جارقىراعان تۉستۉۉ چىراقتار مەنەن كۅكتۅم مايرامىن ۇتۇرلاپ، شئنجاڭدىن جەر- جەرلەرى مايرامدىق ماانايعا بۅلۅندۉ

2020-01-22 11:39

كۅكتۅم مايرامى جاقىنداپ، تئيانشاندىن تۉندۉك تۉشتۉگۉندۅ تۉستۉۉ چىراقتار كۅز ۇيالتىپ جارقىراپ، باارى جەردە قۇبانىچتۇۇ مااناي بئلىنىپ، مايرامدىن جىتى اڭقىپ تۇردۇ.ەمى بۇل جۅنۉندۅگۉ قابارى:

ۇشۇل بئر قانچا كۉندۅن بەرى، ۉرۉمچۉنۉن شاار رايونۇنداعى نەگىزگى جولدوردو ارت- ارتىنان قۇبانىچتى تۇيۇنتقان قىزىل پانۇس چىراقتار ئلىنىپ، كۅكتۅم مايرامىنىن ماانايى چىعىپ تۇردۇ. ۉرۉمچۉ شاارى تۉندۉك نانحۇ جولۇنداعى كۅچۅ بويۇنا جايعاشقان دۉكۅندۉن ەەسى فان ارشاڭ مىنداي دەيت: ۉرۉمچۉگۅ كەلگەنىمە 14 جىل بولدۇ، كۅچۅلۅردۅ قىزىل پانۇس چىراقتار ئلىنىپ، قۇبانىچتۇۇ مااناي چىعىپ تۇرعانىن كۅرۉپ ىچىمەن قۇباندىم، جاڭى جىلدا قاراپايىم قالقتىن تۇرمۇشۇ باقۇبات بولۇپ، جاڭى جىلدىق مايرامدى جارقىراپ جايناپ جاقشى ۅتكۅرۉۉسۉن تىلەيمىن. 

ۉرۉمچۉ شاارىنداعى حوڭشان باقچاسى، ەل باقچاسى، بالدار باقچاسى سىياقتۇۇ جەرلەردە بئر قانچا كۉندۅن بەرى قىزىل پانۇس چىراقتار ئلىنىپ، تۉركۉن تۉستۉۉ چىراقتار كۅز ۇيالتىپ، باقچادا سەيىلدەپ جۉرگۅن شاار تۇرعۇندارى قايدا ەلە بارباسىن قويۇۇ مايرامدىق ماانايدى سەزىپ تۇردۇ. كىچىنەكەي بالاقاي جاڭ يامئڭ قابارچىعا مىنداي دەدى: بالدار باقچاسى اياباي سونۇن ەكەن، كۅپتۅگۅن چىراق كۅرگۅزمۅسۉ اچىلىپتىر، داعى كۅپتۅگۅن چىچقان قۇۇرچاقتار تۇرات، مەن انى ابدان جاقتىرامىن.

بورتالا شاارىندا، كۅچۅلۅردۉن باارىنا قىزىل پانۇس چىراقتار ئلىنىپ، شاار تۇرعۇندارىنا مايرامدىق ماانايدى سەزىندىرىپ تۇردۇ. شاار تۇرعۇنۇ نازات مىنداي دەيت: كۅچۅلۅردۉن باارى جەرىنە قىزىل پانۇس چىراقتار ىلىنگەن، مايرامدىق مااناي چىعىپ تۇرات، ىچىمەن اياباي قۇبانىپ تۇرام، بئر كىچىنە پانۇس چىراق ساتىپ الىپ ۉيۉمۅ الىپ كەتەيىن دەپ تۇرام، كۅكتۅم مايرامىن قۇبانىچ مەنەن ۅتكۅرسۅك جاقشى دا. 

ۇشۇل ەكى كۉندۅن بەرى، قاشقار شاارىندا دا 60 مىڭدەن اشۇۇن چوڭ- كىچى پانۇس چىراقتار ئلىندى، چوڭ- كىچى كۅچۅلۅر قىزىل پانۇس مەنەن جاسالعالانىپ، بۉتكۉل شااردا قويۇۇ مايرامدىق جىت چىعىپ تۇردۇ. شاار تۇرعۇنۇ دوڭ شىڭ مىنداي دەيت: پانۇستار اچىلىپ، مايرامدىق ماانايدى بىزگە الدىن سەزىندىردى، اتا مەكەنىبىزدىن گۉلدۅپ كۉچتۅنۉۉسۉن تىلەيمىن. 

چوڭ پانۇس چىراقتار، قۇبانىچتۇۇ مايرامدى تۇيۇنتقان جۇڭگو تۉيۉنچۅگۉ، قۇت ماانئسىن تۇيۇنتقان كۅكتۅم مايرامدىق چۇنلىياندار قاشقار شاارىنداعى چوڭ سوودا سارايلارى، اشاان بازارلار، بازارلارعا باشقاچا شاتتىق تۉس بەرىپ تۇردۇ. شاار تۇرعۇنۇ پەرىدەم ۇتۇق مىنداي دەيت: كۅكتۅم مايرامى جۇڭحۇا ۇلۇتۇنۇن جۅرۅلگۅلۉۉ مايرامى، بئز بۉگۉن بۇل بازارعا كەلىپ كۅكتۅم مايرامدىق چۇنلىيان ساتىپ الدىق، انان بالدارىبىز بۇل قۇت بۇيۇمدۇ اياباي جاقتىرىپ قالدى، ەمى ۉيۉبۉزگۅ بارىپ ئلىپ قويوبۇز. 

 ۇشۇل بئر قانچا كۉندۅن بەرى، ار كۉنۉ كەچ كىرەرى مەنەن، شايار وودانى شاارچاسىنىن نەگىزگى كۅچۅلۅرۉندۅ تۉركۉن تۉستۉۉ چىراقتار جالتىراپ كۅز ۇيالتىپ تۇردۇ. قىپ قىزىل پانۇستار، جۇڭگو تۉيۉنچۅگۉ بۇل جەردىن كەچكى كۅرۉنۉشۉن تۉركۉن تۉستۉۉ قىلىپ جاسالعالاپ، كۅرگۅندۉن كۅزۉن تالدىردى. شايار وودانىنىن تۇرعۇنۇ حۇاڭ لوڭيۉ مىنداي دەيت: چىراقتار جىلدان- جىلعا جاقشى، جىلدان جىلعا كۅركۅم بولۇپ باراتات، بئز اياباي قۇبانۇۇدابىز.

〖2020.01.22-11:39〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز