ۉيلۅنۉۉ تويۇن كەچىكتىرىپ، جۇعۇشتۇۇ وورۇنۇن الدىن الۇۇ بئرىنچى چەبىندە كۉرۅش قىلدى

2020-02-29 12:30

 جۇعۇشتۇۇ وورۇنۇن الدىندا، جەركەن وودانى چىڭبىي كۅچۅ باشقارماسى يۇاندئڭ قوومدۇق قونۇشۇ پارتئيا ياچايكاسىنىن ورۇن باسار شۇجئسى لئى ۋىنمئڭ ۉيلۅنۉۉ تويۇن كەچىكتىرۉۉنۉ تانداپ، جۇعۇشتۇۇ وورۇنۇن الدىن الىپ تىزگىندۅۅ بئرىنچى چەبىنە كىرىشىپ، پارتئيا مۉچۅسۉنۉن العاچقى مۉدۅۅسۉن جانا ىيىق مىلدەتىن ئش جۉزۉندۅ كۅرسۅتتۉ. ەمى قاشقار رادىيو-تەلەۋىزىيا ىستانسىياسىنىن قابارچىلارى ئلى، ابىلىكىمدىن قابارى نازارىڭىزداردا: 

 (ناق مايدان ۉنۉ): «بايكە، گۉرۉچۉڭۉزدۉ الىپ كەلىپ ەشىگىڭىزدىن الدىنا قويۇپ قويدۇم، الىپ الىڭىز. ــبولوت، بولوت، كۅپ ىراقمات...» 2- ايدىن 26- كۉنۉ تۉشتۅن مۇرۇن، لئى ۋىنمئڭ ۅكۅلۅتۅن ساتىپ العان تۇرمۇشتۇق زاتتىق ماتەرىيالداردى ۉيۉندۅ ايرىپ كۉزۅتۉلۉۉچۉ چاقان قونۇش تۇرعۇنۇنۇن ەشىك الدىنا جەتكىرىپ بەردى. جۇعۇشتۇۇ وورۇ كۅرۉلگۅندۅن كىيىن، مىنداي قىزماتتار انىن ار كۉندۉك قىزماتىنا ايلاندى. 

 لئى ۋىنمئڭ قىزمات قىلۇۇچۇ يۇاندئڭ قوومدۇق قونۇشۇنداعى 10 تۇرعۇندار چاقان قونۇشۇندا 918 تۉتۉن، 2700 كىشى بار بولۇپ، جۇعۇشتۇۇ وورۇنۇن الدىن الىپ تىزگىندۅۅ قىزماتى قۇلاچ جايدىرىلعاندان بەرى، قوومدۇق قونۇش پارتئيالۇۇ كادىرلارى باش بولۇپ، پارتئيا مۉچۅلۅرۉ ۉلگۉلۉۉ اۋانگارت، ىقتىيارچىلار تەيلۅۅسۉ، پىسحىكالىق جەتەكتۅۅ جانا زاتتىق ماتەرىيالدار مەنەن قامتاماسىزداندىرۇۇ تەيلۅۅ اتىرەتىن قۇرۇپ، قاراشتۇۇ رايوندوعۇ تۇرعۇندارعا جاقشى تەيلۅۅ الىپ باردى. قوومدۇق قونۇش پارتئيا ياچايكاسىنىن ورۇن باسار شۇجئسى قاتارى، لئى ۋىنمئڭ دايىما بئرىنچى چەپكە اتتانىپ، تۇرعۇندارىن قىيىنچىلىعى جانا تالاپتارىن ۅز ماالىندا شايكەشتىرىپ چەچتى. لئى ۋىنمئڭ مىنداي دەيت: «تۇرمۇش جاعىندا قانداي اجاتى بولسو، مئسالى كەرەكتۉۉ تۇرمۇشتۇق زاتتىق ماتەرىيال، گاز، سۇۇ، ەلەكتىر ساتىپ الۇۇ دەگەندەي، داعى پار مەنەن قامدوو، جەر استى سۇۇ جولۇندا ماسەلە كۅرۉلسۅ، بئز بئرىنچى ۇباقىتتا الارعا جاردام بەرىپ چەچىپ بەرەبىز». 

  يۇاندئڭ قوومدۇق قونۇشۇنۇن تۇرعۇنۇ پاتىگۉل قادىر مىنداي دەدى: «قوومدۇق قونۇشتاعى كادىرلار، ايرىقچا لئى شۇجئسى بىزگە اياباي كۅڭۉل بۅلۅت، تەلەفون چالساق ەلە، ۅزۉ كەلەت، قايتارىندا داعى تاشتاندىلاردى ۅزۉ الىپ كەتەت.» 

 بىيىل، كۅكتۅم مايرامىندا، لئى ۋىنمئڭ سۅيكۅ سالعان قىزى بئيان رۇيشۅ مەنەن كۅكتۅم مايرامىنىن 6- كۉنۉ شاندوڭداعى ۅز ۅيۉندۅ توي جاسووعو بۉتۉشكۅن ەلە. بئروق، مايرامدىن الدىنقى كۉنۉ جۇعۇشتۇۇ وورۇنۇن الدىن الىپ تىزگىندۅۅ مىلدەتىن چۇقۇل تاپشىرىپ العاندان كىيىن، بۇيرۇتۇپ بولعون ۇچاق بەلەتىن قايتارىپ، تەلەفون ارقىلۇۇ سۅيكۅ سالعان قىزىنان جانا ۉي-بۉلۅسۉندۅكۉلۅردۅن كەچىرىم سۇراپ، ۉيلۅنۉۉ تويۇن كەچىكتىرۉۉنۉ چەچىم قىلعان. لئى ۋىنمئڭ مىنداي دەيت: «جۇعۇشتۇۇ وورۇنۇن الدىن الىپ تىزگىندۅۅ قۇلاقتاندىرۇۇسۇن تاپشىرىپ العاندا، ىچىمدە ۇشۇل ايىلداشتاردان قووپسۇزدۇعۇنا قانتئپ كەپەلەتتىك قىلابىز، ۇشۇل ايىلداشتارعا قانتئپ تەيلۅۅ قىلابىز دەگەندى ويلودۇم، اندان زارىلى بۇل بئر جووپكەرچىلىك. سۅيكۅ سالعان قىزىم تويدۇ كەچىكتىرسەك بولوت، جۇعۇشتۇۇ وورۇنۇن الدىندا، سۅزسۉز جاقشى ىشتە دەدى».

 لئى ۋىنمئڭدىن سۅيكۅ سالعان قىزى بئيان رۇيشۅ مىنداي دەيت: «ال ماعا تويدۇ كەچىكتىرە تۇرعان بولدۇق دەدى، ۉمۉتسۉزدۅنگۅندۅي بولدۇم. بئروق بىلەم، ال پارتئيا مۉچۅسۉ قاتارى قاراپايىم ەلگە تەيلۅۅ جۉرگۉزۉۉسۉ كەرەك، وشوندۇقتان باارى كۉچۉم مەنەن انىن قىزماتىن قولدويۇم». 

  سۅيكۅ سالعان قىزىنىن قولدووسۇ، لئى ۋىنمئڭدىن قىزمات جاعىنداعى سانااسىن انسايىن تىندىردى. ال، جۇعۇشتۇۇ وورۇنۇن ەرتەرەەك اقىرلاشىپ، جاز كەلىپ گۉلدۅر بۉر اچقاندا، تويلۇق شاكەكتى سۅيكۅ سالعان قىزىنىن قولۇنا سۅزسۉزسالارىن ايتتى. لئى ۋىنمئڭ مىنداي دەيت: «جۇعۇشتۇۇ وورۇنۇن الدىن الىپ تىزگىندۅۅ قىزماتى اقىرلاشقاندان كىيىن، انان شاندوڭداعى ۉيۉمۅ قايتام، تۇۇعان-ۇرۇق، دوس-جاراندارىمدىن كۉبۅ بولۇۇسۇندا بۇل رومانتىكالۇۇ تويدۇ ۅتكۅرۅم.»

〖2020.02.29-12:30〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز