جۉزۉم سوودا بوربورۇ ۅرۉش قۇرۇپ دىيقان تۉتۉندۅردۉن ساتۇۇسۇنا دەموۅر بولدۇ

2020-01-14 11:19

 شئنجاڭ مۅمۅچۉلۉگۉ پىچان سوودا بوربورۇ تئجارات باشتاعان ەكى ايدان بەرى، جەرگىلىكتىن جۉزۉم ۅستۉرگۅن دىيقاندارىنىن كىرەشەسىن ارتتىرۇۇسۇن جىلىشتاتۇۇداعى زارىل ۅرۉشكۅ ايلاندى. ىستانسيابىزدىن كۅكتۅم مايرامىندا نەگىزگى قاتماردى ارالوو بويۇنچا قابارچىلارى جئڭ لەي، لئى ۋەيلەردىن قابارى: 

  كۅكتۅم مايرامى جاقىنداپ قالدى، شاندوڭدون كەلگەن جۉك اۋتوۇناا ايدووچۇسۇ ياڭ جئحۇا شئنجاڭ مۅمۅچۉلۉگۉ پىچان جۉزۉم سوودا بوربورۇنۇن قامپاسىنا كەلىپ، 30 توننا كىشمىشتى باسىپ شاندوڭ ۅلكۅسۉنۅ تاشىپ بارىپ ساتۇۇعا دايىندىق قىلدى، ياڭ جئحۇا مىنداي دەدى: ىچكەرى ۅلكۅدۅگۉ ساتىلۇۇسۇ ابدان جاقشى، بۇل 10- جولۇ تاشۇۇم، بۇل 10- جولدۇ تاشىپ بولۇپ، ۉيگۅ قايتىپ مايرام ۅتكۅرۅم. مايرام ۅتكۅرۉپ بولعوندون كىيىن داعى اۋتوۇناا ايداپ كەلىپ، ۇلاندۇۇ كىشمىش تاشىپ قايتام. 

  شئنجاڭ مۅمۅچۉلۉگۉ پىچان جۉزۉم سوودا بوربورۇنا جالپى 200 مئلليون يۇان قارجى سالىنعان، 500 مو جەردى ەەلەيت، ۅلچۅمدۅشتۉرۉپ سالىنعان ئش قوشۇۇ سەحى 11 مئڭ چارچى مەتىر، جاشاڭ، سۇۇق ساقتوو قامپاسى 7 مئڭ چارچىمەتىر، زاپاس ساقتوو سوودا باستىرماسى 140 مئڭ چارچىمەتىر، مىندان باشقا داعى سوودا ەسەپتەشۉۉ تەيلۅۅ زالى سىياقتۇۇ تەلەگەيلەشكەن تەيلۅۅ جابدۇۇلارى بار، 2019- جىلى 11- ايدىن 23- كۉنۉ سوودا بوربورۇ تئجارات باشتاعاندان بەرى، تىكەلەي تۉردۅ 6 مىڭدەن اشۇۇن جۉزۉم ۅستۉرگۅن تۉتۉندۉ بايۇۇ جولۇنا باسىپ كىرەشەسىن ارتتىرۇۇعا جەتەكتەپ، تۉتۉن باشىندىق ورتوچو كىرەشەسى مئڭ يۇاندان اشقان. پىچان وودانى لەمجىن شاارچاسى چۇۋانقىر قىشتاعىنىن جۉزۉمچۉ تۉتۉنۉ ەحمەت يۉسۉپ مىنداي دەدى: بازار جوق كەزدە جەكە ىشتۅۅچۉبۉز، بۇل بازار جاقشى، بئزدىن جۉزۉمدۅرۉبۉز تەز ەلە ساتىلۇۇدا. 

  سوودا بوربورۇنۇن تئجاراتقا كىرىشتىرىلۉۉسۉنۅ ەەرچىي، جەتى دىيقاندار كۅمۅكتۅشتۉك كوپراتىبى داعى مۅرتكۅ شايكەشىپ باردىققا كەلدى. كۅمۅكتۅشتۉك كوپراتىبى بۇل جەردە انسايىن كۅپ بازار ابالىن ەەلەپ، انسايىن كۅپ باشقا جەرلىك قاردارلار مەنەن ۇچۇراشىپ، انسايىن كۅپ باا تالاشۇۇ ۇقۇعۇنا ەە بولوت. پىچان وودانى لەمجىن شاارچاسى لۉگۇاڭ دىيقانچىلىق كۅمۅكتۅشتۉك كوپراتىبىنىن جووپتۇسۇ ابدۇراقمان ابدۇرەيىم مىنداي دەدى: مۇردا مەن قاردارلاردى ىزدەپ ساتچۇمۇن، ازىر ار كۉنۉ باانى كۅرۅ الابىز، جاقشى باا بولعوندو بئز ساتساق بولوت، قامسىز بولوبۇز، مەن 2500 توننا كىشمىش ساتىپ، 500 مئڭ يۇان ايلاناسىندا اقچا تاپتىم. 

  شئنجاڭ مۅمۅچۉلۉگۉ پىچان سوودا بوربورۇ ىشكە كىرىشتىرىلگەن ەكى ايدان اشۇۇن ۇباقىتتان بەرى، تۇرپان شاارىنىن ايىل چاربا تۉشۉمدۅرۉن سىرتقا ساتۇۇسۇن چىركەشتىرۉۉنۉ ۅنۉمدۉۉ جىلىشتاتىپ، ايىل چاربا قوشۇمچا تۉشۉمدۅرۉنۉن مەزگىل الماشقان ساتۇۇسۇ مەنەن تەپەتەڭ قامدووسۇن ىشكە اشىرىپ، ۇچۇردا سوودالاشقان كىشمىش 100 مئڭ تونناعا جەتتى. شئنجاڭ مۅمۅچۉلۉگۉ پىچان جۉزۉم سوودا بوربورۇنۇن ورۇنباسار باشقى دىرەكتورۇ رىن زىيۉ مىنداي دەدى: بئر بۅلۉك تاراقاي تۉتۉندۅن بۇل جەرگە كەلىپ چوعۇلتۇپ سوودا ىشتۅۅگۅ چەيىن، الاردىن تۉشۉمدۅرۉن بئر كەلكى تۉردۅ بئر ۅرۉشكۅ جەتكىرىپ، الاردى بازار ابالىنان ەڭ جاڭى ەەلۅۅگۅ ەە قىلابىز، ارى الاردىن ىچكى ۅلكۅدۅگۉ قاردارلار مەنەن بايلانىشۇۇسۇنا جاردام بەرىپ، ەمنەنىن ىلايىقتۇۇ باا ەكەنىن بىلدىرەبىز. بئز بئر اتاقتۇۇ ماركە قاتارى بۉت ماملەكەتكە تاانىشتىرىپ، دۉينۅگۅ تاانىشىرىپ، انسايىن كۅپ دىيقان تۉتۉندۅردۉ نارپقا ەە قىلىپ، ەڭ زور پايداعا ەە قىلابىز. 

〖2020.01.14-11:19〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز