قۇتۇبىيلىك دىيقان ۅزۉ قار مايدانىن جاساپ، قار ايكەل ويۇپ، كۅكتۅم مايرامىن ۇتۇرلاپ الدى

2020-01-17 13:10

  قۇتۇبىي وودانى ۋۇگوڭتاي شاارچاسى داچۇان قىشتاعىنىن دىيقانى ۅزۉ 300 مئڭ يۇان قارجى چىعارىپ قۇرعان بايچۇانحۇ قار-مۇز جىلعاياقتوو مايدانى جاقىندا اچىلىپ، قىشتاق تۇرعۇندارى ەشىك الدىندا قار-مۇز قىزىعىنا باتۇۇدان سىرت، داعى كۅپتۅگۅن ساياقاتچىلار قىشتاقتىن «قار-مۇز ۇقمۇش تاعدىرى»ن سەزىنىشكەن، بۇل جۅنۉندۅ ىستانسىيابىزدىن كۅكتۅم مايرامىندا نەگىزگى قاتماردى ارالاعان قابارچىلارى جئڭ لەي، لئى ۋىيدىن قابارى:

  1- ايدىن 15- كۉنۉ تۉشتۅن مۇردا، جاڭى ەلە چوڭ قار جااعان ەلە، قابارچى قۇتۇبىي وودانى ۋۇگوڭتاي شاارچاسى بايچۇانحۇ قار-مۇز جىلعاياقتوو مايدانىنا بارعانىندا، كۅپتۅگۅن ساياقاتچىلار مەنەن قىشتاق تۇرعۇندارىنىن قار جىلعاياقتوو مايدانىندا قار ۉستۉندۅكۉ ويۇن تۉرلۅرۉن سەزىنىپ جاتقانىن كۅرگۅن. سانجىلىق ساياقاتچى كى لئىما مىنداي دەدى: 200 مەتىرلىك قار جولۇن جىلعاياقتاپ تۉشتۉم، ابدان سۉيۉنۉپ جىرعاپ جاتام، مىندان نارى بۇل جەرگە ۇلاندۇۇ كەلىپ تۇرامىن.

  قۇتۇبىي وودانى ۋۇگوڭتاي شاارچاسى داچۇان قىشتاعى اتى الىسقا تاراعان باي قىشتاق، مئڭ مودون اشۇۇن بالىق كۅلچۉگۉ جانا 30 مئڭ مودون اشۇۇن پاحتا تالااسىنا تايانىپ، قىشتاق ەلىنىن كىشى باشىندىق ورتوچو كىرەشەسى بىلتىر 22 مئڭ يۇاندان اشقان، قىشتاق داعى ساياقات قىزماتتاشتىق كوپەراتىبىن قۇرعان. بىيىل جاڭى جىل كۉنۉ، الار ۅزدۅرۉ قارجى چوعۇلتۇپ قۇرعان بايچۇانحۇ قار-مۇز جىلعاياقتوو مايدانى راسمئي ىشكە تۉشكۅن. قۇتۇبىي وودانى ۋۇگوڭتاي شاارچاسى بايچۇانحۇ ساياقاتتى ۅنۉكتۉرۉۉ قىزماتتاشتىق كوپەراتىبىنىن كەڭەش باشچىسى شۉ شۋۇشىيەن مىنداي دەدى: اچىپ جىبەرىلگەندەن بەرى 30 مىڭدەن اشۇۇن ساياقاتچى كۉتۉپ الدىق، كۅكتۅم مايرامى مەزگىلىندە ۇلاندۇۇ اچابىز، قاراپايىم ەلدى بۇل جەرگە كەلىپ قۇبانىچتۇۇ مايرام ۅتكۅرۉپ، قار-مۇز قىزىعىن سەزىندىرەبىز.

   جاڭى جىل كىرگەندەن كىيىن، جەرگىلىكتەگى دىيقاندار بوش ۇباقىتتارىنان پايدالانىپ، ۅزدۅرۉ قول سالىپ ىشتەپ مۇز مايدانىنىن ايلاناسىنا اجىداار، ۇلۇۇ قورعون، انار، جۉگۅرۉ سىياقتۇۇلاردىن فورماسىندا 20 جۉرۉش ايكەل ويۇشقان. ساياقاتچى جاڭ حايتاۋ مىنداي دەدى: كەلىپ كۅرگۅندۅ، اتايىن كەسىپتىك كىشىلەردى سۇنۇشتاپ ويدۇرعان دەپتىرمىن، كىيىن سۇراسام بئزدىن قىشتاقتاعى تۇرعۇندار ۅزدۅرۉ ويۇشۇپتۇر، چىنىندا ابدان وقشوتۇپتۇر.

  قىشتاق تۇرعۇنۇ جاڭ جى-يۉن بولسو بۇل مۇز ايكەلدى نەگىزگى ويۇۇچۇ، ال قابارچىعا مىنداي دەدى: بئز بۇل مۇز ايكەلدەردى جاساشىبىزدىن نەگىزگى ماقساتى 2020- جىلقى جاڭى جىلدى ۇتۇرلاپ الىپ، انسايىن جاقشى مايرامدىق ماانايدى جاراتۇۇ.

〖2020.01.17-13:10〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز