ۉرۉمچۉدۅگۉدۅكۉ بئر بۅلۉك تەز جەتكىرۉۉ كەرقانالارىنىن جەتكىرۉۉ تەيلۅۅسۉ ۉزۉلۉپ قالعان جوق

2020-02-03 12:39

ۉرۉمچۉ شاارىنداعى بئر بۅلۉك زات جۉگۉرتۉۉ بويۇنچا تەز جەتكىرۉۉ كەرقانالارى قورعونۇۇ چارالارىن جاقشى ىشتۅۅ نەگىزىندە، كەسىبىن توقتوتپوي، تەيلۅۅنۉ ۉزۉپ قويبوي، كەرەكتۅۅچۉلۅردۉن توردون ساتىپ العان توۋارلارىن ماالىندا جەتكىرۉۉگۅ كەپەلەتتىك قىلدى. ەمى ىستانسىيابىز قابارچىسى لئياڭ شۅلئيدىن قابارى:

ۇعۇشۇۇعا قاراعاندا، ۇچۇردا ۉرۉمچۉ شاارىندا جۇڭگو پوچتوسۇ، شۉنفىڭ، جئڭدوڭدون تۇرعان ۉچ كەرقانانىن 60 تۉيۉنۉ قالىپتۇۇ ىشتەگەن. جئڭدوڭ توبۇ باتىش تۉندۉك رايونۇ جالپىلىق ىشتەرى بويۇنچا باشقى كۅزۅمۅلدۅۅچۉسۉ جاڭ چاۋجە مىنداي دەدى: «جئڭدوڭ تۉردۉۉ الدىن الۇۇ دولبوورلورۇن تۉزۉپ، ۇچۇراشپاي جەتكىرۉۉ چاراسىن قولدونۇپ، كىشىلەردىن ۇچۇراشۇۇسۇن ازايتىپ، بئر بۅلۉك قىزماتكەرلەردىن قىزماتىن قالىبىنا كەلتىرۉۉ، پارتئيا مۉچۅلۅرۉنۉن قىزمات وردۇنا چىعۇۇسۇن تالاپ قىلۇۇنۇ جولعو قويۇپ، جەتكىرىلچۉ زاتتاردى، اۋتو ۇناالاردى 2- جولۇ دىزەنفەكسىيالاپ، قورعونۇپ تىزگىندۅۅنۉن جۉزۅلۅشۉۉسۉنۅ چىنىعى كەپىلدىك قىلدىق. جئڭدوڭ زات جۉگۉرتۉۉسۉ ىنتەرنەتتە ساتىپ الۇۇنۇ قامتاماسىزداندىرىپ، ىنتەرنەتسىز جاعدايدا دارىلوو، ەل تۇرمۇشۇ زاتتىق ماتەرىيالدارىن تاشۇۇ مەنەن قامداپ، جۇعۇشتۇۇ وورۇعا قارشى تۇرۇپ، ەل تۇرمۇشۇن قامتاماسىزداندىرۇۇنۇن ەڭ الدىنقى چەبىندە ۇلاندۇۇ كۉرۅش قىلابىز».

كەرەكتۅۅچۉلۅردۉن قالىپتۇۇ پوچتودون جۅنۅتۉۉ كەسىبىن قامتاماسىزداندىرۇۇ ۉچۉن، شئنجاڭ پوچتوسۇ ىنتەرنەتتە جەتكىرۉۉ تەيلۅۅسۉن اچىپ، كەرەكتۅۅچۉلۅر پوچتونۇن 11183 نومۇرلۇۇ تەلەفونۇ جە «EMS جۇڭگو پوچتوسۇ تەز جەتكىرۉۉ زات جۉگۉرتۉۉسۉ» شىبىر سۅز جالپىلىق نومۇرۇنا قوشۇلۇپ، ۅزۉ تالون جازىپ، ۉيۉنۅن چىقپاي ەلە پوچتودون زات جۅنۅتۉۉ كەسىبىن بۉتۉرۅ الات. جۅنۅتۉۉ القاعىندا، ەڭ الدى مەنەن اقىل جۅندۅمدۉۉ بەلەك- بەچكەك ىشكابىن تانداپ، ادامداردىن قىيىر تۉردۅ ۇچۇراشۇۇسۇن ازايتتى. باشقا تەز جەتكىرۉۉچۉ بۇيۇمداردى بۇيۇم جەتكىرۉۉچۉلۅر ابونەنتتەر مەنەن تەلەفوندو بايلانىشىپ، تئجارات تۉيۉندۅرۉنۅ بارىپ ۅزۉ الىپ السا بولوت، جە بولبوسو قونۇشتۇن داربازاسى جە باشقا بولجوشقون جەردەن الىپ السا بولوت.

جۅنۅتۉۉ القاعىنداعى جۇعۇشتۇۇ وورۇنۇن الدىن الۇۇ، تىزگىندۅۅگۅ كەپىلدىك قىلۇۇ ۉچۉن، شئنجاڭ شۉنفىڭ تەز جەتكىرۉۉ چەكتۉۉ شەرىكتىگى الدىن الۇۇ، تىزگىندۅۅنۉن تۉردۉۉ چارالارىن قاتاڭ اتقارىپ، اربئر القاقتاعى دىزەنفەكسىيالوو قىزماتىن كۉچۅتتۉ، شەرىكتىكتىن جالپىلىق ىشتەر بويۇنچا باشقى كۅزۅمۅلدۅۅچۉسۉ لئى شوۋگو مىنداي دەدى: «ەگەر بئزدىن تور تۉيۉندۅرۉبۉزگۅ كەلىپ بۇيۇمدارىن الچۇلار بولسو، بئز الدى مەنەن انىن قولۇن جۇۇشۇن جە مەلەي سالۇۇسۇن تالاپ قىلابىز. بئزدىن قورعونۇۇ بۇيۇمدارى جاعىندا بئر ىرەتكى تاقالاتۇرعان ماسكەلەردى سۅزسۉز 3سااتتا بئر ىرەت الماشتىرىپ تۇرابىز. اۋتو ۇناالاردى دىزەنفەكسىيالوو مىنداي بولوت، اۋتو ۇناا جولعو چىعااردا بئر ىرەت دىزەنفەكسىيالانات، قايتىپ كەلگەندە داعى بئر جولۇ دىزەنفەكسىيالانات. داعى قىزمات وردۇبۇزدۇ دىزەنفەكسىيالاپ تۇرابىز، بئزدىن تور تۉيۉندۅرۉبۉز سۅزسۉز ۉچ جولۇ دىزەنفەكسىيالانىپ تۇرۇۇسۇ كەرەك، تەز جەتكىرۉۉ جولدومولور بۅلۉشتۉرۉۉ بوربورۇنا كەلتىرىلگەندەن كىيىن، اتايىن ادام چىعارىپ دىزەنفەكسىيالاعاندان كىيىن انان قامپادان چىعارابىز». 

〖2020.02.03-12:39〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز