ساياقات بويۇنچا شئنجاڭدى كۉلدۅنتۉۉ ىستىراتەگىياسى جالپىلاي جولعو قويۇلۇپ، «شئنجاڭ ـــ سونۇن جەر» ماركەسىن جاڭىرتتى

2019-10-08 17:09

ساياقات بويۇنچا شئنجاڭدى كۉلدۅنتۉۉ ىستىراتەگىياسى جالپىلاي جولعو قويۇلۇپ، «شئنجاڭ ـــ سونۇن جەر» ماركەسىن جاڭىرتتى. 

       وموقتۇۇلۇق پايداسىنىن ۇلاندۇۇ قويو بەرىلۉۉسۉ جانا ساياقات بويۇنچا شئنجاڭدى كۉلدۅنتۉۉ ىستىراتەگىياسىنىن كۉچۅپ جىلىشتاتىلۇۇسۇنا ەەرچىي، الدىنقى ۉچ مەزگىلدە، دۉركۉرۅپ ۅنۉككۅن شئنجاڭدىن ساياقات كەسىبى كۅزگۅ باسار ناتىيجانى جاراتتى. 9- ايدىن اقىرىنا چەيىن، بۉت شئنجاڭ بويۇنچا كۉتۉپ الىنعان ساياقاتچى مۅلچۅرۉ 2018- جىلقى بۉت جىلدارداعىدان اشىپ تۉشۉپ، «شئنجاڭ ـــ سونۇن جەر» ماركەسىنىن تااسئر كۉچۉ كۉندۅن كۉنگۅ زورويدۇ. بۇل جۅنۉندۅ ىستانسىيابىز قابارچىسى جئن لەي، اقسۇۇ رادىيو تەلەۋىزىيا ىستانسىياسىنىن قابارچىسى چىن شئيۇڭفەيدىن قابارىن ۇعۇڭۇزدار:

ماملەكەت مايرامى مەزگىلىندە، اپتونوم رايونۇبۇزداقى قاناس، نارات، كۅكتوقوي، قاشقار ەسكى شاارى، بۇيلۇق سىياقتۇۇ كۅرك رايوندور ساياقاتچى كۉتۉپ الۇۇنۇن جاقشى ۅنۉگۉۉ قىرداالىن ۇلانتىپ، ابدان جوعورۇ بەلەسىن ۇلاندۇۇ ساقتاپ، ماملەكەت ئچى-سىرتىنداقى كۅپتۅگۅن ساياقاتچىلاردى ۅزۉنۅ تارتتى. نارات كۅرك رايونۇندا، كۉزگۉ تۉسكۅ كىرگەن توقويدو، تۉركۉن تۉستۉ قووز كۅرۉنۉشتۅردۉ كۅرگۅن چۇڭچئڭدىك ساياقاتچى گاۋ سى قابارچىعا مىنداي دەدى: نارات جايلووسۇنا كەلىپ، بۇل جەردىن جايلوو، قووز كۅركۉ ۅزگۅچۅ قووز ەكەنىن كۅردۉم، مىندان كىيىن دوستورۇما جانا ۉي- بۉلۅمۅ تاانىشتىرىپ، الاردى باشتاپ كەلەمىن.

  بىيىل اپتونوم رايونۇبۇزدۇن جەر-جەرلەرى ساياقات بويۇنچا شئنجاڭدى كۉلدۅنتۉۉ ىستىراتەگىياسىن جالپى بەتكەي جولعو قويۇپ، ساياقات كەسىبى سىزىل تەز تەمپتە ۅنۉگۉپ، «شئنجاڭ ـــ سونۇن جەر» ساياقات ماركەسى كۉندۅن- كۉنگۅ جاڭىرىپ، اپتونوم رايونۇبۇز ماملەكەت ئچى-ىسرتىنداقى ساياقاتچىلاردىن تۉيۉندۉۉ ساياقات ماراسىنا ايلانعان. وشونۇ مەنەن قاتار، اپتونوم رايونۇبۇزدۇن جەر-جەرلەرى تارتىمدۇۇ مايرامداردى جانا مادانئيات ساياقات قىيمىلدارىن ۇيۇمداشتىرىپ ۅتكۅرۉپ، ساياقات بازارىن چىيرالتىپ، كۅپتۅگۅن ساياقاتچىلاردى ەلىكتىرگەن. تارباعاتاي ايماقتىق مادانئيات دەنە تاربئيا رادىيو تەلەۋىزىيا جانا ساياقات مەكەمەسىنىن باشچىسى زى حۇڭحۇا مىنداي دەدى: تارباعاتاي ايماعىندا بەش وودان ەكى شاار بار، ار قايسى وودان شاارلاردىن بىردەن ابدان بىشىپ جەتىلگەن قىيمىلدارى بار، جىل باشىنان جىل ەتەگىنە چەيىن، شئنجاڭ ئچى-سىرتىنداقى ساياقاتچىلاردى تۅرت مەزگىل بىردەي تارباعاتايعا كەلىپ ساياقاتتووعو ەلىكتىردى.

  اپتونوم رايونۇبۇزدۇن جەر-جەرلەرى داعى جاڭى ساياقات لئنىيالارى جانا تۉشۉمدۅرۉن ارت-ارتىنان چىعارىپ، ساياقات مەنەن دەنە تاربئيا، ۅنۅرجاي، ايىل چاربانىن تىنباي جۇۇرۇلۇشۇۇسۇن تەزدەتىپ، ەكولوگىيالىق كۅرك ساياقات، جىبەك جولۇ سالت-ساناا ساياقاتى، قىزىل ساياقات، ەس الۇۇ ساياقاتى، ايىل قىشتاق ساياقاتى، كۉتۉنۉۉ ساياقات قاتارلۇۇلار ساياقاتچىلاردىن جاقتىرۇۇسۇنا ەە بولدۇ. وشونۇ مەنەن قاتار، جەر-جەرلەر رايوندۇق چەكتى بۇزۇپ سالىپ، ساياقاتتا قىزماتتاشۇۇنۇ كۉچۅتۉپ، رايون اتتاعان ساياقات بىرىمدىگى قالىپتاشۇۇدا. قومۇل شاارى، تۇرپان شاارى، ۉرۉمچۉ شاارى، سانجى شاارىنان تۇرعان تۅرت جەر «چىعىش تىيانشاندى ايلانۇۇ مئڭ كىلومەتىرلىك ساياقات التىن لئنىياسى»ن جولعو قويعون؛ تۉندۉك شئنجاڭ چىعىش لئنىياسى، باتىش لئنىياسىنىن رايون ساياقات قىزماتتاشتىعىنىن ۅنۉگۉۉ ارىمى بىردەمجىي تەزدەپ، مايتوو-كۇچار تاش جول بويۇنداقى ار قايسى ايماق وبىلاس شاارلار دا ساياقات تئجاراتىن كۉچۅتۉپ، بىردىكتە «جۇڭگودوقۇ ەڭ قووز ساياقات تاش جولۇ»ن جاراتقان. اپتونوم رايوندۇق مادانئيات جانا ساياقات نازاراتىنىن ورۇنباسار نازارات باشچىسى گۉلۉ ابىلىم مىنداي دەدى: ۇشۇنداي قىزماتتاشۇۇ بىرىمدىگى ارقىلۇۇ بايلىقتان ورتوقتوشۇۇ، ارتىقچىلىقتاردى ۅز ارا تولۇقتوو، ساياقاتچىلاردى ۅز ارا جەتكىرۉۉ، ماركەنى ورتوق قۇرۇۇ، لئنىيالاردى تۇتاشتىرۇۇنۇ ىشكە اشىرىپ، ساياقاتچىلاردى انسايىن كۅپ تاندوو، انسايىن جاقشى سەزىنۉۉ مەنەن قامداپ، «شئنجاڭ ـــ سونۇن جەر» دەگەن بۇل ماركەنى بىردەمجىي جاڭىرتتىق.

  بىيىل 1- ايدان 9- ايعا چەيىن، بۉت شئنجاڭ بويۇنچا كۉتۉپ الىنعان ساياقاتچى سانى 183 مئللىيون 858 مئڭ ادام ىرەت بولۇپ، ىشكە اشىرعان ساياقات كىرەشەسى 304 مئللىيارد 600 مئللىيون يۇانعا جەتىپ، وقشوش مەزگىلىدەگىدەن 40 پايىزدان كۅبۉرۅۅك ارتقان. ساياقاتچىلاردىن فونتان سىمال ارتۇۇسۇنا قاراتا، اپتونوم رايونۇبۇزدۇن جەر-جەرلەرى چاارا قولدونۇپ ساياقاتچىلىق ۅنۉگۉۉسۉندۅكۉ «ۉچ قىيىنچىلىق، بئر شىدىر بولبوو» ماسەلەسىن چەچىپ، ساياقات شاارى، كۅرك رايون، ساياقات تاش جول بويۇندا، بئر تۉركۉم ماشئنا توقتوتۇۇ مايدانى، جالپىلىق اجاتقانا، قابارلاشۇۇ نەگىزگى پونكىتى، مەيمانقانا، ەلدىك قونولعو سىياقتۇۇ تەيلۅۅ جابدۇۇلارى قۇرۇلعان. بىيىل مايتوو-كۇچار تاش جولۇنۇن تەيلۅۅ ساپاتىن كۅتۅرۉۉ قۇرۇلۇشۇ بويۇنچا لئنىيا بۇيۇنا 33 ماشئنا توقتوتۇۇ رايونۇ، 1500 ماشئنا توقتوتۇۇ وردۇ، 19 چۅيرۅ قورعوو اجاتقاناسى سالىنىپ، ساياقاتچىلار قووز كۅرۉكتۅن ۉزۉر الۇۇ مەنەن بىرگە، ابدان جايلۇۇ بولعون ساياقات سەزىنۉۉسۉنۅ ەە بولۇشقان. گانسۇلۇق ساياقاتچى كاڭ شئياۋيئڭ مىنداي دەدى: جول ابدان كەڭىرى بولۇپ جاسالىپتىر، وشوندوي ەلە ابدان تۉز دا ەكەن، ار ون كىلومەتىر جەردە نەگىزگى تەيلۅۅ جابدۇۇسۇ بار ەكەن، مئسالى ماشئنا توقتوتۇۇ وردۇ، داعى جالپىلىق اجاتقانا دەگەندەر، بارى ابدان جاقشى جاسالىپتىر، ۅتۅ كەمەلدۉۉ، شئنجاڭدىن ۅنۉگۉۉسۉ چىنىندا كۉندۅن كۉنگۅ تەزدەپ، كۉندۅن كۉنگۅ جاقشىلانۇۇدا ەكەن.

〖2019.10.08-17:09〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز