حوتەن شاارى 2020- جىلدىق تاكىلاماكاندى ايلانعان(ەل ارالىق) رالئى جارىشى مەنەن توقتومعو قول قويۇشتۇ

2020-01-20 12:06

 1- ايدىن 19- كۉنۉ تۉشتۅن مۇردا، 2020- جىلدىق جۇڭگو تاكىلاماكاندى ايلانعان(ەل ارالىق) رالئى جارىشى بويۇنچا توقتومعو قول قويۇۇ ازەمى حوتەن شاارىندا ۅتكۅرۉلدۉ. بىيىل، تاكىلاماكاندى ايلانعان (ەل ارالىق) رالئى جارىشىنىن بئر بۅلۉك جارىش بۅلۉگۉ ۇلاندۇۇ حوتەن ايماعىندا الىپ بارىلات. ەمى ىستانسىيابىز قابارچىسى لو يۇانمئڭدىن قابارى نازارىڭىزداردا:

2019- جىلدىق جۇڭگو تاكىلاماكاندى ايلانعان(ەل ارالىق) رالئى جارىشى تۇنعۇچ ىرەت حوتەن ايماعىندا 4 جارىش بۅلۉگۉن جايعاشتىرىپ، جاقشى قوومدۇق بەرەكەت جانا ەكونومىكالىق بەرەكەتكە قول جەتكىردى. 2020- جىلدىق جۇڭگو تاكىلاماكاندى ايلانعان(ەل ارالىق) رالئى جارىشى 5- ايدا ۅتكۅرۉلۅت، حوتەن ايماعىندا العاچقى قادامدا نئيا چالدىبارى، دارىيابويئى، قۇم دەڭىزىندەگى قارت جووكەر ەرمە چۅلۉ لئنىياسى، كۇيئنلۇن تووسۇ پۇلا قىشتاعى جايىتى سىياقتۇۇ 4 جارىش بۅلۉگۉ بەكىتىلدى. شئنجاڭ تاكىلاماكاندى ايلانعان اۋتو ۇناا جانا موتوسەكىلت قىيمىلى كىلوبۇنۇن مۇدۇرئيات باشچىسى سۇ حاۋبو، بىيىلقى ەڭ چوڭ جارقىن تۉيۉن ــ جارىش جولۇ مەنەن حوتەندىن ساياقات كۅرك تۉيۉندۅرۉن بىرىكتىرىلگەنى ەكەنىن تاانىشتىرىپ مىنداي دەدى: بىيىل جارىش جولۇ مەنەن كەلەچەكتە بئز قۇرۇپ چىقماي بولعون ساياقات لئنىياسىن بىرىكتىرىپ، جۉرۉۉچۉ جول بۅلۉكتۅرۉن بئز جايىلدىرماقچى بولعون ساياقات لئنىياسى جولۇنا دولبوورلوپ، داعى دا كۅپتۅگۅن قالقتى قاتىشتىرا تۇرعان بولدۇق. جارىش بارىشىندا، ايدووچۇ چەبەرلەر كۅركتۉۉ تابىيعات كۅرۉنۉشۉن كۅرۉپ، الاردىن ۅز باشىنان ۅتكۅرۉپ سەزىنۉۉسۉ جانا جايىلدىرۇۇسۇ ارقىلۇۇ، داعى دا كۅپتۅگۅن ساياقاتچىلاردى حوتەنگە جەكە اۋتو ۇنااسى مەنەن ساياقاتتاپ كەلۉۉگۅ ەلىكتىرىپ، حوتەندى بئر ساياقات ماراسى قىلابىز. 

ۇعۇشۇۇعا قاراعاندا، جۇڭگو تاكىلاماكاندى ايلانعان(ەل ارالىق) رالئى جارىشى 15 جىلدىق ۅنۉگۉۉ ارقىلۇۇ، ەل اراعا تاانىمال ماركالۇۇ جارىشقا ايلانعان، وشوندوي ەلە شئنجاڭ دەنە تاربئيا ساياقاتچىلىعىنىن بەتكە باسار دايىن بىلىگىنە ايلانعان. حوتەن شااردىق مادانئيات دەنە تاربئيا رادئيو تەلە جانا ساياقات مەكەمەسىنىن باشچىسى ۋاڭ مئي تاانىشتىرىپ مىنداي دەدى: بىلتىر، تاكىلاماكاندى ايلانعان(ەل ارالىق) رالئى جارىشى جەرگىلىكتىن ساياقات كىرەشەسىن ارتتىرۇۇدا ۅتۅ زارىل رول اتقاردى، بىيىل جارىش حوتەندىن ساياقاتچىلىعىنىن تاانىمالدىعىن انسايىن جوعورۇ كۅتۅرۅۅرۉ بىشىق، ال حوتەن شاارىنىن ساياقات ارقىلۇۇ حوتەندى گۉلدۅندۉرۉۉ ىستىراتەگىياسىن دادى بئر دەمجىي جىلىشتاتۇۇداعى زارىل ئش چاراسى. انىن ىچىندە، تاكىلاماكاندى ايلانعان چوڭ لاگەر، تۉنكۉ بازار سىياقتۇۇلار 120 كەمباعال ۉي بۉلۅنۉن جۇمۇشتانۇۇ ماسەلەسىن چەچىپ، بئر كۉندۉك كىرەشەسى 2000 يۇانعا جەتتى. تاكىلاماكاندى ايلانعان(ەل ارالىق) رالئى جارىشىنان تۇرعان ۇشۇل ماركانىن زور كۉچ مەنەن قولدووسۇندا، بئزدىن ساياقات ىشتەرىبىزدىن داعى زور ۅنۉگۉۉلۅرگۅ جەتىشەەرىنە ىشەنەم.

新疆是个好地方〖2020.01.20-12:06〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز