كىرىيە وودانىنىن ۋانفاڭ ۇچاق جايىن سالۇۇ قۇرۇلۇشۇ جالپى بەتكەي جۇمۇشتۇ قالبىنا كەلتىرىپ، قۇرۇلۇش سالۇۇ ارىمىن باچىم جىلىشتاتتى

2020-03-22 10:29

   كىرىيە ۋانفاڭ ۇچاق جايىن سالۇۇ قۇرۇلۇشۇ جالپى بەتكەي جۇمۇشتۇ قالبىنا كەلتىردى. قۇرۇلۇش ساپاتى، قووپسۇزدۇعۇنا چىنىعى كەپىلدىك قىلۇۇ شارتى استىندا، ۇچاق جاي قۇرۇلۇشۇن سالۇۇ قول باشچىلىق ىشتابى قۇرۇلۇش سالۇۇ پئلانىن، قۇرۇلۇش الىپ بارۇۇ دولبوورۇن داعى بئر دەمجىي قىلداشتىرىپ، ىچكەلەشتىرىپ، قۇرۇلۇش سالۇۇ ارىمىن باچىم جىلىشتاتتى. ەمى كىرىيە رادىيو-تەلەۋىزىيا ىستانسىياسىنىن قابارچىسى جاڭ شۇحۇا، مەرىيەمنئسانىن قابارىنا كۅڭۉل بۇرۇڭۇزدار: 

  كىرىيە ۋانفاڭ ۇچاق جايىن سالۇۇ قۇرۇلۇش ناق مايدانىنان قابارچى جۇمۇشچۇلاردىن ۇچاق جولۇ، توپو قازۇۇ-تولتۇرۇۇ-تاشۇۇ، سۇۇ چاچىپ چىڭدوو سىياقتۇۇ قۇرۇلۇش جۇمۇشتارىن ىشتەپ جاتقانىن كۅردۉ. ەلدىك ابا جولۇ ۇچاق جاي سالۇۇ قۇرۇلۇشۇ چەكتۉۉ جووپتۇۇلۇق شەرىكتىگى شئنجاڭ كىرىيە ۇچاق جاي قۇرۇلۇش تۉرۉ دىرەكتور بۅلۉمۉنۉن تۉر دىرەكتورۇ سۉن حۇ مىنداي دەدى: بئز تۉر بۅلۉم شئنجاڭ كىرىيە ەلدىك ۇچاق جاي قۇرۇلۇش مايدان جولۇ 3 بۅلۉگۉن سالۇۇنۇ كۅتۅرۅ العانبىز، نەگىزدۉۉ قۇرۇلۇش الىپ بارۇۇ مازمۇنۇ ۇچۇۇ رايونۇنۇن چىعىش تارابىنداقى ۇچاق جولۇ، بايلانىشۇۇ جولۇ، جەر بەتى رايونۇنداقى توپو-تاش قۇرۇلۇشۇ بولۇپ، ۇچۇردا بااردىق قۇرۇلۇش الىپ بارۇۇ مىلدەتىنىن 20پايىزى بۉتتۉ،  بولجول مەنەن 2020-جىلى 9-ايدىن ەتەگىندە بۉتكۅن قۇرۇلۇش تەكشەرىپ ۅتكۅرۉپ الۇۇ شارتىنا ەە بولوت. 

  جىلدىق بۅلۉنگۅن مىلدەت بويۇنچا، كىرىيە ۋانفاڭ ۇچاق جايى مۇرداقى پئلان بويۇنچا 12-ايدىن ەتەگىندە نەگىزىنەن جۇمۇشتۇ بۉتۉرمۅك ەلە. بەكەر كەتكەن ۇباقىتتاردى قايتارىپ كەلۉۉ ۉچۉن، ۇچاق جاي قۇرۇلۇشۇن سالۇۇعا قول باشچىلىق قىلۇۇ ىشتابى قۇرۇلۇش الىپ بارۇۇ، كۅزۅمۅلدۅۅ سىياقتۇۇ ورۇندار مەنەن تىعىز قىزماتتاشىپ، قۇرۇلۇش ساپاتىنا چىنىعى كەپىلدىك قىلۇۇ شارتى استىندا، قۇرۇلۇش ارىمىن باچىمداتتى. جەرگىلىك ۅكۉمۅت داعى «تۉيۉندۅن تۉيۉنگۅ، بئر پۇنكىت ىڭعايى»نداقى تىكە جەتۉۉ تاشۇۇ تەيلۅۅسۉن ۇيۇمدوو ارقىلۇۇ كەرقانانىن جۇمۇشتۇ، ۅندۉرۉشتۉ قالبىنا كەلتىرۉۉسۉن وڭتويلۇۇ شارتتار مەنەن قامدادى. سۉن حۇ مىنداي دەدى: جەرگىلىك ۅكۉمۅتتۉن زور كۉچ مەنەن جاردام بەرۉۉسۉ جانا قولدوو كۅرسۅتۉۉسۉندۅ، ۇچاق مايلاپ، اۋتو ۇناا مايلاپ تاشىپ جەتكىرۉۉ سىياقتۇۇ ىڭعايلاردا تۉر بۅلۉمۉبۉزدۉن جۇمۇشچۇلارى شىدىر جۇمۇش وردۇنا قايتىپ كەلىپ، جۇمۇشتۇ قالبىنا كەلتىرۉۉسۉنۅ جاردام بەردى، اندان بۅلۉك داعى بئزدى جۇعۇشتۇۇ وورۇنۇن الدىن الۇۇ زاتتىق ماتەرىيالى مەنەن قامدادى. بئز ارقايسى تۉر بايلىق سالىنما ەپكىنىن اشىرىپ، قۇرۇلۇش الىپ بارۇۇ تەحنولوگىياسىن قىلداشتىرىپ، العىلىقتۇۇ لئنىيانى بەكەم قارماپ، مەرچەم قۇرۇلۇش مۅۅنۅتۉندۅ جەڭىشتۉۉ بۉتۉۉگۅ چىنىعى كەپىلدىك قىلابىز. 

  كىرىيە ۋانفاڭ ۇچاق جاي تۉرۉنۅ جالپى 760مئللىيون يۇان چاماسىندا قارجى سالىنعان، قۇرۇلۇشتۇن ەەلەگەن جەر ايانتى 2949 مو، جىلدىق ساياقاتچىلاردى قابىلدوو- جۅنۅتۉۉ چەنەمى 180مئڭ ادام ىرەت، جۉك كىرگىزۉۉ-چىعارۇۇ چەنەمى 400 توننا بولۇۇنۇ قانااتتاندىرالعىداي نئشاان بويۇنچا دولبوورلونعون. كىرىيە ەلدىك ۇچاق جاي قۇرۇلۇشۇن سالۇۇ قول باشچىلىق ىشتابىنىن ورۇن باسار قول باشچىسى جاڭ ۋىي مىنداي دەدى: ۇچۇردا ۇچۇۇ رايون قۇرۇلۇشۇ ۇچاق جولۇ، بەكەت سۇپاسىنا ارىقچا چىعارىپ قايرا تۇندۇرۇپ چىڭدوو قىزماتىن باشتالدى، بولجول مەنەن بىيىل 9-ايدىن ەتەگىندە بۉتۅت؛ ۇچاق جاي بەكەت رايونۇ قۇرۇلۇشۇنداقى ۇچاق كۉتۉۉ ئماراتى، ۇچاققا چىعۇۇ ىشتەرىن باشقارۇۇ ئماراتى قۇرۇلۇشۇنا قۇرۇلۇش باشتالعان، باشقا ۅندۉرۉش قوشۇمچا جابدۇۇلارىنا قۇيرۇق ۇلاش قۇرۇلۇش باشتالعان. بولجول مەنەن بىيىل 12-ايدىن ورتولورۇندا نەگىزىنەن بۉتۅت. بئز جۇعۇشتۇۇ وورۇ كەدەرگىلىك قىلعان ۇباقىتتى قايتارىپ كەلىپ، ساپاتىنا مۅلچۅرۉنۅ چىنىعى كەپىلدىك قىلعان تۉردۅ مۅۅنۅت بويۇنچا قۇرۇلۇشتۇ بۉتۉرۉپ، كىرىيە ەلى ىراازى بولعۇداي جووپ قاعازىن تاپشىرابىز. 

〖2020.03.22-10:29〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز