ۉرۉمچۉ تاموجىناسى جۇڭگو ەۋروپا كەزەكچى پويۇزۇنۇن ۅنۉگۉۉسۉن قولدوعون 12 تۉردۉ چاارانى چىعاردى

2020-03-05 11:34

  ۉرۉمچۉ تاموجىناسى 12 تۉردۉ چاارانى چىعارىپ، جۇڭگو ەۋروپا كەزەكچى پويۇزۇنۇن جوعورۇ ۅنۉمدۉۉ چەك ارادان ۅتۉۉسۉن قامتاماسىزداندىردى. بۇل جۉنۅندۅگۉ قابارى نازارىڭىزداردا:

  ۉرۉمچۉ تاموجىناسى چەك ارانى كۅزۅمۅلدۅپ باشقارۇۇ باشقارماسىنىن باشچىسى گۇان يوڭ قابارچىعا، بۇل چاارالار تۅمۅندۅگۉچۅ ەكەنىن ايتىپ مىنداي دەدى: «جۇڭگو ەۋروپا كەزەكچى پويۇزۇن ماالىمدوو مازمۇنۇ جۅنۅكۅيلۅشتۉرۉلدۉ، كەرقانالار چەك ارا ىچىندەكى ۋاگون نومۇرۇن تولتۇرۇپ ماالىمداباسا دا بولوت، ئمپورت توۋاردى چەك ارا ووزۇنا جەتكىرىپ تاموجناعا قوتورۇۇ ماالىمدووسۇن بۉتۉرسۅ بولوت، چەك ارادان كىرگەن جۇڭگو ەۋروپا كەزەكچى پويۇزۇنۇن تەمىر جول الماشتىرۇۇ قىزماتى مەنەن كەرقانا ماالىمدوو، تاموجىنا تەكشەرۉۉسۉن تەڭ ارىمدا الىپ بارىپ، تاموجىنانىن كۅزۅمۅلدۅپ باشقارۇۇسۇ مەنەن تەمىر جول قىزماتىنىن جىلچىقسىز چىركەشۉۉسۉ ىشكە اشىرىلدى. ۉرۉمچۉ ەل ارالىق قۇرعاقتىق پورت رايونۇ، الاتوو ووزۇ، قورعوس تەمىر جول چەك اراسى تاموجىنا قىزماتى ناق مايدانىندا اتايىن كۅزۅنۅك ورۇنداشتىرىپ، جۇڭگو ەۋروپا كەزەكچى پويۇزۇن 24 ساات الدىن بولجوشۇپ چەك ارادان ۅتكۅرۉۉ، ساندۇۇ ماالىماتتى ۅز ماالىندا چىركەشتىرۉۉنۉ جولعو قويۇپ، چەك ارادان چىعاتۇرعان جەر تاموجىناسى چەك ارادان چىعاتۇرعان بەلگى چاپتالعان جۇڭگو ەۋروپا كەزەكچى پويۇزۇن الدى مەنەن تەكشەرىپ، ۅز ماالىندا جۉرگۉزۉۉ ۇچۇرۇن جارىيالايت».

  گۇان يوڭدۇن ايتۇۇسۇنچا، توۋاردىن قووپسۇزدۇعۇنا كەپىلدىك قىلۇۇ الدىنقى شارتى استىندا، تاموجىنا جۇڭگو ەۋروپا كەزەكچى پويۇزۇنۇن ئمپورت توۋارلارىن تەكشەرۉۉ ۅنۉمۉن كۅتۅرۉپ، تەكشەرۉۉدۅكۉ كۉتۉۉ ۇباقىتىن ازايتقان. وشونۇ مەنەن بىرگە، تىشقى سوودا كەرقانالارىنىن جۉگۉن جەڭىلدەتۉۉ ۉچۉن، تاموجىنا داعى جۇڭگو ەۋروپا كەزەكچى پويۇزۇنۇن ماالىمدوو ۅزدۉك نارقىن تۅمۅندۅتكۅن. گۇان يوڭ مىنداي دەدى: «جۇڭگو ەۋروپا كەزەكچى پويۇزۇنۇن قامپا تالونۇندا تاشۇۇ تالونۇ وقشوش چەك ارا ووزۇنۇقۇ، وقشوش ۇباقىتتا، وقشوش ىرەتتەگى پويۇزدا، چەك ارا ىچىندەكى توۋاردى تاپشىرىپ الۇۇچۇ ادامى وقشوش، وقشوش توقتوم، وقشوش توۋار اتى بولسو، قامپا تالونۇن بىرىكتىرىپ ماالىمدوونۇ قولدوپ، ماالىمدوو ۅزدۉك نارقىن تۅمۅندۅتكۅن».

 گۇان يوڭ، ۇچۇردا ۉرۉمچۉ تاموجىناسى جۇڭگو ەۋروپا كەزەكچى پويۇزۇن چوعۇلتۇۇ بوربورۇن قۇرۇۇنۇ ىشتىكتۉۉ جىلىشتاتىپ، ۉرۉمچۉ ەل ارالىق قۇرعاقتىق پورت رايونۇ كۅپ ىڭعايدا بىرلەشىپ تاشىمالدوو تاموجىنا كۅزۅمۅلدۅپ باشقارۇۇ بوربورۇ، جۇڭگو ەۋروپا كەزەكچى پويۇزۇن چوعۇلتۇۇ بوربورۇ، ۉرۉمچۉ باتىش ەل ارالىق زات جۉگۉرتۉۉ باقچاسىنان تۇرعان ۉچ مايداندى بىرىكتىرۉۉنۉ جىلىشتاتۇۇسۇن قولدوپ، ۉرۉمچۉ ەل ارالىق قۇرعاقتىق پورت رايونۇندا توۋار ۇيۇمداشتىرۇۇ كەسىبى جانا ىچكى سىرتقى سوودا توۋارىن ارالاشتىرۇۇ، جۇڭگو ەۋروپا كەزەكچى پويۇزۇ چۇعۇلتۇپ تاشۇۇ كەسىبىن قۇلاچ جايدىرىپ، ۉرۉمچۉ ەل ارالىق قۇرعاقتىق پورت رايونۇنۇن تااسئر كۅرسۅتۉۉ جانا چوردۇندۇۇ تااسئرىن كۅتۅرۅرۉن تاانىشتىرىپ مىنداي دەدى: «جۇڭگو ەۋروپا كەزەكچى پويۇزۇن جۉرگۉزۉۉ مۅلچۅرۉ چوڭ بولعون ۅلكۅ، رايون، شاار تىكە قاراشتۇۇ تاموجىنا مەنەن قىزماتتاشتىق كەلىشىمىن تۉزۉشۉپ، جۇڭگو ەۋروپا كەزەكچى پويۇزۇنا تايانىپ چەك اردان كىرىپ چىققان پوچتو توۋار، تەز جولدونمو، چەك ارا اتتاعان ەلەكتىروندۇق سوودانى چەك ارادان ۅتكۅرۉپ تاشۇۇنۇ قۇلاچ جايدىرىپ، چەك ارا اتتاعان ەلەكتىروندۇق سوودا كەرقانالارىنىن جۇڭگو ەۋروپا كەزەكچى پويۇزۇنان پايدالانىپ كونتەينەر بىرىكتىرۉۉ قىزماتىن قۇلاچ جايدىرۇۇسۇن قولدويبۇز».

  مىندان سىرت، ۉرۉمچۉ تاموجىناسى داعى جۇڭگو ەۋروپا كەزەكچى پويۇزۇنۇن كۅپ ىڭعايلۇۇ بىرلەشىپ تاشىمالدوو قىزماتىن ۅنۉكتۉرۉۉسۉن قولدوو، جۇڭگو ەۋروپا كەزەكچى پويۇزۇنۇن چەك ارادان كىرىپ- چىعۇۇسۇن بەلگىلەگەن جەردە كۅزۅمۅلدۅپ باشقارۇۇ مايدانىن قۇرۇۇسۇن قولدوو، باجى كەچىرىم قىلۇۇنۇ كۅزۅمۅلدۅپ باشقارۇۇ مايدانىن قۇرۇۇنۇ قولدوو، قوش جانا كۅپ تاراپتۇۇ تاموجنا كۅزۅمۅلدۅپ باشقارۇۇ ەل ارالىق قىزماتتاشتىعىن تەرەڭدەتۉۉ سىياقتۇۇ ساياساتتاردى چىعارىپ، شئنجاڭ جىبەك جولۇ ەكونومىكالىق القاعى ۅزۅكتۉۉ رايون قۇرۇلۇشۇن تۉرتمۅكتۅيت.

〖2020.03.05-11:34〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز