردۅ مىنداي دەدى: بۉگۉنكۉ كۉندۅ تۇرۇقتۇۇ دىنامىكالىق ەلەكتىر جالعانىپ، جوعورۇ قۇباتتاعى چۅپ تۇۇروو ماشئناسى، مايدالوو ماشئناسى جانا ارالاشتىرۇۇ ماشئناسى سىياقتۇۇ تويۇققا ئش قوشۇۇ جابدۇۇلارىن قالىپتۇۇ ىشتەتە الا تۇرعان بولدۇق. مۇردا باشقالار ەلەكتىر ىشتەتپەگەن كەزدە، جوعورقۇ بەلەسى جوق كەزدە جابدۇۇلاردى ىشتەتە الات ەلەك، ازىر ار ۇباقىت ىشتەتسەك بولوت، ۅندۉرۉش بەرەكتى مۇرداعىدان كۅپ جاقشى بولدۇ.

  بىلۉۉگۅ قاراعاندا، بىيىل ماملەكەتتىك ەلەكتىر تورۇ شئنجاڭ ەلەكتىر قۇباتى شەرىكتىگى 679 مئللىيون يۇان قارجى سالىپ، چەك اراعا جاقىن قىشتاقتارعا ەلەكتىر سەپتۅۅ قۇرۇلۇشۇن كۉچۅپ جىلىشتاتىپ، 633.29 كىلومەتىر جوعورۇ باسىمدۇۇ لئنىيانى، 229.91 كىلومەتىر تۅمۅن باسىمدۇۇ لئنىيانى ۅزگۅرتۉپ قۇرۇۇنۇ پىلانداعان، ال اقسۇۇ ايماعى، حوتەن، تارباعاتاي، قىزىلسۇۇ قىرعىز اپتوبوم وبلاسى سىياقتۇۇ 9 ايماق وبلاس شاارعا چاتىشىپ، 17 چەك ارا وودانداعى 9100 تۉتۉن، 36 مئڭ دىيقان مالچىعا نارىپ جەتكىرەت.

〖2020.04.26-12:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز