«قار- مۇز+ دەنە تاربئيا» قىشقى ساياقاتقا جاشوو كۉچۉن قوشتۇ

2020-01-25 10:37

اپتونوم رايونۇبۇزدۇن جەر- جەرلەرى مول بولعون قار- مۇز بايلىعىنا سۅۅنۉپ، مول تۉركۉن- تۉستۉۉ دەنە تاربئيا جارىشتارىن ۅتكۅرۉپ، قىشقى ساياقاتقا جاشوو كۉچۉن قوشتۇ. ىستانىسيابىز قابارچىسى جئن لەيدىن قابارى: 

  كۅكتۅم مايرامىنىن الدىنقى كۉنۉندۅ، جەر- جەرلەردەگى قار- مۇز ساياقات مايرامى قۇتتۇقتوو قىيمىلدارى ارت- ارتىنان تارتىمدۇۇ چىعا كەلدى، مىندا، فورماسى تۉردۉۉ قىشقى دەنە تاربئيا قىيمىلدارى تۉرلۅرۉ بئر چوڭ كۅرۉۉ تۉيۉنۉنۅ ايلاندى. جاقىندا ۅتكۅرۉلگۅن چاعانتوقوي وودانى قار- مۇز ساياقات مايرامىندا، تالا اۋتو ۇناا جارىشى، قارلۇۇ تالاا فۇدبول جارىشى، ارقان تارتىشۇۇ، چاقان مارافون، قارلۇۇ تالادا كۅكبۅرۉ سىياقتۇۇ جەلەلەش قىيمىلدار كۅپتۅگۅن جەرگىلىكتۉۉ قالق جانا ساياقاتچىلاردىن قاتىشۇۇسۇن ەلىكتىردى. ساياقاتچى يۉ گويئى مىنداي دەدى: بئز چاقان مارافون قىيمىلىنا قاتىشتىق، قووز چاعانتوقويدۇن جايىندا قووز كۅرۉنۉش بولۇپ ەلە قالباي، قىشىندا داعى ابدان كەرەمەت كۅرۉنۉشۉ بار. 

 التاي ايماعىندا، جەرگىلىك مول بولعون قار- مۇز ساياقات بايلىعىنا سۅۅنۉپ، بىيىل قىشتا ارت- ارتىنان قارلۇۇ جەردەگى دالا جارىشى، جۇرتچۇلۇق قار جىلعاياقتوو جانا تەزدىك كونكىي تەبۉۉ جارىشى، قارلۇۇ تالا مارافونۇ، قارلۇۇ تالاا ات بايگىسى سىياقتۇۇ كۅپتۅگۅن جارىش قىيمىلدارىن ۅتكۅردۉ. جاقىندا ۅتكۅرۉلگۅن 2019-جىلدىق التاي ادامزاتتىن قار جىلعاياقتوو باشاتى بايىرقى جانا ازىرقى زامان دالادا قار جىلعاياقتوو جارىشىندا، ماملەكەت ئچى- سىرتىنان 600 دۅن اشۇۇن قار جىلعاياقتوو كۉيۅرمانى جانا ساياقاتچى قۇيرۇق ۇلاش كەلىپ، «جۇڭگو قار مەكەنى» نىن ۅزگۅچۅ تارتىمدۇۇلۇعۇنان مووقۇمۇ قانعىچا تۇيۇندۇ. جىلىندەن كەلگەن جارىشقا قاتىشقان چەبەر سۉن ۋىندوڭ مىنداي دەدى: التايدىن قار ساپاتى ماملەكەت ىچىندە ابدان كەرەمەت، بۇل مەنىن 2- جولۇ كەلىشىم، قارى ابدان ۉلپۉلدۅك ەكەن. 

  مول بولعون قار- مۇز بايلىعى ابزەلدۉۉلۉگۉنۅ سۅۅنۉپ، اپتونوم رايونۇبۇدۇن قار- مۇز دەنە اراكەتى دۉركۉرۅپ ۅنۉكتۉ، «قار- مۇز + دەنە اراكەت» اتاقتۇۇ ماركەسى شئنجاڭ ساياقاتىنىن بئر جاپجاڭى نام كارتاسىنا ايلاندى. التاي شاارىنىن ورۇنباسار شاار باشچىسى يە سۇچئن مىنداي دەدى: قار- مۇز دەنە اراكەت جارىشىن ۅتكۅرۉۉ ارقىلۇۇ، بۉت ماملەكەت، بۉت دۉينۅدۅگۉ قار- مۇز كۉيۅرماندارىنا بئزدىن التايدى ۉگۉتتۅپ تاانىشتىردىق، وشونۇ مەنەن بىرگە، قار-مۇز مادانئياتىن ۅنۉكتۉرۉپ، بئزدىن التايدىن قاراپايم قالقىنا ساياقات نانىن جەگىزىپ، قار- مۇز ساياقاتى تەز پويۇزۇنا چىعاردىق. 

 بۇل قىشتا، اپتونوم رايونۇبۇز داعى جۇڭگو جاش ۅسپۉرۉمدۅر قار جىلعاياقتوو جارىشى قىيمىلى، 2020- جىلدىق شئنجاڭ بويۇنچا تەزدىك مۇز جىلعاياقتوو جارىشى سىياقتۇۇ 120 تۉردۉۉ قار- مۇز دەنە اراكەت قىيمىلىن ۅتكۅردۉ. اپتونوم رايوندۇق دەنە تاربئيا مەكەمەسىنىن ورۇنباسار مەكەمە باشچىسى جۉرەت قاسىم مىنداي دەدى: «دەنە تاربئيا+ ساياقات» دەنە تاربئيا ۅرۉشۉ ارقىلۇۇ، بۉت چۅلكۅم ساياقاتىنا سالىم قوشتۇق. بئز تۉندۉك شئنجاڭ رايون چۅلكۅمۉندۅ زور تۉركۉم قار- مۇز قىيمىلدارىن قۇلاچ جايدىرىپ، بۉت شئنجاڭ ەلىنىن «300 مئلىيون كىشى قار- مۇز» قىيمىلىنا قاتىشا الۇۇسۇن ىلگەرلەتتىك، بۇل داعى جالپى ەلدىن دەنە تاقشالتۇۇسۇنا بئر جاقشى باشتالۇۇ باشتاپ بەردىق. 

〖2020.01.25-10:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز