باعراش كۅلۉنۉن ەكولوگىيالىق چۅيرۅسۉ سىزىل جاقشىلانىپ، قاناتتۇۇلاردىن تابىعئي جىرعال مەكەنىنە ايلاندى

2020-03-25 12:57

ەكولوگىيالىق چۅيرۅنۉن سىزىل جاقشىلانۇۇسۇنا ەرچىي، ماملەكەتىبىز بويۇنچا ەڭ چوڭ ىچكى قۇرعاقتىق تۇزسۇز كۅلۉ بولعون باعراش كۅلۉندۅگۉ جاپايى قاناتتۇۇلاردىن تۉرلۅرۉ جانا سانى ۉزگۉلتۉسۉز كۅبۅيۉپ، بىيىل جازدا قىزىل تۇمشۇق چارداق، مۇرۇتتۇۇ چىمچىق، كەر چۇلدۇق، قىزىل شىيراق چۇلدۇق سىياقتۇۇ 10 تۉردۉۉ قاناتتۇۇلار تۉرۉ جاڭىدان كۅبۅيگۅن، ۇچۇردا كۉزۅتۉلگۅن تۉرۉ 198 گە، سانى 50 مىڭ ايلاناسىنا جەتكەن. بايىنعولىن رادئيو-تەلەۋىزىيا ىستانسىياسىنىن قابارچىلارى نئى جىڭجىڭ، گو يۉشۉندۉن قابارى:

قابارچى باعراش كۅلۉنۉن بويۇندا مىڭدەگەن تۉمۅندۅگۅن جاپايى قاناتتۇۇلاردىن كەەلەرى كۅكتۅ قايقىپ ۇچۇپ، چۇقۇلداشىپ سايراشسا، كەەلەرىنىن سۇۇ ۉستۉندۅ الا سالىپ وينوشۇپ، جەم ىزدەپ سونۇن كۅرۉنۉشتۉ قالىپتاندىرعانىن بايقادى: باعراش ووداندىق توقويچۇلۇق جانا جايلوو مەكەمەسى ماملەكەتتىك شالباا باقچاسىن باشقارۇۇ پونكىتىنىن باشچىسى لئيۇ شئڭچۇن مىنداي دەدى: ار جىلى جاز جانا كۉز مەزگىلى قاناتتۇۇلاردىن نەگىزگى ووشۇۇ مەزگىلى ەسەپتەلەت، بئز شالباانى قورعوو جانا قالىبىنا كەلتىرۉۉ قۇرۇلۇشۇ، كىشى قولدۇۇ قامىش جەتىلدىرۉۉ جانا ايدوو جەردى توقويعو قايتارۇۇ سىياقتۇۇ بئر قاتار قورعوو چارلارى ارقىلۇۇ، باعراش كۅلۉنۉن ەكولوگىيالىق چۅيرۅسۉن ۉزگۉلتۉكسۉز جاقشىرتتىق، ۇچۇردا باعراش كۅلۉندۅگۉ قاناتتۇۇلاردىن 198 تۉرۉ بار، داعى بۉركۉت، سۇۇ بۉركۉتۉ، ىتەلگى سىياقتۇۇ ماملەكەتتىن 1- داراجالۇۇ قورعولو تۇرعان قاناتتۇۇلار تۉرلۅرۉ بار.

باعراش كۅلۉ ــ ماملەكەتىبىزدەگى ەڭ چوڭ ىچكى قۇرعاقتىق تۇزسۇز كۅلۉ، سۇۇ ۅرۅۅنۉنۉن ايانتى 1646 چارچى كىلومەتىر كەلەت، ماملەكەتىبىز بويۇنچا زارىل جاپايى قاناتتۇۇلاردىن مەكەنىنىن بئرى ، وشونۇ مەنەن قاتار كەلگىن قۇشتار ۅتۅ تۇرعان ورتولۇقتاعى ايالداماسى ەسەپتەلەت. بۇل ۉچۉن، جەرگىلىكتۉۉ تارماقتار باعراش كۅلۉنۉن ايلاناسىندا 6 قاناتتۇۇلاردى كۉزۅتۉۉ پونكىتىن قۇرۇپ، ماال- ماالى مەنەن قاناتتۇۇلاردىن قىيمىلىن كۉزۅتۉپ، قاناتتۇۇلاردىن جاشووسۇن قورعووعو العان. باعراش ووداندىق توقويچۇلۇق جانا جايلوو مەكەمەسى پارتىگۇرۇپپاسىنىن ورۇنباسار شۇجئسى، مەكەمە باشچىسى جاڭ جانچۉن مىنداي دەدى: جاپايى جانىبارلاردى قورعوونۇ باشقارۇۇ اپپاراتىنىن قىزماتكەرلەر قوشۇۇنۇن كۉچۅتۉپ، جاپايى جانىبارلاردى قورعوو بويۇنچا تەكشەرىپ كۉزۅتۉپ كۅلدۉ قىدىرۇۇ قىزماتىن كۉچۅتۉپ، باعراش كۅلۉنۉن اسمانىن انسايىن كۅپ- كۅك، سۇۇسۇن انسايىن تۇنۇق قىلدىق.

   قاناتتۇۇلاردىن كۅبۅيۉۉسۉ داعى كۅپتۅگۅن ساياقاتچىلار جانا فوتوسۉرۅت كۉيۅرماندارىن بۇل جەرگە كەلىپ ساياقاتتوو جانا سۉرۅت تارتۇۇعا ەلىكتىردى. فوتو سۉرۅت كۉيۅرمانى ۋۇ دوڭلئياڭ ار جىلى بۇل جەرگە كەلىپ سۉرۅت تارتات. ال مىدناي دەدى: ازىر باعراش كۅلۉنۉن چۅيرۅسۉ بارعان سايىن جاقشى بولۇپ باراتات، جوون توپ ساياقاتچىلاردىن بۇل جەرگە كەلىپ قاناتتۇۇلاردى سۉرۅتكۅ تارتىپ جۉرگۅنۉن دايىم كۅرۉپ جۉرۅبۉز، مەن اققۇۇ جانا قىزىل قاشقا تۇرنانىن ادەپكى سۉرۅتۉن تارتىپ الدىم، كۅپچۉلۉكتۉ مەكەنىبىزدى جاقشى قورعووعو دەمىلگە قىلامىن.

〖2020.03.25-12:57〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز