ۉرۉمچۉ وودانىنداعى قار-مۇز چاقان شاارچاسىنىن كۅكتۅم مايرامدىق بۇيۇمدار مايرامى باشتالدى

2020-01-17 13:14

  ۉرۉمچۉ وودانىنداعى قار-مۇز چاقان شاارچاسىنىن كۅكتۅم مايرامدىق بۇيۇمدار مايرامى باشتالدى

 1- ايدىن 15- كۉنۉ، ۉرۉمچۉ وودانىنداعى قار-مۇز چاقان شاارچاسىنىن كۅكتۅم مايرامدىق بۇيۇمدار مايرامى كۅشۅگۅسۉن اچتى ، ار ۇلۇت قالقى جانا ساياقاتچىلار ويۇن نومۇرلارىن كۅرۉپ، كۅكتۅم مايرامدىق بۇيۇم ساتىپ الىپ، چۉيگۉن داامداردان ووز تئيىپ، ۇشۇل جەردە قويۇۇ مايرامدىق جىتتى سەزىنىشسە بولوت. ەمى ىستانسىيابىز قابارچىسى گاۋ مىڭحۇيدۇن قابارى: 

  (ناق مايدان ۉنۉ: مۇنۇ قانداي ساتتىڭىز؟ مۇنۇن بئر قالتاسى 15 يۇان جارىم كىلوگىرام چىعات...»

 ۉرۉمچۉ وودانى شۇيشئگوۋدوعۇ قار-مۇز چاقان شاارچاسىندا، ياڭگىر، بەل بارابان، ۇلۇتتۇق تۉستۅكۉ ىر، بئي قاتارلۇۇ ويۇندار قار-مۇز چاقان شاارچاسىن شاتتىق دەڭىزىنە ايلاندىرىپ، جايمادا تۇرعان جەر جەمىش، جەرلىك ۇي ەتى، چۇبات، سۉر چۇچۇق قاتارلۇۇ 100 قانچا تۉردۉۉ توۋار كۅپتۅگۅن ساياقاتچىلاردى ساتىپ الۇۇعا ەلىكتىردى. ساياقاتچى سۇن جىشئيا مىنداي دەدى: «كىرگەندە ەلە بئر تۉردۉۉ جاڭى جىلدىق مااناي سەزىلدى، نومۇرلار اياباي جاقشى، كۅكتۅم مايرامدىق بۇيۇمداردىن تۉرۉ داعى كۅپ، ار بئر جايما ەەسىنىن مامىلەسى جىلۇۇ، ناقاي، ارزان، بئر كەلىپ كەتۉۉگۅ ارزىيت ەكەن.» 

  بۇل جولقۇ كۅكتۅم مايرامدىق بۇيۇمدار مايرامى 1- ايدىن 22- كۉنۉنۅ چەيىن ۇلانىپ، ۇلۇتتۇق سالت-ساناا ويۇندارى، كۅكتۅم مايرامدىق بۇيۇمداردى ارزانداتۇۇ، اقىسىز چۇنلئيان (بوسوعولۇق) تارتۇۇلوو قاتارلۇۇ قىيمىلدار بولۇپ ەلە قالباي، داعى كۅكتۅم مايرامدىق سايسىپاۋ جۉگۉرۉشۉۉ، قار-مۇزدا بولجوشۇۇ اتا-بالا باعىتتۇۇ جارىشى قاتارلۇۇ مادانئيات، دەنە تاربئيا، ساياقات قىيمىلدارىن ۅتكۅرۅت. ۉرۉمچۉ ووداندىق مادانئيات دەنە تاربئيا رادىيو-تەلە ساياقات مەكەمەسىنىن مەكەمە باشچىسى جاڭ يۉحوڭ مىنداي دەدى: «كۅكتۅم مايرامدىق بۇيۇمدار مايرامى ارقىلۇۇ، مادانئيات جانا ساياقاتتى تەرەڭ جۇۇرۇلۇشتۇردۇق، مىندا ۉرۉمچۉ وودانىنىن زاتتىق ەمەس مادانئيات مۇراستارىن، ۇلۇتتۇق سالت-ساناا مادانئياتىن، بئر كۉندۉك ساياقات، ەكى كۉندۉك ساياقاتتان تۇرعان قىل لئنىيالاردى قامتىعان، ۅزگۅچۅ ايىل چاربا تۉشۉمدۅرۉن ۉگۉتتۅپ، ۉرۉمچۉ وودانىنىن ساياقاتچىلىعىن داعى بئر دەمجىي ۅنۉكتۉرۅبۉز، ساياقاتچىلىق ارقىلۇۇ باشقا كەسىپتى ۇزارتۇۇنۇ العا تارتىپ، دىيقان، مالچىلارىبىزدىن كىرەشەسىن اشىرابىز». 

〖2020.01.17-13:14〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز