اقتوو وودانى ۅز جەرىنىن جاعدايىنا جاراشا ساياقاتچىلىقتى ۅنۉكتۉرۉپ كەمباعالدىقتان ارىلتۇۇنۇ ىلگەرى سۉردۉ

2020-04-23 10:43

اقتوو وودانى ساياقات ارقىلۇۇ كەمباعالداردى جۅلۅۅنۉن قىزمات ۉلگۉسۉن ۉزگۉلتۉكسۉز ىلىكتەپ، كۅرك رايوندورۇ ارقىلۇۇ باشتوو، ايىل قىشتاق ساياقاتى ارقىلۇۇ العا تارتۇۇ سىياقتۇۇ ىڭعايلاردا دىيقان مالچىلاردىن كىرەشەسىن ارتتىرۇۇ جولدورۇن كەڭىرتتى. ەمى ىستانسىيابىز قابارچىسى رىن شئنجەنىن قابارى نازارىڭىزداردا:

4- ايدا، اقتوو وودانى تار ايىلى مالچىلىق رايونۇنداعى مئڭ مو ۅرۉك چەچەكتەپ، شابداالى گۉلدۅرۉ جارىشا اچىلىپ، تاشقورعون دارىياسىن بويلوعون بئر قانچا ون كىلومەتىر جەردى قاپتادى. ساياقاتچىلار بۇل جەردە مئڭ مولۇق گۉل دەڭىزىن كۅرۉپ ەلە قالباي، داعى ايلاناداعى ادەپكى توقوي، بىيىك توودوعۇ مۅڭگۉ سىياقتۇۇ ادەپكى ەكولوگىيالىق كۅرۉنۉشتۅن ۉزۉرلۅنۅ الات. ساياقاتچىلاردىن كەلىشىنە ەرچىي، اقتوو وودانى تار ايىلى بوز قىشتاعىنىن تۇرعۇنۇ ۅمۉربەك مامەت ۅزۉنۉن ەلدىك قونولعوسۇن تەز جاسالعالاپ، ساياقاتچىلاردى توسۇپ الدى. ال مىنداي دەيت: «ۅكۉمۅتتۉن قولدووسۇندا، ۉيلۅرۉبۉزدۉ جاسالعالاپ، ەلدىك قونولعو اچتىق، ەلدىك قونولعو جانا مالچىلار شاتتىعى ەس الۇۇ وردۇ ارقىلۇۇ جىلىنا 20 مئڭ يۇان اقچا تابابىز».

ساياقاتچىلىقتىن ۅنۉگۉۉسۉن ىلگەرى سۉرۉۉ ۉچۉن، اقتوو وودانى تار ايىلى قىشتاقتاردى چوردوندۇۇ ىرەتكە سالىپ، 231 ورۇنداعى باش الامان سالىنعان جانا قووپتۇ ۉيلۅردۉ چاعىپ، تەگىرمەن، جۉز جىلدىق بايىرقى ۉي، كۇيئنلۇن لاگەرى سىياقتۇۇ كۅرۉنۉش كۅرك تۉيۉندۅرۉن قالىپتاندىرىپ، 60 تۉتۉن مالچىنى «مالچىلار شاتتىعى» ەس الۇۇ جايىن اچۇۇعا جەتەكتەپ، 135 كىشىنىن جۇمۇشتانۇۇعا باشتادى، اقتوو وودانى تار ايىلدىق پارتكومدۇن شۇجئسى گوۋ شۉمئڭ مىنداي دەدى: «بئز ار بئر تۉتۉن «مالچىلار شاتتىعى» ەس الۇۇ وردۇنا 20 مئڭ يۇان تولۇقتاما بەرىپ، ەلدىك قونولعو جابدۇۇلارىن جاقشىلادىق، داعى الاردى تاربئيالاپ، «مالچىلار شاتتىعى»نىن كۉتۉپ الۇۇ دەڭگەەلىن جوعورۇ كۅتۅردۉك، وشونۇ مەنەن قاتار چۅيرۅنۉ جاشىلداندىرىپ قووزدوشتۇرۇۇ، بايىرقى جولدۇ رەمونتتوو، ەلدىك سالت- ساناالاردى قازىپ مۇراسكەردىك قىلۇۇ سىياقتۇۇ بئر قاتار ۇزاققى بەرەكەتتۉۉ مەحانىزىمدەردى تۇعۇزۇپ كەمەلدەندىرىپ، 4- ايدا ۅرۉك چەچەگىنەن ۉزۉر الۇۇ، 6- ايدا ۉجمۅدۅن تاتۇۇ، 7- ايدا ۅرۉكتۅن داام سىزۇۇ، 8- ايدا بىيىك توودوعۇ مالچىلىق جايىتتارىن ساياقاتتوو، 9- ايدا دارىيا بويۇنداعى جاپايى قىزىل جالبىراقتۇۇ ۅسۉمدۉكتۅر ەكولوگىيالىق ساياقاتى ۉلگۉسۉن بار كۉچۉبۉز مەنەن قالىپتاندىرىپ، ساياقاتچىلاردى ادەپكى ەكولوگىيا كۅرۉنۉشۉنۅن ۉزۉرلۅندۉرۅبۉز».

اقتوو وودانىندا مۇزتوو اتا، قارا كۅل، اق قۇم كۅلۉ سىياقتۇۇ ساياقات كۅرك رايوندورۇ بار. جاقىنقى جىلداردان بەرى، اقتوو وودانى «پامىر بۅكسۅ تووسۇ كۅرۉنۉشۉ ساياقاتى» جانا «پامىر قىرعىزدارىنىن تۇرمۇشتۇق سالت ساناا كۅرۉنۉش ساياقاتى»ن ىشتىكتۉۉ جەتىلدىرىپ، بۉت چۅلكۅمدۉك ساياقاتتىن ۅنۉگۉۉسۉن ىلگەرى سۉردۉ. اقتوو ووداندىق پارتكومدۇن ورۇنباسار شۇجئسى، وودان اكىمى قالىبىيات مامەتتۇرعان مىنداي دەدى: «بۉت چۅلكۅمدۉك ساياقاتتى زور كۉچ مەنەن ۅنۉكتۉرۉپ، سووداگەر چاقىرىپ قارجى كىرگىزۉۉ ەپكىنىن اشىرىپ، كەرقانالاردى قارجى سالۇۇعا ەلىكتىرىپ، كۅرك رايوندورۇنۇن نەگىزگى جابدۇۇلار قۇرۇلۇشۇن داعى بئر دەمجىي جاقشىرتابىز، مئسالى جول ، اۋتو ۇناا توقتوتۇۇ جايلارى، اجاتقانا سىياقتۇۇ زارىل بولعون نەگىزگى جابدۇۇلاردى قۇرۇپ، كۅرك رايوندورۇبۇزدۇن تەيلۅۅسۉن باشقارۇۇنۇ كۉچۅتۉپ، تاربئيالوو ەپكىنىن اشىرىپ، ساياقاتچىلاردى داعى دا ساپاتتۇۇ بولعون تەيلۅۅدۅن باارلاندىرىپ، ايىل قىشتاق ساياقاتى ارقىلۇۇ كەمباعالداردى جۅلۅۅ، ساياقات كۅرك رايوندورۇ قىشتاقتاردى باشتوو سىياقتۇۇ تۉرلۅر ارقىلۇۇ، ايىل قىشتاق ساياقات كۅرك رايوندورۇنۇن جابدۇۇ جاعدايىن جاقشىرتىپ، شئنجاڭ ئچى- سىرتىنان ساياقاتچىلاردى ەلىكتىرىپ، قاراپايىم قالقتى جۇمۇشتانۇۇ كەزمەتى، جۇمۇش وردۇلارى مەنەن قامدايبىز».

〖2020.04.23-10:43〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز