بۇرۇلتوقوي وودانىنىن 14- كەزەكتۉۉ قىشقى بالىق قارموو مايرامى ۉلۉڭگۉر كۅلۉندۅ ۅتتۉ

2020-01-22 12:44

    

 الدىنقى اپتانىن اقىرىندا، بۇرۇلتوقوي وودانىنىن 14- كەزەكتۉۉ قىشقى بالىق قارموو مايرامى ۉلۉڭگۉر كۅلۉنۉن مۇز بەتىندە باشتالىپ، 68 مىڭدەن اشۇۇن ساياقاتچىنى قار كەچىپ بالىق قارمووعو ەلىكتىردى، بۇل جۅنۉندۅ التاي رادىيو تەلەۋىزىيا ىستانسىياسىنىن قابارچىسى ۋاڭ جئڭرۇنۇن قابارى نازارىڭىزداردا:

  قىشقى بالىق قارموو مايرامىنىن اچىلۇۇ ازەمىنە، جەر-جەرلەردەن ساياقاتچىلار دۉركۉرۅپ كەلىشتى. بالىقچىلاردىن چوڭ توردۇ جىيىشىنا ەەرچىي، مىڭدەگەن چاار چورتون بالىق، سازان بالىق، لاققا بالىق مۇز بەتىنە چىعارىلدى. جئياڭسۇلۇق ساياقاتچى حى زىمىڭ مىنداي دەدى: بالىق قارموو كۅرۉنۉشۉ ابدان ايباتتۇۇ ەكەن، جەرگىلىكتىن تارىحىي مادانئياتىن تۉشۉندۉم، كۉن سۇۇق بولۇپ، بۉت جەردى قار-مۇز قاپتاپ تۇرعان بولسودا، بئروق بۇل جولقۇ ساپارىم تەككە كەتپەدى، ابدان كۅڭۉلدۉۉ وينودۇق.

    تورعو ىلىنگەن بۇل بالىقتاردىن ىچىندە، سالماعى 16.8 كىلوگرامعا جەتكەن بئر سازان بالىق قىشقى بالىق قارموودوقۇ باشقى بالىق بولدۇ. ارتىنداعى بۇل بالىقتى باساكەلەشتىرىپ ساتۇۇ قىيمىلىندا، ىراشكەرلىك، باقىت، تاالايعا سىمۋول قىلعان بۇل باشقى بالىق 388 مئڭ 888 يۇان بااداساتىلدى 

باشقى بالىققا ەە بولۇۇچۇنۇن ۅكۉلۉ كاڭ ياۋىي مىنداي دەدى: ابدان تااسىرلەنىپ تۇرام، ۅزگۅچۅ قۇبانىچتامىن، باشقى بالىق ىراشكەرلىك باقىتتىن ۅكۉلۉ، وشوندوي ەلە بۇرۇلتوقوي ەلىنىن انسايىن جاقشى بولۇۇسۇن تىلەيمىن.

  بىلۉۉگۅ قاراعاندا، بىيىلقى قىشقى بالىق قارموو مايرامىنىن ساياقات تۉرۉ مۇرداعى كەزەكتەگىدەن كۅپ بولۇپ، ات بايگە، تۅۅ بايگە، ۇلاق تارتۇۇ، قىز قۇۇماي سىياقتۇۇ جۅرۅلگۅلۉۉ تۉرلۅر ورۇنداشتىرىلعان، وشوندوي ەلە مۇزدا فۇتبول وينوو، قار موتوسەكىلىتى، ۇزۇن ارالىققا قار جىلعاياقتوو سىياقتۇۇ جاڭى تۉرلۅر قوشۇلعان. مىندان سىرت، داعى مۇز ۉستۉندۅ قىسقا ارالىققا جۉگۉرۉۉ، بالىق قارموو جارىشى، مۇزدا اجىداار قايىعىن ايداپ جارىشۇۇ، مۇزدا مئڭ كىشى ۇزۇنعا جۉگۉرۉۉ سىياقتۇۇ تۉرلۅر دا ورۇنداشتىرىلعان. ساياقاتچىلار قىيمىلدى كۅرۉپ قاتىشۇۇ مەنەن بىرگە، داعى ۅزگۅچۅ بالىق سىي تاماعىنان جەپ، قۇبانىچقا باتىشتى. جەرگىلىكتۉۉ ساياقاتچى تىيان شئياۋلىئيان ەكى چىنى بالىق قوي سورپوسۇن ىچكەنىن ايتىپ مىنداي دەدى: باشتابىندا بئر چىنى ئچىپ جاقتىرىپ قالدىم، ارتىنان ەكىنچى چىنىسىن ىچتىم، بئر جەرگە دۉمدۅپ بىشىرسا ۅزگۅچۅ جەگىلىكتۉۉ بولوت ەكەن، كەرەمەت جاقتى.

  قىشقى بالىق قارموو مايرامىندا، بۇرۇلتوقوي وودانى داعى كۅكتۅم مايرامدىق بۇيۇمداردى كۅزگۅرمۅلۅپ ساتۇۇ قىيمىلى، التىن اسىل تاش،اقاق تاش كۅرگۅزمۅسۉ، شئنجاڭ سۇۇق سۇۇ بالىعىن بىشىرۇۇ جارىشى، «باقتىلۇۇ بۇرۇلتوقوي» نەگىزگى تەماسىنداقى ادابئيات كۅركۅم ۅنۅر كەچەلىگى سىياقتۇۇ جەلەلەش قىيمىلداردى ۅتكۅرۉپ، قىشقى بالىق قارموو مايرامىن قىشقى بالىق قارموو مەزگىلىنە ايلاندىرۇۇعا كۉچ چىعارىپ، انسايىن كۅپ ساياقاتچىنى ۅزۉنۅ تارتماقچى.

  ىستاتىستىكاعا قاراعاندا، 2019- جىلى 10 -ايدىن 16- كۉنۉنۅن 12- ايدىن 30- كۉنۉنۅ چەيىن، بۇرۇلتوقوي وودانى جالپى كۉتۉپ العان ساياقاتچى سانى 60 مئڭ ادام ىرەتتەن اشىپ، 2018-جىلداعى وقشوش مەزگىلدەكىدەن 33 پايىز ارتقان؛ ىشكە اشىرعان ساياقات جالپى كىرەشەسى 60 مئللىيون يۇاندان اشىپ، 2018-جىلداعى وقشوش مەزگىلدەكىدەن 64 پايىز ارتقان.




新疆是个好地方〖2020.01.22-12:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز