جۇعۇشتۇۇ وورۇنۇن الدىن الۇۇنۇ بوشوشتۇرباي، ۅندۉرۉشتۉ كەچىكتىربەي، تەحنىكادا قامتاماسىزداندىرۇۇ بار بولدۇ

2020-02-27 11:39

 ۇچۇردا، اپتونوم رايونۇبۇزدۇن جازعى ەگىنچىلىككە دايىندىق كۅرۉۉ قىزماتى تۉشتۉكتۅن تۉندۉككۅ قاراي ارتا-ارتىنان قۇلاچ جايدىرىلىپ، جابدۇلۇۇ جاشىلچا اتىزىن باشقارۇۇ قىزماتى تاتىپتۉۉ الىپ بارىلىپ، جەر-جەرلەر ايىل-چاربا تەحنىكتەرىن، ايىل-چارباعا چاتىشتۇۇ كەرقانالاردى تەحنىكالىق تەيلۅۅنۉ قۇلاچ جايدىرۇۇعا ىشتىكتۉۉ ۇيۇمداشتىرىپ، جاشىلچا ۅستۉرۉۉچۉ دىيقانداردى جۇعۇشتۇۇ وورۇنۇن الدىن الۇۇنۇ جاقشى ىشتۅۅ الدىنقى شارتى استىندا، ۅندۉرۉشتۉ تارتىپتۉۉ قۇلاچ جايدىرۇۇعا جەتەكتەدى، بۇل جۅنۉندۅ ىستانسىيابىزدىن ۇنىۋەرسال قابارى نازارىڭىزداردا:

  بۇل ەكى كۉندۅ، شئنجاڭ تىيەنيۉ ۉرۅۅن كەسىبى شەرىكتىگى باي ووداندىق اقىل جۅندۅمدۉۉ جەتىشتىرۉۉ بوربورۇنۇن تەحنىك قىزماتكەرلەرى ابدان قاربالاس بولۇپ كەتىشتى، كۅپچۉلۉك جەتىشتىرىلگەن قوون-داربىز، جاشىلچا مايسالارىن ەتىياتتىق مەنەن تەمپەراتۇراسىن ساقتوو ماشئناسىنا سالىپ، انان بئر-بىرلەپ ۅستۉرۉۉچۉ دىيقانداردىن ۉيلۅرۉنۅ جەتكىرىپ بەردى. تەحنىك پاتىمە تۇنئياز مىنداي دەدى: «بىيىل بۇل مايسا جەتىشتىرۉۉ بوربورۇندا بئز 400 مئڭ تۉپتۅن اشۇۇن مايسا جەتىشتىردىك، انان 200 مئڭ تۉپتۅن كۅبۉن دىيقاندارعا جەتكىرىپ بەردىك، قالعان 200 مئڭ تۉپ مايسانى بۇل بئر قانچا كۉندۅ جەتكىرىپ بەرۉۉگۅ دايىنداپ جاتابىز، الاردىن جاشىلچا مايساسىن ۅستۉرۉۉسۉنۅ تااسئر كۅرسۅتپۅيبۉز».

  شئنجاڭ تىيەنيۉ ۉرۅۅن كەسىبى شەرىكتىگى اقىل جۅندۉمدۉۉ مايسا جەتىشتىرۉۉ بوربورۇ باي وودانىنىن جابدۇلۇۇ جاشىلچا باازاسىن كۉچۅپ ۅنۉكتۉرۉۉدۅكۉ زارىل تەلەگەيلەشكەن تۉرۉ، 6 مئڭ چارچى مەتىر تۇتاشتىرىلعان اقىل جۅندۉمدۉۉ ىلىمتا باستىرماسىندا، ۅستۉرۉۉ ۉيۉ، جەتىشتىرۉۉ ۉيۉنۉن بارى بار. شەرىكتىك ازىقتىق تاقساسى، اقىل جۅندۉمدۉۉ تەمپەراتۇراسىن تەسكۅۅ، تەمپەراتۇراسىن تىزگىندۅۅ سىياقتۇۇ مايسا جەتىشتىرۉۉ تەحنىكاسىن قولدونۇپ، ار جىلى قوون-داربىز جاشىلچا مايساسىنان 5 مئللىيوندۇ جەتىشتىرەت.

  جۇعۇشتۇۇ وورۇنۇن الدىن الىپ تىزگىندۅۅ مەزگىلىندە، شئنجاڭ تىيەنيۉ ۉرۅۅن كەسىبى شەرىكتىگى مايسا جەتىشتىرۉۉ بوربورۇنداعى تەحنىك قىزماتكەرلەر جۇعۇشتۇۇ وورۇنۇن الدىن الۇۇنۇ جاقشى ىشتۅۅ نەگىزىندە، تۉركۉمگۅ بۅلۉپ ىشتەپ، ۇباقىتى قولدون بەربەي مايسا جەتىشتىرىپ، ۅستۉرۉۉچۉ تۉتۉندۅردۉن ۅز ماالىندا مايسانى قولدورۇنا الۇۇسۇ، ۅز ماالىندا ۅستۉرۉۉ، ۅز ماالىندا بازارعا چىعارىپ ساتۇۇسۇن قامتاماسىزداندىردى، باي وودانى مىجىك ايىلى باعبانچىلىق قىشتاعىنداعى ۅستۉرۉۉچۉ تۉتۉن وۋياڭ جاۋحۇا مىنداي دەدى: «اقىل جۅندۅمدۅشكۅن ىلىمتا باستىرماسىندا جەتىشتىرگەن مايسانى ەكى اي مۇردا بازارعا چىعارسا بولوت، بئزدىن بۇل جەردە بولسو تىكەلەي مايسا جەتىشتىرۉۉگۅ تەمپەراتۇرا جەتپەيت. اقىل جۅندۅمدۉۉ ىلىمتا باستىرماسىنداعى مايسا مەنەن بئزدى قامدايت، ازىر ۅستۉرسۅك 4- ايدىن 20- كۉنۉندۅ چىيەزىنى بازارعا چىعارابىز، وشول كەزدە بااسى دا ابدان جاقشى بولوت».

  بۇل ەكى كۉندۅ، تۇرپان شاارى ەدىقۇت رايونۇ استانا ايىلى باعبانچىلىق قىشتاعىنداعى جاشىلچا ۅستۉرۉۉچۉ دىيقان گى پىييىندىن ىلىمتا باستىرماسىندا، جاپ-جاشىل جاشىلچا مايساسىنىن ۅسۉشۉ كىشىنى سۉيۉنتۅت، گى پىييىن ۉي-بۉلۅسۉ جاشىلچا مايساسىن كۅچۉرۉۉ مەنەن شاشىلىش. ال مىنداي دەدى: «بىلتىر 7- ايدان باشتاپ مايسا جەتىشتىرگەنبىز، ازىر جالپى 90 مئڭ تالعا جاقىن مايسا جەتىشتىردىك، جاقىندا بۇل مايسالار كۅچۉرۉلۅت».

  جۇعۇشتۇۇ وورۇنۇن الدىن الۇۇ تىزگىندۅۅ مەزگىلىندە، استانا ايىلى باعبانچىلىق قىشتاعى كۅچمۅ ۉگۉت ماشئناسى، ايىل-قىشتاق «چوڭ زۅۅگۉ»، شىبىر سۅز ۅرۉشۉ سىياقتۇۇ ىڭعايلار ارقىلۇۇ الدىن الىپ تىزگىندۅۅ بىلىمدەرىن ۉگۉتتۅپ، ارى قىزماتكەرلەردى ار كۉنۉ ەكى جولۇ جاشىلچا ۅستۉرۉۉچۉ دىيقانداردىن دەنە تەمپەراتۇراسىن ۅلچۅپ، دىيقانداردىن ۉيلۅرۉن دىزەنفەكسىيالووعو ورۇنداشتىرعان. مىندان سىرت، قىشتاق كومىتەتى قىزماتكەرلەردى دىيقانچىلىق زاتتىق ماتەرىيالداردى ساتۇۇچۇ تۉيۉندۅرگۅ بارىپ، قىشتاق تۇرعۇندارىنىن حئمىيالىق جەر سەمىرتكىچ، دىيقانچىلىق ماشئنالار، ۉرۅۅن، سۇلياۋ جۇقا جارعاق سىياقتۇۇ جازعى ەگىنچىلىكتىن زاتتىق ماتەرىيالدار زاپاسىن جاقشى ىشتۅۅسۉنۅ جاردام بەرۉۉگۅ ۇيۇمداشتىرعان. ەدىقۇت رايونۇ چئرۇڭ دىيقانچىلىق زاتتىق ماتەرىيالدار تەحنىكا تەيلۅۅ وردۇنۇن باش دىرەكتورۇ لىي زىفىڭ، ۇچۇردا حئمىيالىق جەر سەمىرتكىچ، ۉرۅۅن سىياقتۇۇ دىيقانچىلىق زاتتىق ماتەرىيالدار دىيقانداردىن جازعى ەگىنچىلىك اجاتىن قانااتتاندىرارىن تاانىشتىرىپ مىنداي دەدى: «قاراپايىم ەل قايسى جەر كەرەك قىلسا بئز وشول جەرگە جەتكىرىپ بەرەبىز، الاردى اقىسىز تەحىنكا مەنەن قامداپ ۉيۉنۅ چەيىن توۋارىن جەتكىرىپ بەرەبىز».

 ۇچۇردا، اپتونوم رايونۇبۇزدۇن جەر-جەرلەرى رايونعو بۅلۉپ داراجاعا بۅلۉپ ايىرمالۇۇ جۇعۇشتۇۇ وورۇنۇن الدىن الىپ تىزگىندۅۅ چاراسىن قاتاڭ جۉزۅلۅشتۉرۉۉ مەنەن قاتار، جازعى ەگىنچىلىك ۅندۉرۉشۉن دا بار كۉچۉ مەنەن ۇيۇمداشتىرۇۇدا. بىيىلقى جازعى ەگىنچىلىك مەزگىلىندە، جەر-جەرلەر جابدۇلۇۇ جاشىلچانى باشقارىپ اسىروو ەپكىنىن اتتىرىپ، جاشىلچانىن تۉشۉم مۅلچۅرۉ مەنەن ساپاتىنا كەپىلدىك قىلۇۇدا. قاشقار ايماعى كۅپ تۉردۉ چاارانى جولعو قويۇپ، شاار-ايىل تۇرعۇندارىنىن جاشىلچا اجاتىن كۉچۅپ كەپىلدىككە الىپ، ۇچۇردا لىيەنحۇاباي، بايساي، بوساي، كىچىك بايساي، چئڭسەي سىياقتۇۇ وندون اشۇۇن جاشىلچانى ىلىمتا باستىرسىندا ۅستۉرگۅن. حوتەن وودانى جابدۇلۇۇ ايىل چاربانىن ۅستۉرۉۉ كۅلۅمۉن تىنباي كەڭىرتىپ، بۉت ووداندا ۅستۉرگۅن جابدۇلۇۇ ايىل چاربا ىلىمتا باستىرماسى 1986 گە، چوڭ اتىزداعى ىلىمتا باستىرماسى 1885گە، قورو جاي چاقان ىلىمتا باستىرماسى 5619عا جەتكەن. وشونۇ مەنەن بىرگە، ايىل چاربا ۅندۉرۉشۉندۅكۉ باشتامچى كەرقانالاردى كىرگىزىپ، ۅستۉرۉۉ جاڭى تەحنىكاسىن جايىلتىپ، دىيقانداردىن كىرەشە اشىرىپ بايۇۇسۇن تۉرتمۅكتۅگۅن.

  اپتونوم رايوندۇق پارتكوم ايىل- قىشتاق ئشقاناسىنىن دايىمدۇۇ ىشتەر بويۇنچا ورۇن باسار مۇدۇرۇ، اپتونوم رايوندۇق ايىل چاربا ايىل-قىشتاق نازاراتىنىن ورۇن باسار باشچىسى شۉ تاۋ، جابدۇلۇۇ جاشىلچا مىندان كىيىن اپتونوم رايونۇبۇزدۇن ايرىقچا تۉشتۉك شئنجاڭ رايونۇنۇن ۅستۉرۉۉ كەسىبىندەكى بئر جارقىن تۉيۉنگۅ ايلانارىن ايتىپ مىنداي دەدى: «ۇچۇردا، ايرىقچا جۇعۇشتۇۇ وورۇنۇن الدىن الىپ تىزگىندۅۅنۇ بەكەم قارموو مەنەن بىرگە، تۉشتۉك شئنجاڭدىن جابدۇلۇۇ جاشىلچانى ۅنۉكتۉرۉۉسۉن ىلگەرى سۉرۉۉگۅ ىشىكتىكتۉۉ جەتەكچىلىك قىلىپ، تۉشتۉك شئنجاڭدى تۉيۉن قىلىپ، بىيىلقى جاشىلچا ۅستۉرۉۉ ايانتى تۇرۇقتۇۇ ارىمدا كەڭەيتەبىز، بئز «تۉشتۉك شئنجاڭدىن جابدۇلۇۇ جاشىلچاسىن ۅنۉكتۉرۉۉ ۉچ جىلدىق اراكەت پىلانى»ن جوسپورلوپ جاتابىز، تۉشتۉك شئنجاڭدىن جابدۇلۇۇ جاشىلچا كەسىبىن كۅرنۉكتۉۉ ۅنۉكتۉرۉۉ ارقىلۇۇ بۉت شئنجاڭدىن جاشىلچا مەنەن ۅزۉن قامدوو دەڭگەلىن كۅتۅرۅبۉز».

〖2020.02.27-11:39〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز