چار تاراپتان كەلگەن ساياقاتچىلار «جوموقتوعۇ دۉينۅ» نۉ سەيىلدەدى

2019-11-05 19:25

 


ۇچۇردا، قاناس كۅرك رايونۇ قوم قىشتاعى كۉمۉش تونۇن جامىنىپ، ابدان قووز كۅركۉنۅ كىرىپ، كۅپتۅگۅن ساياقاتچىلار كەلىپ، بۇل قووزدۇقتا تۇنجۇراعان«جوموقتوعۇ دۉينۅ»دۅن جارىشا ۉزۉر الىشتى. بۇرچىن رادىيو- تەلە ىستانسىياسىنىن قابارچىسى لو ياڭشۅنۉن قابارى نازارىڭىزاردا: 

 قاناس كۅرك رايونۇ قوم قىشتاعىنا كىرگەندە، قىشتاقتاعى تۉتۉندۅر بۇرعۇيلاپ، قوڭۇر تۉستۉۉ چاقان جىعاچ ۉيلۅر، قىزعىلت سارى اق قايىڭ جالبىراقتارى الىستاعى قارلۇۇ توو مەنەن قىنالىشىپ، قووز بئر بارچا سۉرۅت وروموسۇن قالىپتاشتىرعانىن كۅرۉۉگۅ بولوت. باشتالۇۇ الدىندا تۇرعان قىشقى ساياقاتتى ۇتۇرلاپ الۇۇ ۉچۉن، جەرگىلىك دۇۇماندۇۇ «قار چاچىشۇۇ مايرامى»ن ۅتكۅرۉپ، جوون توپ ساياقاتچىلاردى قاتىشۇۇعا ەلىكتىردى، كۅپچۉلۉك چەرى جازىلا وينودۇ. حۇبەيلىك ساياقاتچى لو فىڭيئى مىنداي دەدى: قار ۇچقۇنۇ بەتكە تىيگەندە مۇزداق بولسو داعى، بئروق كۅڭۉلۉبۉز جىلۇۇ، بۇل جەردىن كۅركۉ ابدان قووز ەكەن. بۇل جولۇ وينوعولۇ كەلىپ ابدان قۇباندىق، مىندان نارى داعى كەلەمىن. 

 «قار چاچىشۇۇ مايرامى» تارتۇۇلاعان شاتتىققا بۅلۅنگۅندۅن سىرت، ساياقاتچىلار داعى ات چانا، تەرى چاڭعى، قار وروعو سەكىرۉۉ سىياقتۇۇ مول مازمۇندۇۇ قىشقى ساياقات ويۇن تۉرلۅرۉن تۇيۇنسا بولوت. شاڭحايلىق ساياقاتچى جوۋ شىيااۋجۉن مىنداي دەدى: سەكىرگەن كەزدە اپقارىپ كەتتىم، بئروق سەكىرىپ تۉشكۅندۅن كىيىن قار ابدان جۇمشاق ەكەن، ابدان قىزىق ، داعى بئر جولۇ سەكىرىپ كۅرۅم. مىنداي جۇمشاق قاردى ەچ قاچان كۅرگۅن ەمەسمىن. 

 قاناس كۅرك رايونۇ قوم قىشتاعىنىن قىشقى ساياقات بايلىعى ابدان مول، قار چەنەمى زور، قار مەزگىلى ۇزۇن، قار ساپاتى جاقشى، وشوندۇقتان جەرگىلىك ار جىلى تۉرۉ كۅپ قىشقى تىنىعۇۇ قار ۉستۉ قىيمىلدارىن ۅتكۅرۉپ، ساياقاتچىلاردىن ساياقات تۇيۇنۇۇسۇن جوعورۇلاتات. قاناس كۅرك رايوندۇق پارتكومدۇن مۉچۅسۉ، باشقارۇۇ كومىتەتىنىن ورۇنباسار مۇدۇرۇ ۋاڭ چىڭمئڭ مىنداي دەدى: بىيىل قىشتا بئز نەگىزىنەن كەە بئر جارىش قىيمىلدارىن جاراتابىز. بئزدىن قاناستىن قىشقى ساياقاتى انسايىن جىلدىز بولۇپ، انسايىن جاندانۇۇسۇن ۉمۉت قىلابىز. 


〖2019.11.05-19:25〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز