اپتونوم رايونۇبۇزدا 130 دان اشۇۇن A داراجالۇۇ كۅرك رايونۇ كۅرك تۉيۉنۉ تئجاراتتى قالبىنا كەلتىردى

2020-03-14 12:56

اپتونوم رايونۇبۇزدا 130 دان اشۇۇن A داراجالۇۇ كۅرك رايونۇ كۅرك تۉيۉنۉ تئجاراتتى قالبىنا كەلتىردى 

جۇعۇشتۇۇ وورۇنۇن الدىن الىپ تىزگىندۅۅ چاراسىن قاتااڭ ىشتۅۅ الدىنقى شارتىندا، اپتونوم رايونۇبۇزدا 130 دان اشۇۇن A داراجالۇۇ كۅرك رايونۇ ، اچىپ جىبەرۉۉنۉ سەكىن قالبىنا كەلتىردى. ەمى ىستانسىيابىز قابارچىلارى جئن لىي، لىي مئڭ، ەرىكتۉۉ قابارچى چئن شۅفاڭداردىن قابارى نازارىڭىزداردا: 

  ۇشۇل ەكى كۉندۅ، ۉرۉمچۉ چوڭ بازار ساياقات كۅرك رايونۇنۇن اچىپ جىبەرۉۉنۉ تارتىپتۉۉ قالبىنا كەلتىرۉۉسۉنۅ ەەرچىي، كۅرك رايونۇنا كەلىپ تىنىعىپ ەكىسكۇرسىيالاعان ۉرۉمچۉ شاار تۇرعۇندارى داعى اقىرىنداپ كۅبۅيدۉ. شاار تۇرعۇنۇ جوۋ كى يان مىنداي دەدى: «ەشىكتەن كىرگەندەن ازىرعا چەيىن دەنە تەمپىراتۇراسىن ۅلچۅۅ، قووپسۇزدۇق تەكشەرۉۉسۉنۅن ۅتۉۉ ابدان قالىپتۇۇ بولدۇ، قاتىرجام كەلدىك. سىرتقا چىعىپ كۅڭۉلۉبۉزدۉ جاي الدىرالى دەدىك، ماانايىبىز داعى ابدان جاقشى، مەن داعى قورعوونۇ چاراسىن جاقشى ىشتەپ، نەرسەلەرىمدى تەزدەن ساتىپ الىپ ەلە داروو ۉيگۅ قايتام، ۅزۉمدۉن جانا كۅپچۉلۉكتۉن سالاماتتىعىنا كەپەلەتتىك قىلام». 

 جاقىنقى كۉندۅردۅن بەرى، تئيانشان بۇعدا كۅلۉ، قاشقار بايىرقى شاارى، قاناس، جامبۇلاق، قاراماي ، موگۇيچىڭ سىياقتۇۇ ار قايسى جەرلەردەگى تۉيۉندۉۉ كۅرك رايوندورۇ ارت- ارتىنان اچىپ جىبەرۉۉنۉ قالبىنا كەلتىردى. تئىيانشان بۇعدا كۅلۉ كۅرك رايونۇنۇن كىرۉۉ ووزۇندا، كۅرك رايونۇن باشقارۇۇ تارماقتارى ەكى ەنفىرا قىزىل نۇردۇۇ تەرموگراف قۇرۇپ، ساياقاتچىلار جانا قىزماتكەرلەردىن دەنە تەمپىراتۇراسىن تەزدىك مەنەن ۅلچۅدۉ. كىشىلەر اعىمى سالىشتىرمالۇۇ تىعىز بولعون كۅرك رايونۇ بەلەت ساتۇۇ چوڭ زالى، ساياقاتچىلار ەس الۇۇ رايونۇ، تازالىق بۅلمۅسۉ سىياقتۇۇ تۉيۉندۉۉ رايوندوردو، تازالىقچىلار بەلگىلەنگەن ۇباقىتتا تازالوو جانا دىزەنفەكسىيالوو الىپ باردى. مىندان باشقا، كۅرك رايونۇ الدىنقى مەزگىلدە قاتتاعان 30 ارالىق اۋتوۇنااسىنا قاتااڭ دىزەنفەكسىيالوو چاراسىن الىپ باردى. كۅرك رايونۇ ارالىق اۋتوۇناا اتىرەتىنىن باشچىسى جاڭ فىڭ مىنداي دەدى: «اۋتوۇناالاردى دىزەنفەكسىيالوودو، ار كۉنۉ دىزەنفەكسىيا سۇيۇقتۇعۇن ناق تاراتىپ، سۉرتۉپ، بۉركۉۉ الىپ باردىق. بىزدە 38 كىشىلىك اۋتوۇناا بار، بئز تەك 9 كىشى ەلە سالابىز، ەكى جاققا ولتۇرات، بئر جارىم مەتىر تارالىق ساقتايت. ساياقاتچىلار اۋتوۇناادان تۉشۅرۉ مەنەن ەل بئز داعى بئر جولۇ دىزەنفەكسىيالايبىز». 

  مىندان باشقا، بئر بۅلۉك كۅرك رايوندورۇ داعى ساياقاتچىلاردى ۇباقىت مەرچەمدەرگە بۅلۉپ، ارالىق مۉنۅزدۉۉ ەكىسكۇرسىيالوو سىياقتۇۇ چارالارىن جولعو قويۇپ، جۉرگۉنچۉلۅر اعىمىنا چەك قويۇپ، كىشىلەردىن چوعۇلۇۇسۇن ازايتتى. ۉرۉمچۉ تئيانشان چوڭ قاپچىعايى كۅرك رايونۇ تئجارات بۅلۉمۉنۉن ورۇنباسار مۇدۇرۇ چىن چاۋ مىنداي دەدى: «جۇعۇشتۇۇ وورۇنۇن الدىن الىپ تىزگىندۅۅ مەزگىلىندە كۅرك رايونۇنۇن ەڭ زور كۅتۅرۉمدۉۉلۉك چەنەمىن ۇباقتىلۇۇ تەسكەدىك، ازىر ار كۉنۉ 3 مئڭ ادام ىچىندە توسۇپ الابىز. ساياقاتچىلاردى انسايىن وڭتويلۇۇ بولعون تەيلۅۅ مەنەن قامدوو ۉچۉن، كۅرك رايونۇ داعى جەكە اۋتوۇناالاردىن كۅرك رايونۇنا كىرۉۉسۉن اچىپ جىبەردى، ار كۉنۉ كۅرك رايونۇنا كىرگەن جەكە اۋتوۇناالاردىن سانى 500 اۋتوۇناا ىچىندە تىزگىندەلەت». 

  جاقىندا، اپتونوم رايوندۇق مادانئيات جانا ساياقات نازاراتى «شئنجاڭ ساياقات كۅرك رايونۇ اچىپ جىبەرۉۉنۉ قالبىنا كەلتىرۉۉ، جۇعۇشتۇۇ وورۇنۇن الدىن الىپ تىزگىندۅۅ چاراسى كۅرسۅتكۉچۉ»ن تۉزۉپ تاراتتى، تالاپقا نەگىز، جەر- جەرلەردەگى كۅرك رايوندورۇ كۅرك تۉيۉندۅرۉ جۇعۇشتۇۇ وورۇنۇن الدىن الىپ تىزگىندۅۅ چارالارىن قاتااڭ جۉزۅلۅشتۉرۉپ، ساياقاتچىلاردىن قووپسۇز ەكىسكۇرسيالووسۇنا چىنىعى كەپىلدىك قىلۇۇسۇ كەرەك. اپتونوم رايوندۇق مادانئيات جانا ساياقات نازاراتى ساياقاتتى كەڭىرتۉۉ جانا سىرت مەنەن پىكىر الماشتىرۇۇ باشقارماسىنىن جووپتۇسۇ جاڭ رۉيحۇا مىنداي دەدى: «كۅرك رايوندورۇن تارتىپتۉۉ تۉردۅ اچىپ جىبەرۉۉ مەنەن بىرگە، بئز داعى جۇعۇشتۇۇ وورۇنۇن الدىن الىپ تىزگىندۅۅنۉ باشقى مىلدەت قىلىپ جاقشى قارماپ جاقشى ىشتەپ، ار قايسى كۅرك رايونۇ، كۅرك تۉيۉندۅرۉنۉن ساياقات جابدۇۇلارى، ىچكى چۅيرۅسۉنۉن دىزەنفەكسىيالوو قىزماتىن جاقشى ىشتەپ، قالىڭ ساياقاتچىلارعا قووپسۇز ساياقات چۅيرۅسۉن بەرۉۉ كەرەك. ەمىكى باسقىچتا بئز 300 دۅن اشۇۇن كۅرك رايونۇ كۅرك تۉيۉنۉن داعى تارتىپتۉۉ تۉردۅ قۇيرۇق ۇلاش اچىپ جىبەرەبىز». 

〖2020.03.14-12:56〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز