ۉرۉمچۉ شاارىنىن مادانئيات ەس الۇۇ كۅڭۉل اچۇۇ سورۇندارى شاار تۇرعۇندارىنىن ەس الىپ كۅڭۉل اچۇۇسۇنداقى جاقشى جەرگە ايلاندى

2020-03-23 12:17

  ەكى كۉندۅن بەرى، ۉرۉمچۉ شاارىنىن ارقايسى چوڭ مادانئيات ەس الۇۇ كۅڭۉل اچۇۇ سورۇندارى نورمال تئجاراتتى سەكىن قالبىنا كەلتىردى، شاار تۇرعۇندارى ۉيلۅرۉنۅن چىعىپ، اپتا اقىرىنداقى كۅڭۉلدۉۉ ۇباقىتتان قانعىچا باارلاندى. ىستانسىيابىز قابارچىسى ياۋ يە، ياڭ جۇنۇن قابارى:

   3 -ايدىن 22-كۉنۉ تۉشتۅن مۇرۇن، ۉرۉمچۉ شاارىنىن تۇرعۇنۇ ۋاڭ ايىم ىشتەن مۇردا شئنجاڭ كىتەپقاناسى شىبىرسۅز جالپىلىق نومۇرۇندا الدىن بۉتۉشۉپ قويعون ۇباقىت بويۇنچا كىتەپقاناعا كەلدى، بئراز ۇباقىت ۅتبۅي ەلە ال اقىل جۅندۅمدۉۉ كىتەپ ۅتۉنۅ الۇۇ-قايتارۇۇ بئر تۇلقۇلاشقان ماشىنەدەن كىتەپ قارىز الۇۇ كەسىبىن بۉتۉردۉ. ال مىنداي دەدى: ازىرقى قامدالعان تەيلۅۅلۅر اياباي جاقشى، بۉگۉن مەن كەلىپ داعى بئر قانچا كىتەپ ۅتۉنۅ الدىم، ۅزۉمدۉن جەكە قىزىققان كىتەپتەرىم. اپتا اقىرىنداقى ۇباقىتتان پايدالانىپ، جازدىن اپتابىندا كىتەپ كۅرۅتۇرعان بولدۇم.

  ۇچۇردا، شئنجاڭ كىتەپقاناسى تۉركۉمگۅ، رايونعو بۅلۉنۉپ قاتمار بويۇنچا اچىپ جىبەرىلدى، ازىر تەك بئرىنچى قاباتتاقى سىرتقا قارىز بەرۉۉ چوڭ زالى اچىپ جىبەرىلىپ، كىتەپ قارىز الىپ وقۇۇ تەيلۅۅسۉ مەنەن قامدايت. كىتەپقانا وبورت بۅلۉمۉنۉن قىزماتكەرى جاڭ جئى-يان مىنداي دەدى: اپتا اقىرىندا كۅپچۉلۉكتۉن كىتەپ كۅرۉۉ قىزۇۇلۇۇعۇ اياباي جوعورۇ، دەمەيدە 100 الدىن بۉتۉشۉۉ نومۇرۇ بئرىنچى كۉنۉ تۉشكۅ چەيىن الىنىپ بۉتۅت. وقۇرماندار كىتەپتى كىتەپ قايتارۇۇ ساندىعىنا تاپشىرۇۇدا اتايىن قىزماتكەر ماشىعۇلات الىپ بارات. وقۇرماندار كەلگەندەن كىيىن، ەشىك الدىندا الدى مەنەن دەنە تەمپىراتۇراسىن ۅلچۅيت. ازىر نەگىزىنەن اچىلعانى 1-قابات، 2-قابات داعى ىرەتتەلۉۉ باسقىچىندا. 

  شئنجاڭ كىتەپقاناسىنا بارىپ كىتەپ قارىز الۇۇدان باشقا، از بولبوعون وقۇرماندار كىتەپ دۉكۅندۅرۉندۅ قۇبانىچتۇۇ اپتا اقىرى ۇباقتىن ۅتكۅرۉۉنۉ تانداشتى. ۉرۉمچۉ شاارىنىن تۇرعۇنۇ لئى ايىم قىزىن ەەرچىتىپ، ۉرۉمچۉدۅكۉ كىتەپ بار مەيكىندىك اتتۇۇ كىتەپ دۉكۅنۉنۅن كىتەپ تانداپ ساتىپ الدى. ال مىنداي دەدى: ازىر كىتەپ دۉكۅندۅرۉ اچىلدى، مەن قىزىمدى سىرتتارعا ەەرچىتىپ چىعۇۇدا باراتۇرعان جەرلەر كۅبۅيدۉ، بالاما انسايىن جاقشى چۅيرۅ تارتۇۇلاسام دەيىم.

   كىتەپ دۉكۅنۉنۉن قىيمىل پئلان جووپتۇۇسۇ دىڭ حاۋنان، ۇچۇردا كىتەپ دۉكۅنۉ سالاماتتىقتى ساقتوو جۇعۇشتۇۇ وورۇنۇن الدىن الۇۇ سىياقتۇۇ قىزماتتاردى جاقشى ىشتۅۅ نەگىزىندە، تۉردۉۉ مادانئيات الماشتىرۇۇ قىيمىلدارىن اقىرىن-اقىرىن قالبىنا كەلتىرىپ، قالىڭ شاار تۇرعۇندارىن وعوبەتەر كۅپ تەيلۅۅ مەنەن قامدايتۇرعان ايتىپ مىنداي دەدى: بئز اركۉنۉ توقتووسۇز تازالاپ تۇرابىز، ار كۉنۉ جىلچىق قالتىرباي ەكى ىرەتتەن دىزەنفەكسىيالايبىز. اربئر قىرىدار قايتارعان كىتەپتەردى قاتاڭ دىزەنفەكسىيالايبىز. ۇچۇردا بئز اپتانىن بىرىنەن اپتانىن بەشىنە چەيىن اركۉنۉ تۉشتۅن ساات 4دۅ ىنتەرنەتتە تىكە تاراتىپ باارلانۇۇ قىيمىلىن ۅتكۅرۅبۉز، نەگىزىنەن جاقشى كىتەپتەردى تاانىشتىرۇۇ، قاتىشتۇۇ سالاالارداقى بىلىمدەن باارلانۇۇ دەگەن مازمۇنداردى قامتىيت، بئز داعى قالىڭ وقۇرمانداردىن بىردىكتە قاتىشۇۇسۇن ۉمۉت قىلابىز. مىندان مۇرۇن بئز اركۉنۉ بئر مايدان مادانئيات سالون قىيمىلىن ۅتكۅرۉۉدۅ بەكەم تۇرۇپ كەلگەنبىز، كىتەپ وقۇۇ چوعۇلۇشۇ، انگىلىزچە مايەك، قاقتاپ بىشىرۇۇ ساباققاناسى سىياقتۇۇ دەگەندەي، كىيىنكى مەزگىلدەردە الار داعى اقىرىن-اقىرىن قالبىنا كەلەت.

    3 -ايدىن ورتولورۇنان بەرى، باش قالاداقى ارقايسى چوڭ كىنوقانالار قۇيرۇق ۇلاش تئجاراتتى قالبىنا كەلتىردى. ۇچۇردا، ارقايسى كىنوقانالار ارت-ارتىنان كۅپ تۉردۉۉ كىنو كۅرۉۉگۅ جەڭىلدىك بەرۉۉ قىيمىلدارىن ورتوعو چىعارىپ، كىينو كۉيۅرماندارىن ۅزۉنۅ تارتۇۇدا. ۉرۉمچۉ مۇۋىي كوڭجىيان وۋلى شئڭچىڭ كىينوقاناسىنىن كىينوقانا باشچىسى جاردامچىسى ياڭ شۅ مىنداي دەدى: بئزدىن ازىرقى ار كۉنكۉ قىرىدار چەنەمىبىز 300دەن 500 كىشى ايلاناسىندا، اپتا اقىرىنداقى ەكى كۉندۅ اقىرىن-اقىرىن كۅبۅيدۉ. قىرىدارلار ەشىكتەن كىرۉۉدۅ دەنە تەمپىراتۇراسىن ۅلچۅتۅت، قىرىدارلارعا بىردەن ورۇن قالتىرىپ، ايرىلىپ ولتۇرۇۇنۇ ەسكەرتەبىز. ار بئر مايدان كىينو اياقتاعاندان كىيىن، بئز دىزەنفەكسىيالابىز، جاڭى شامال سىستەماسىنىن باارى اچىلدى، زالدىن ىچىندە ابانىن الماشىپ تۇرۇۇسۇنا كەپىلدىك قىلات. قويۇلاتۇرعان كىنولور ار كۉنۉ 5دەن 6عا چەيىن، نەگىزىنەن اقىسىز كۅرۉۉگۅ بولوت.

〖2020.03.23-12:17〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز