جۇعۇشتۇۇ وورۇنۇن الدىن الىپ تىزگىندۅۅنۉ جاقشى ىشتۅۅ مەنەن قاتار، اپتونوم رايونۇبۇزدۇن جەر-جەرلەرىندەكى ساياقات تارماقتارى مەنەن ساياقات كەرقانالارى «شئنجاڭدىقتار شئنجاڭدى ساياقاتتوو» نەگىزگى تەماسىن ىمەرچىكتەي، بئر سىيرا گۉلدۅن ۉزۉر الۇۇ ساياقاتى، ۉزۉۉ-تەرۉۉ ساياقاتى، شاار تەگەرەگىنە ساياقاتتوو، ۅز ماشئناسى مەنەن ساياقاتتوو سىياقتۇۇ قىسقا ارالىقتۇۇ ساياقات لئنىياسىن جولعو قويۇپ، ساياقات كەرەكتۅۅسۉن تۉرتمۅكتۅپ، ساياقاتتىن قايرا جاندانۇۇسۇنا دەمۅۅر بولدۇ. بۇل جۅنۉندۅ ىستانسىيابىز قابارچىسى جئن لەيدىن قابارى نازارىڭىزداردا: 

　 الدىنقى اپتانىن اقىرىندا، ۉرۉمچۉ شااردىق مادانئيات جانا ساياقات مەكەمەسى قوومعو 50 مئڭ ساياقات كەرەكتۅۅ بەلەتىن تاراتقان. كەرەكتۅۅ بەلەتىنە تايانىپ، ساياقاتچىلار شئنجاڭ بايىرقى ەكولوگىيا باقچاسى، تىيەنشان چوڭ قاپچىعايى، شئنجاڭ تىيەنشان جاپايى جانىبارلار باقچاسىن ساياقاتتاسا بەلەت الىنبايت، جىبەك جولۇ ەل ارالىق ەس الۇۇ رايونۇندا بولسو كۅرۉكتۅن ۉزۉر الۇۇچۇ تەز جۉرۉۉچۉ اسما ماشئناعا اقىسىز وتۇرا الات، ۉرۉمچۉ ەل ارالىق چوڭ بازار دا بولسو بەلگىلەنگەن اش-تاماقتى اقىسىز الا الات. ۉرۉمچۉ شاار تۇرعۇنۇ جئياڭ حاييۉ دوستورۇ مەنەن بىردىكتە شئنجاڭ بايىرقى ەكولوگىيا باقچاسى كۅرك رايونۇنا بارىپ ساياقاتتاپ، 160 يۇاندىق كىرىش بەلەتى الىنباعان. ال مىنداي دەدى: «ار بئر كىشى اقىسىز كىرەت ەكەن، كىرگەندەن كىيىن تووروق، كىرەمنىيگە ايلانعان جىعاچتى كۅرۉۉگۅ بولوت ەكەن، تۉشتۅن كىيىن ساات 5تە بئز ات ويۇندارىن كۅردۉك، ابدان جەڭىل توقتودۇ».

　 جۇعۇشتۇۇ وورۇنۇن الدىن الىپ تىزگىندۅۅ ار تۉردۉۉ چاارالارىن قاتاڭ جۉزۅلۅشتۉرۉۉ مەنەن قاتار، بۉت شئنجاڭدىن ار قايسى جەرلەرىندەكى ساياقات تارماقتارى بئر تۉركۉم قىسقا ارالىقتۇۇ ساياقات لئنىيالارىن جولعو قويۇپ، ساياقاتچىلاردى ەشىكتەن چىعىپ، جازدىن قووز كۅركۉن سەزىنۉۉگۅ جەتەكتەدى. بايىنعولىن مۇڭعۇل اپتونوم وبلاسى كۅڭۉل قويۇپ ابال ەەلەپ جانا جوسپورلوعوندون كىيىن، ساياقاتچىلارعا 15 ۅز ماشئناسى مەنەن ساياقاتتوعو بولو تۇرعان قىسقا ارالىقتۇۇ ساياقات اسىل لئنىياسىن چىعارعان. بورتالاا شاارى ەس الۇۇ كۉنۉ ەركىن ساياقاتتوو، جاراتىلىش كۅرك ساياقاتى، ۅز ماشئناسى مەنەن تەرەڭدەي سەزىنۉۉ ساياقاتى سىياقتۇۇ 1 كۉندۅن 3 كۉنگۅ چەيىنكى ساياقات لئنىياسىن چىعارعان. تۇرپان شاارى ۅز ماشئناسى مەنەن ساياقاتتوو، ەلدىك سالت-ساناا ساياقاتى، سالاماتتىق كۉتۉنۉۉ ساياقاتى سىياقتۇۇ 18 لئنىيانى چىعارعان. بۇرچۇن ووداندىق مادانئيات دەنە تاربئيا رادىيو تەلە جانا ساياقات مەكەمەسىنىن باشچىسى ۋۇ لەي مىنداي دەدى: «ۉزۉۉ-تەرۉۉ ساياقاتى، ەكولوگىيالىق ساياقات سىياقتۇۇ اسىل لئنىيالاردى جاڭىدان اچىپ، بۇرچۇن وودانىبىزدىن ساياقات ماركەسىن كۅتۅردۉك».

　 اپتونوم رايونۇبۇزداعى ار قايسى ساياقات كوپەراتىپتەر دا جاڭى ساياقات لئنىيالارىن ىشتىكتۉۉ اچىپ، شاار سىرتىنا ساياقاتتوو قىيمىلىن ۇيۇمداشتىرىپ، ساياقاتچىلاردى قاتىشۇۇعا ەلىكتىرگەن. شئنجاڭ شۅلىيەنحۇا ەل ارالىق ساياقات كوپەراتىبىنىن باش دىرەكتورۇ ۋاڭ ايشئيا مىنداي دەدى: «ازىر اپتاسىنا جۉز كىشىلىك تىيانشان ساپارى بار، ار اپتادا جۉز كىشىنى بوعدا كۅلۉنۅ الىپ بارىپ ساياقاتتاتابىز، ازىر ۇلانتىپ جاتقانىبىزعا ەكى اپتا بولدۇ. ەمكى اپتادا دۇشى ساياقاتى بار. بئر 5-ايدىن 1-كۉنۉ مەزگىلىندە، گۇچىڭ جامبۇلاققا باتپەرەك ۇچۇرۇۇ مايرامىن ۅتكۅرۅبۉز، ار بئر ساياقاتچىعا بىردەن لەگىلەك تارتۇۇ قىلابىز. بئز شئنجاڭدىقتار شئنجاڭدى ساياقاتتوونۇ كۉچۅپ قازدىق، كۅمۅسكۅ كۉچۉ ابدان چوڭ».