ۇزۇن مەزگىلدىك سۇۇ ىشتەرى مەەرىمى، تەرەڭ كەسىپتى سۉيۉۉ رۇحۇ

2020-01-22 12:35

  تۇرپان شاارى توقسۇن ووداندىق سۇۇ ىشتەر مەكەمەسىنىن پارتگۇرپپا شۇجئسى، ورۇن باسار مەكەمە باشچىسى، ووداندىق دۉينۅلۉك بانكەسى قارىز اقچا تۉرۉن اتقارۇۇ ئشقاناسىنىن مۇدۇرۇ پاڭ حۇيشىڭ جاقىندا، اپتونوم رايون بويۇنچا «ەل ىراازى بولعون ۅكۉمۅت قىزماتكەرى» دەگەن ناامعا تاتىقتۇۇ بولدۇ. پاڭ حۇيشىڭ داشۅنۉ بۉتۉرگۅندۅن كىيىن سۇۇ ىشتەرى كەسىبىنە ات سالىپ، ەل ىراازى بولعون ار بئر سۇۇ ىشتەرى قۇرۇلۇشۇ ارقىلۇۇ سۇۇ ىشتەرى قىزماتكەرلەرىنىن جووپكەرچىلىگى جانا ارقالووسۇن جازىپ كەلەت. 

تۇرپان رادىيو-تەلەۋىزىيا ىستانسىياسىنىن قابارچىسى مەدىنۇر تۇرسۇن، جىڭ تۇانچاڭدىن قابارىنا كۅڭۉل بۇرۇڭۇزدار: 

  جاقىندان بەرى، پاڭ حۇيشىڭ قىزماتكەرلەردى باشتاپ، توقسۇن وودانى الاگۇ سۇۇ ساقتاعىچىنىن قووپسۇزدۇق بويۇنچا جاشىرىن وپۇرتالىن ىرەتتەپ جۅنگۅ سالۇۇ تۉرۉن جولعو قويدۇ. الاگۇ سۇۇ ىشتەر قۇرۇلۇشۇن باشقارۇۇ مەكەمەسى تئجارات بۅلۉمۉنۉن بۅلۉم باشچىسى پىڭ مئڭ مىنداي دەدى:-ووداندىق سۇۇ ىشتەر مەكەمەسى مەنەن بئزدىن بئر سۇۇ ساقتاعىچ قووپسۇزدۇق بويۇنچا جاشىرىن وپۇرتال تۉرۉ بار،جولدوش پاڭ حۇيشىڭ ار جولۇ ۉستۅك ۇباقىت قوشۇپ ىشتەپ، قووپسۇزدۇق جاشىرىن قاپشابىن رەتتەپ جۅنگۅ سالۇۇ قۇرۇلۇش ناق مايدانىنا تەكشەرىپ ىزىلدۅۅ الىپ بارىپ، بىزگە كەسىپتىك بىلىمدەردى سۉيلۅپ تۉشۉندۉرۉپ تۇرات. 

  توقسۇن وودانى تۇرپان ويپوتۇنۇن باتىش بۅلۉگۉنۅ جايعاشقان، تىپىك قۇرعاقتىق قاقىر مۉنۅزدۉۉ كىلىماتقا تاان، سۇۇ بايلىعىنان ىلايىقتۇۇ پايدالانۇۇ ابدان زارىل. 2007-جىلى، پاڭ حۇيشىڭ باتىش تۉندۉك دىيقانچىلىق-توقويچۇلۇق ئلىم-تەحنىكا داشۅسۉن بۉتۉرگۅندۅن كىيىن توقسۇن وودانىنا كەلىپ، سۇۇ ىشتەرى قىزماتىنا كىرىشكەن. قىزماتقا چىققاندان بەرى، پاڭ حۇيشىڭ الدى-ارتى بولۇپ، توقسۇن وودانىنىن دۉينۅلۉك بانكە قارىز اقچا تۉرۉنۅ قاتىشىپ، الاگۇ سۇۇ ساقتاعىچ تۉيۉن قۇرۇلۇشۇ، ايىل- قىشتاق ىچەر سۇۇ قووپسۇزدۇعۇن بەكەمدۅۅدۅ داراجا جوعورۇلاتۇۇ قۇرۇلۇشۇ، دىيقانچىلىق اتىزدارى سۇۇ ىشتەرى قۇرۇلۇشۇ قاتارلۇۇ بئر تۉركۉم توقسۇن وودانىنىن سۇۇ ىشتەرىن ۅنۉكتۉرۉۉسۉنۅ قاتىشتۇۇ ولۇتتۇۇ تۉرلۅردۉ ورۇنداپ بۉتتۉ. وشونۇ مەنەن بىرگە، توقسۇن وودانىنىن «13-بەش جىلدىق» سۇۇ ىشتەرى جوسپورۇ دوكلاتىن، توقسۇن وودانى الاگۇ الابى سۇۇ بايلىعىن جايعاشتىرۇۇ جوسپورۇن جانا ۇستۇڭگو سۇۇ ساقتاعىچ قۇرۇلۇشۇ جوسپورۇ دوكلاتىن تۉزۉۉ قىزماتىن باشقارىپ، ورۇنداپ بۉتكۅن. پاڭ حۇيشىڭ مىنداي دەيت:-قۇرۇلۇش بارىشىندا، جەتەكچىنىن ۉزگۉلتۉكسۉز جول كۅرسۅتۉۉسۉ، قىزماتتاشتارىمدىن جاردامىندا قىزمات بارىشىندا كەەبىر ناتىيجالارعا قول جەتكىردىم. بۇل جولۇ اپتونوم رايون ماعا ۇشۇنچالىق جوعورۇ ارداق ناامدى ىيعاردى، بۇل بئر تۉردۉۉ انسايىن چوڭ جووپكەرچىلىكتەي سەزىندىم. مەن مۇرداقى قىزمات ئستىلىمدى ۇلاندۇۇ ۅرچۉتۉپ، قىزمات بارىشىنا انسايىن بۉت زەەنىم مەنەن كىرىشىپ، توقسۇندۇن ۅنۅرجاي، ايىل چاربا، قاراپايىم قالقى ۉچۉن بئزدىن سۇۇ ىشتەر بويۇنچا سالىمىبىزدى قوشوبۇز. 

〖2020.01.22-12:35〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز