توعۇزتاروو وودانى تۇنعۇچ «كۅلدەنەڭ ۅرۉك چەچەگى» ساياقات اتايىن پويۇزۇن توسۇپ الدى

2020-04-22 12:02

 

 

جاقىندا بىيىلقى تۇنعۇچ «كۅلدەنەڭ ۅرۉك چەچەگى» ساياقات اتايىن پويۇزۇنا ولتۇرعان ساياقاتچىلار توعۇزتاروو وودانى كۅلدەنەڭ كۅرك رايونۇنا جەتىپ كەلىپ، وشول جەردىن بۉت جىلدىق ساياقاتىنىن كۅشۅگۅسۉن اچتى، ىلە ىستانسىياسىنىن قابارچىسى جاڭ جئڭيۉ، توعۇزتارا رادىيو-تەلە ىستانسىياسىنىن قابارچىلارى جاۋ جئيان، جاڭ لئيلەردىن قابارى:

 

«داعى جاشىل چۅپتۅر جايقالىپ، مەەلۉۉن جەلدە ۅرۉك چەچەگى باارى جەردە اڭقىعان جاز كەلىپ»، 4- ايدان بەرى، كۅلدەنەڭ كۅرك رايونۇندا توو گۉلدۅرۉ بۉردۅپ اچىلىپ، ابا تازارىپ، كۅپتۅگۅن ساياقاتچىلاردى بۇل جەرگە كەلىپ كۅككۅ سەيىنلدۅۅگۅ ەلىكتىردى. بۇل جولقۇ ۅرۉك چەچەگى ساياقات اتايىن پويۇزۇ مەنەن كۅلدەنەڭگە كەلگەن ساياقاتچىلار نەگىزىنەن ۉرۉمچۉدۅن كەلگەن، ساياقاتچى جىڭ لئشىن مىنداي دەدى: «ساياقات باشتووچۇسۇ ماعا ايتقاندان كىيىن، ىنتەرنەتتەن قاراي باشتادىم. بۇل جەرگە كەلگەندەن كىيىن كۅڭۉلۉم ابدان اچىلىپ قالدى، كۉزدۅ داعى بئر كەلەيىن دەپ تۇرام، بۇل جەر چىنىندا كەرەمەت ەكەن».

   بىلتىر 12- ايدا، توعۇزتاروو وودانى «كۅلدەنەڭ ۅرۉك چەچەگى» اتايىن پويۇزۇ ساياقات تۉشۉمۉن ىراسمئي تۉردۅ سىرتقا تاانىشتىرعان؛ بىيىل كۅلدەنەڭ كۅرك رايونۇ اچىپ جىبەرىلگەندەن بەرى، قاتىشتۇۇ كەسپتەر بويۇنچا كەڭەش سۇراعان ساياقاتچىلار جانا ساياقات كوپەراتىپتەرىنىن اياعى ۉزۉلبۅدۉ. توعۇزتاروو ووداندىق مادانئيات دەنە تاربئيا رادئيو تەلە جانا ساياقات مەكەمەسى ساياقات ۉگۉتتۅۅ ساتۇۇنۇ ىلگەرى سۉرۉۉ بۅلۉمۉنۉن باشچىسى زىڭ لئى مىنداي دەدى: «كىيىنكى قادامدا ساياقات كوپىراتىپتەرى مەنەن بولعون كۅمۅكتۅشۉۉنۉن ەپكىنىن ارتتىرىپ، كۅلدەنەڭدە ىزىلدۅۅ، وقۇتۇۇ مەنەن ساياقات، تئيانشاندى ات مەنەن قىدىرۇۇنۇ اچابىز، وشونۇ مەنەن قاتار، بۉتكۉل كۅرك رايونۇ دارىلوو قىزماتكەرلەرىنە بۉت جىل بويۇ اقىسىز اچىپ جىبەرىلەت، ماملەكەتتىن زاكوندو بەلگىلەنگەن ەس الۇۇ مايرام كۉندۅرۉندۅ شئنجاڭدىق ساياقاتچىلارعا اقىسىز اچىپ جىبەرىلەت».

 

〖2020.04.22-12:02〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز