جاشىلچا كەسىبى قىشتاق تۇرعۇندارىنىن قاپچىعىن قامپايتتى

2020-02-22 11:37

ونسۇۇ وودانى توحۇلا ايىلى تۅۋەنكى سۇۇبۇلاق قىشتاعى ەگىنچىلىك كەسىپ قۇرۇلماسىن تەسكەپ، جاشىلچا ۅستۉرۉۉ ارقىلۇۇ دىيقانداردىن كىرەشەسىن ارتتىرۇۇعا جەتەكتەدى. اقسۇۇ رادىيو- تەلەۋىزىيا ىستانسىياسىنىن قابارچىسى رامىلە، جاۋ شئنچاڭ، چئياۋ جىيانلئندىن قابارى نازارىڭىزداردا: 

بۇل ەكى كۉندۅ، تۅۋەنكى سۇۇبۇلاق قىشتاعىنىن جاشىلچا ۅستۉرۉۉچۉ دىيقانى قۇربان مەمەت ىلىمتا باستىرماسىنداعى چىڭسەيلەردى ۉزۉۉ مەنەن شاشىلىش بولۇپ جاتتى. ال قابارچىعا مىنداي دەدى: «بئرىنچى اڭىزدا قىزىل مىلىق ۅستۉرگۅمۉن، قىزىل مىلىقتى ساتىپ بولعوندون كىيىن، ەكىنچى اڭىزدا چىڭسەي ۅستۉردۉم، چىڭسەيدى ساتىپ جاتام، بئر ىلىمتا باستىرمادان 5 مئڭ يۇان كىرەشە كىرەت، ەكى ىلىمتا باستىرمادان 10 مئڭ يۇان كىرەشە كىرگىزدىم». 

قۇربان مەمەت ەكى ىلىمتا باستىرماسىنا نەگىزدۉۉسۉ قىزىل مىلىق، چىڭسەي سىياقتۇۇ مەزگىلسىز جاشىلچالاردى ۅستۉرگۅن، بئر جىلدا ناعىز كىرەشەسى 20 مئڭ يۇاندان جوعورۇ بولوت. 

2017- جىلدان مۇردا، تۅۋەنكى سۇۇبۇلاق قىشتاعىنىن تۇرعۇندارى شالى، جاڭعاق ۅستۉرۉۉنۉ نەگىز قىلىپ ، كىرەشە قاينارى جالاڭ ەلە. ونسۇۇ ووداندىق ساياسئي- زاكون كومىتەتى، ىنتەرنەت قووپسۇزدۇعۇ جانا ماالىماتتاشتىرۇۇ ئشقاناسىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى بۇل ابالدى بايقاپ، تەكشەرىپ ىزىلدۅۅنۉ قۇلاچ جايدىرۇۇ نەگىزىندە، قىشتاق تۇرعۇندارىن ىلىمتا باستىرماعا جاشىلچا ۅستۉرۉۉگۅ جەتەكتەدى. تۅۋەنكى سۇۇبۇلاق قىشتاعىنىن بئرىنچى شۇجئسى، قىزمات اتىرەتىنىن باشچىسى شئياۋ حاي مىنداي دەدى: «تۅۋەنكى سۇۇبۇلاق قىشتاعىنىن بۇل ابزەل جۇعراپئيالىق ارتىقچىلىعى بار، ونسۇۇ وودان شاارچاسىنا جاقىن، بئز <اش قاتىق>تى كەڭىرتۉۉ ارقىلۇۇ، دىيقان قالقتىن قاپچىعىن قامپايتتىق». 

باشتابىندا قىشتاق تۇرعۇندارى ىلىمتا باستىرماعا جاشىلچا ۅستۉرۉۉدۅن قاباتىرلاندى، كۅپتۅگۅن كىشىلەر كۅزۉتۉۉ پوزىتسىياسىندا بولدۇ. قىشتاق تۇرعۇنۇ ابلاجان نۇرمەمەت مىنداي دەيت: «بئزدى ۉيدۅگۉلۅر مۇردا بۉتۉندۅي شالى، جاڭعاق ۅستۉرۅك ەلەك، قىشتاقتا ىلىمتا باستىرمادا جاشىلچا ۅستۉرۉۉگۅ ۇيۇمداعانىن ۇعۇپ، بئز بۉت ۉيدۅگۉلۅردۉن باارى سالعان اقچابىزدى قايتارىپ كەلە الباي قالابىزبى دەپ قاباتىرلانىپ، جاشىلچا ۅستۉرۉۉگۅ دااي البادىق». 

قىزمات اتىرەتى مەنەن قىشتاق ەكى كومىتەتى دىيقانچىلىق تەحنىك ادىستەرى مەنەن ەگىنچىلىك چەبەرلەرىن ناق مايداندا جەتەكتۅۅگۅ سۇنۇشتاپ، قىشتاق تۇرعۇندارىن ئلىمىي باشقارۇۇعا جەتەكتەدى. بۉگۉنكۉ كۉندۅ، تۅۋەنكى سۇۇبۇلاق قىشتاعىندا 20 تۉتۉندۅن اشۇۇن قىشتاق تۇرعۇنۇ ىلىمتا باستىرماعا جاشىلچا ۅستۉرۉپ، 200 تۉتۉندۅن اشۇۇن قىشتاق تۇرعۇنۇ چاقان ىلىمتا باستىرماعا جاشىلچا ۅستۉردۉ. قىزمات اتىرەتى مەنەن قىشتاق ەكى كومىتەتىنىن كادىرلارى داعى تۉردۉۉ ارعا ويلوپ تااپ جاشىلچانىن ساتىلۇۇ جولۇن كەڭىرتتى. شئياۋ حاي مىنداي دەيت: «جاشىلچا سووداگەرلەرى، قونوق ساراي، اشقانا جانا تاندا بازارلارى مەنەن بايلانىشۇۇ ارقىلۇۇ، دىيقاندار مەنەن قامدوو- ساتۇۇ بۉتۉمۉنۅ قول قويۇشۇپ، ۇشۇل ارعالار ارقىلۇۇ، دىيقانداردىن جاشىلچا ساتۇۇ جولۇن كەڭىرتىپ، دىيقانداردىن جاشىلچانى ۅستۉرۉۉسۉ مەنەن جاقشى ساتۇۇسۇنا كەپىلدىك قىلدى». 

〖2020.02.22-11:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز