بىيىك توودو قار جىلعاياقتوو جارىشىن كەرەمەت ۅتكۅرۉپ، نارات كۅپتۅگۅن ساياقاتچىلاردى ەلىكتىردى

2020-01-16 16:57

   جاقىندا «سالامات ىلە، قىشقى ولئمپىياداعا دەمۅۅر بولۇۇ» اتتۇۇ ىلە وبلاسىنىن «قىشتاعى سۉيۉۉ» بىيىك توودو قار جىلعاياقتوو جارىشى نارات ەل ارالىق قار جىلعاياقتوو مايدانىندا باشتالدى، شئنجاڭدىن جەر-جەرلەرىنەن كەلگەن جۉزدۅن اشۇۇن قار جىلعاياقتووچۇلار جارىشقا قاتىشىپ، كۅپتۅگۅن ساياقاتچىلاردى بۇل جەرگە كەلىپ وينوپ كەتۉۉگۅ ەلىكتىردى، بۇل جۅنۉندۅ كۉنۅس رادىيو تەلەۋىزىيا ىستانسىياسىنىن قابارچىسى لاززاتتىن قابارى:

  بۇل جولقۇ بىيىك توودو قار جىلعاياقتوو جارىشى جالعىز تاقتادا 800 مەتىرگە جىلعاياقتوو، قوش تاقتادا 1600 مەتىرگە جىلعاياقتوودون تۇرعان ەكى جارىش تۉرۉ بويۇنچا ەرلەر جانا ايالدار گۇرۇپپاسىنا بۅلۉنگۅن. جارىش باشتالارى مەنەن، قار جىلعاياقتوو كۉيۅرماندارى بئر-بئرىن قۇبالاپ، قار جولۇندا قۇشتاي سىزىپ،ابدان تاسىققان قار جىلعاياقتوو ۅنۅرۉن كۅرسۅتۉشتۉ. ۉرۉمچۉلۉك جارىشقا قاتىشقان چەبەر جئلۇ يئنزى مىنداي دەدى: ناراتتىن قار مايدانى ابدان جاقشى بولۇپ، قار جولۇ بولسۇن، زالىنىن چۅيرۅسۉ بولسۇن، بۇل اشقاناسى جانا قونولعوسۇ بولسۇن بارى ابدان جاقشى ەكەن، بئرىنچى جولۇ ىلەگە كەلىپ جارىشقا قاتىشىپ وتۇرام، وشوندۇقتان ابدان قۇبانىچتامىن.

   ىلە وبلاسىنىن قار-مۇز بايلىعى مول، جاقىنقى جىلدان بەرى ار قايسى وودان شاارلار قىشقى قار-مۇز ساياقاتىن كۉچۅپ قۇلاچ جايدىرىپ، قار-مۇز دەنە اراكەت ماركەسىن جاراتىشتى. ىلە وبلاستىق دەنە تاربئيا مەكەمەسى ۇنۋەرسال باشقارماسىنىن باشچىسى حى زىحۇ مىنداي دەدى: 2020- جىلقى قىش-جاز مەزگىلىندە، بئز كۉنۅس وودانىنىن نارات بىيىك توودو قار جىلعاياقتوو جارىشى، قۇلجا شاارىنداعى مۇزدا تەز جىلعاياقتوو جارىشى، موڭعۇلكۉرۅ وودانىنىن قارلۇۇ تالادا فۇتبول جارىشى سىياقتۇۇ جەلەلەش جارىش قىيمىلدارىن جانا جۇرتچۇلۇق مۉنۅزدۉۉ قار-مۇز قىيمىلدارىن ارت-ارتىنان جولعو قويۇپ، بۉت وبلاستاعى بۉت ەلدىن سالاماتتىعى مەنەن بۉت ەلدىن دەنە تاقشالتۇۇسۇنۇن تەرەڭدەي جۇۇرۇلۇشۇسۇن كۉچۅپ جىلىشتاتىپ، دەنە تاربئيا مەنەن ساياقاتتىن تەرەڭدەي جۇۇرۇلۇشۇۇسۇن دا كۉچۅپ جىلىشتاتىپ، ىلە ەكونومىكاسى ۉچۉن كۉچتۉۉ جاڭى قىيمىلداتقىچ ەنەرگىيا قوشوبۇز.

新疆是个好地方〖2020.01.16-16:57〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز