قاشقار ورتو ازئيا تۉشتۉك ازئيا ۅنۅر جاي باقچاسىنىن ۅنۉگۉۉ قىرداالى كۉچتۉۉ بولدۇ

2020-01-13 11:46

كۅكتۅم مايرامى جاقىندووسۇ مەنەن قاشقار ورتو ازئيا تۉشتۉك ازئيا ۅنۅر جاي باقچاسىندا ار قايسى كەرقانالار ۇرعاال تۉردۅ تولۇق ىشتەپ ۅندۉرۉشتۉ ۇيۇمداشتىردى. ەمى ىستانسىيابىزدىن كۅكتۅم مايرامىندا نەگىزگى قاتماردى ارالاپ جاتقان قابارچىسى زىڭ يە، ياۋ يەنىن بۇل جۅنۉندۅكۉ قابارى. 

قاشقار ورتو ازئيا تۉشتۉك ازئيا ۅنۅر جاي باقچاسى قاشقار جاڭى قىزماتتاشتىق داتاڭ ەل ارالىق بۇيۇم وبورت جووپتۇۇلۇق شەرىكتىگىنىن توۋار مايدانىندا قىرعىزىستاندىق جۉك اۋتو ۇناا ايدووچۇسۇ مادان ىرىسبەك جۉك اۋتو ۇنااسىنا تولتۇرا مۇزداتقىچ جۅكتۅپ قىرعىزىستاندىن بوربورۇ بىشكەككە قاراي جول الۇۇعا داياردىق كۅردۉ. ال مىنداي دەدى: «ازىر جۇڭگونۇن ەلەكتىر شايماندارى قىرعىزىستان جانا باشقا ورتو ازئياداعى ماملەكەتتەردە اياباي جاقتىرىلىپ جاتات، كۅكتۅم مايرامدىق چەك ارا جابىلۇۇدان مۇردا جەتىپ بارىىشىم كەرەك، ەكى جولۇ ارتىق قاتتاسام كۅبۉرۅك اقچا تابام». 

«بئر القاق بئر جول» قۇرۇلۇش ارىمىنىن توقتووسۇز باچىمداشىنان ۇلام قاشقاردىن تۉشتۉك شئنجاڭداعى تىشقى سوودا بوربورۇ بولۇۇ وردۇ سايىن كۉن سايىن بارااندالدى. قاشقار جاڭى قىزماتتاشتىق داتاڭ ەل ارالىق بۇيۇم جۉگۉرتۉۉ چەكتۉۉ جووپتۇۇلۇق شەرىكتىگىنىن مۇدىرىيات باشچىسى دۇ شئن تاانىشتىرىپ مىنداي دەدى: «2019- جىلى شەرىكتىگىبىز ەكسپورتتوعون جۉك نارقى 155 مئللىيون اقش دوللارىنا جەتىپ، 29 پايىز ارتتى، اندان بۅلۅك ۇچۇردا ماملەكەت ىچىندە ئمپورت تۉشۉمدۅرۉ كۅرۉنۉكتۉۉ ارتۇۇ قىرداالى كۅرۉلگۅن ابالعا قاراتا، شەرىكتىگىبىز بىيىل داعى 50 مئلليون يۇان قارجى سالىپ، ماملەكەت ئچى بۇيۇم وبورت باقچا رايونۇن قۇرات». ال داعى: «جالپى ايانتى 15 مئڭ چارچى مەتىر كەلگەن 11 جۉك قامپاسى، سىرتىنا تەيلۅۅ ئماراتىن سالۇۇنۇ پئلاندادىق، ايلاناداعى ماملەكەتتەردىن ايىلچاربا قوشۇمچا تۉشۉمدۅرۉ ابدان مول، اندان بۅلۅك كەن تۉشۉمدۅرۉ دا بار، كۅمۉسكۅ كۉچۉ دا بئر قىيلا زور»- دەدى. 

جاقىنقى جىلداردان بەرى قاشقار ورتو ازئيا تۉشتۉك ازئيا ۅنۅرجاي باقچاسى كىيىم- كەچە توقماچىلىق، ەلەكتىروندۇق بۇيۇمداردى قۇراشتىرىپ سەپتۅۅ سياقتۇۇ ەمگەك كۉچۉ تىعىز تىبىندەگى كەسىپتەرگە سووداگەر چاقىرىپ قارجى ەلىكتىرۉۉ ەپكىنىن باچىمداتىپ، قاشقار ايماعىنداعى ايىل- قىشتاق ارتىق ەمگەك كۉچتۅرۉن باچىم قوتورۇۇنۇ بەرەركەتتۉۉ تۉرتمۅكتۅدۉ. باقچا رايون ىچىندەگى شۉنبئدا ماالىمات ئلىم- تەحنىكا شەرىكتىگىندە ايلانادان كەلگەن 450 ارتىق ەمگەك كۉچۉ چۅنتۅك تەلەفوندۇن ۉن جاڭىرىتقىچىن قۇنت قويۇپ جاساپ جاتتى، شەرىكتىك ايىنا 5 مئللىيوندون اشۇۇن چۅنتۅك تەلەفون ەلەكتىروندۇق تەتىگىن جاساپ، باارىن شىنجىنعا ساتىپ بەرەت. قاشقار شاارى قوعان ايىلى قاراساقال قىشتاعىنىن ارحئپ تۇرعۇزۇپ كارتا بۉتۉرۉلگۅن كەمباعال تۇرعۇنۇ اسىمگۉل ابدۇراسۇل ازىر ار كۉنۉ اپتوبۇزعا ولتۇرۇپ جۇمۇشقا بارىپ- كەلىپ، ۉيدۅكۉلۅرۉنۉن ابالىنان دا قابار الىپ ەلە قالباي، كىرەشەسىن اشىردى. ال مىنداي دەدى:« كۉيۅۅم ورۇقچان بولعوندۇقتان وور ىشكە جارابايت، مۇردا ۉيۉبۉز قىيىنچىلىقتۇۇ ەلە، ازىر بۇل جەردە ىشتەيىم، ۉيدۅكۉلۅردۉن ابالىنان دا قابار الا الام، قىزماتىمان ابدان ىرازىمىن، مەن جاقشى ىشتەپ كۅپ اقچا تاابۇۇعا اراكەت قىلام». 

قاشقار ورتو ازئيا تۉشتۉك ازئيا ۅنۅر جاي باقچاسى پارتئيا قىزمات كومىتەتىنىن ورۇن باسار شۇجئسى، باشقارۇۇ كومىتەتىنىن مۇدۇرۇ دۇ جۉن ابال تاانىشتىرىپ:«2019- جىلى ۅنۅر جاي باقچا رايونۇنۇن ۅندۉرۉش نارقىن 1 مئللىيارت 100 مئللىيون يۇاندان اشىپ، الدىنقى جىلعا سالىشتىرعاندا 30 پايىزداي ارتىپ، 15 مئڭ كىشى جۇمۇشقا ورۇنداشتىرعانىن، ۇچۇردا بئر تۉركۉم كەرقانالار باقچا رايونۇنان ورۇن الۇۇنۇ كۉتۉپ جاتقانىن ايتىپ مىنداي دەدى: كىيىنكى ارىمدا سووداگەر چاقىرىپ قارجى تاندوونۇ كۉچۅتۉپ، كەرقانالاردىن ساپاتىنا جانا جۇمۇشقا ورۇنداشتىرۇۇ ماسەلەسىن چەچۉۉسۉ جانا ماياناا دەڭگەلىنە داعى كۅڭۉل بۅلۉپ، سووداگەر چاقىرىپ قارجى ەلىكتىرۉۉدۅ الدىن ويلوشو تۇرعان شارت قىلابىز». 

〖2020.01.13-11:46〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز