اپتونوم رايونۇبۇزدا A داراجالۇۇ 440 كۅرك رايونۇ باارى قالىبىنا كەلىپ اچىلدى

2020-03-19 17:28

اپتونوم رايونۇبۇزدا A داراجالۇۇ 440 كۅرك رايونۇنۇن باارى قالىبىنا كەلىپ اچىلدى. ار قايسى كۅرك رايوندورۇ جۇعۇشتۇۇ وورۇنۇن الدىن الىپ تىزگىندۅۅ چاارالارىن قاتااڭ جۉزۅۅلۅشتۉرۉۉ نەگىزىندە، جەڭىلدىك چاارالارىن جولعو قويۇپ، چار تاراپتان كەلگەن ساياقاتچىلاردى ەلىكتىردى. 

قاشقار بايىرقى شاار كۅرك رايونۇندا، كۅچۅنۉ جەەكتەگەن اش-تاماق، كىيىم-كەچە، قول ۅنۅر بۇيۇمدارى دۉكۅندۅرۉ ار كۉنۉ تازالوو جانا دىزەنفەكسىيالوو قىزماتىن بۉتۉرگۅندۅن كىيىن، قىردارلاردى توسۇپ الا باشتايت. سووداگەر ۅمەرجان ۉسەن جىعاچ قول ۅنۅر بۇيۇمدارى دۉكۅنۉن اچات، تئجاراتىن قالىبىنا كەلتىرۉۉ ۉچۉن، ال داعى قىيلا كۅپ ۅزگۅچۅ تۉشۉمدۅرۉن ەرتەلەپ جاساپ قويدۇ. ال مىنداي دەدى: «قول ۅنۅر بۇيۇمدارىنىن تۉرۉن كۅبۅيتتۉك، انسايىن كۅپ ساياقاتچىنىن بۇل جەرگە كەلىپ تۇيۇنۇۇسۇن، ەكىسكورسىيالاپ ساياقاتتووسۇن ۉمۉت قىلابىز.»

جاقىندا، اپتونوم رايونۇبۇزداعى ماملەكەتتىك 5A داراجالۇۇ 13 كۅرك رايونۇ، 4A داراجالۇۇ 90 كۅرك رايونۇن قامتىعان A داراجالۇۇ 440 كۅرك رايونۇ تئجاراتىن اقىرىن-اقىرىن قالىبىنا كەلتىردى. التايدىن گەنەرال تووسۇ، شئنجاڭ جىبەك جولۇ قاتارلۇۇ قار جىلعاياقتوو مايداندارى تئجاراتتى قالىبىنا كەلتىرگەندەن كىيىن، كۅپتۅگۅن قار جىلعاياقتوو كۉيارماندارىن قار-مۇز دەنە اراكەتىنىن قىزىعىنان باارلانۇۇعا ەلىكتىردى. قار جىلعاياقتوو كۉيارمانى جاڭ ۋىيۋىي مىنداي دەدى: «قار جىلعاياقتاپ چەرىبىز اياباي جازىلدى، قاردىن ساپاتى داعى جاقشى، اباا داعى جاقشى ەكەن، سىرتقا چىعىپ كۅڭۉلۉبۉز اچىلىپ، ووزۇبۇز قۇلاعىبىزعا جەتكەندەي بولدۇق.»

شئنجاڭ جىبەك جولۇ ەل ارالىق تىنىعۇۇ رايونۇنۇن ورۇن باسار باش دىرەكتورۇ حۇاڭ حى قابارچىعا، قار جىلعاياقتوو مايدانى تئجاراتىن قالىبىنا كەلتىرگەندەن كىيىن، جۇعۇشتۇۇ وورۇنۇن الدىن الىپ تىزگىندۅۅنۉ بئر مئنۇتتاعى بوشوشتۇرۇۇعا بولبوي تۇرعانىن ايتىپ مىنداي دەدى: «بئز ساياقاتچىلار بوربورۇنۇن كىرۉۉ ووزۇنا، ىسىقتان ەلەس پايدا قىلۇۇچۇ تەرموگىرافتى ورنوتتۇق، دەنە تەمپۇراتۇراسىن تەز ەلە ۅلچۅيت. قار جىلعاياقتوو بەلەتىن ساتىپ الۇۇ قاتارلۇۇ كەسىپتەردى بۉتۉرگۅندۅ، كىشىلەر 1 جارىم مەتىر ارالىقىتى ساقتاپ، توپتوشۇپ البوو، ۉيمۅلۅكتۅشۉپ البووعو كەپەلەتتىك قىلدىق. ازىر تئجارات قىلىپ جاتقان رايوندورعو قاراتا، الىپ ايتساق قار جىلعاياقتووچۇلاردى توسۇپ الۇۇ زالى، اقچا تۅلۅۅ كۅزنۅگۉ، قار جىلعاياقتوو شايماندارىن ئجارا الۇۇ كۅزنۅگۉنۅن تۇرعان بۇل تەيلۅۅ رايوندورۇن 1 كۉندۅ 3 ىرەت دىزەنفەكسىيالايبىز.»

ۇچۇردا، قالىبىنا كەلىپ اچىلعان كۅرك رايوندورۇ، كۅرك تۉيۉندۅر قۇيرۇق ۇلاش جەڭىلدىك قىيمىلدارىن جولعو قويۇپ، قاراجون ەل ارالىق ەكولوگىيا ساياقات رايونۇ، شئنجاڭ بايىرقى ەكولوگىيا باقچاسى شئنجاڭ ىچىندەكى ساياقاتچىلارعا كىرۉۉ بەلەتىندە جارىم باا جەڭىلدىك بەرۉۉنۉ جولعو قويعون. تۇرپان توڭيئى ساياقات تئجارات شەرىكتىگى تۇرپاندىن قۇراما لئنىيالۇۇ بەلەتىن ساتىپ العان ساياقاتچىلارعا زور داراجادا جەڭىلدىك بەرگەن. شەرىكتىكتىن ورۇن باسار باش دىرەكتورۇ لئى فىڭ مىنداي دەدى: «توردون بەلەت ساتىپ العاندا، بئردى ساتىپ السا بئردى تارتۇۇلوو جەڭىلدىگىنەن باارلانا الات، انسايىن كۅپ ساياقاتچىنىن تۇرپانعا كەلىپ جازعى سەيىلدەپ، كۅڭۉل سەرگىتىپ كەتسە ەكەن دەيبىز.»

〖2020.03.19-17:28〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز