تۅراعا شئى جئنپىڭدىن 70 جىلدىقتى قۇتتۇقتاعان سۅزۉ كۉچتۉۉ تااسئر قوزعودۇ

2019-10-02 16:04

 

10-ايدىن 1-كۉنۉ، جۇڭگو كوممۇنىستىك پارتئياسى بوربوردۇق كومىتەتىنىن باش شۇجئسى، ماملەكەت تۅراعاسى، بوربوردۇق اسكەرىي ىشتەر كومىتەتتىن تۅراعاسى شئى جئنپىڭدىن جۇڭحۇا ەل رەسپوبىلكاسى قۇرۇلعاندىعىنىن 70 جىلدىعىن قۇتتۇقتوو چوڭ سالتاناتىندا سۉيلۅگۅن زارىل سۅزۉ اپتونوم رايونۇبۇزداعى ار ۇلۇت كادىرلار مەنەن جۇرتچۇلۇق اراسىندا كۉچتۉۉ تااسئر قوزعودۇ. كۅپچۉلۉك: -تۉردۉۉ قىزماتتارعا تولۇپ-تاشىعان قىزۇۇلۇق مەنەن كىرىشىپ، العاچقى مۉدۅۅنۉ ۇنۇتباي، ىيىق مىلدەتتى ەستە بەكەم ساقتاپ، ۇلاندۇۇ تۉردۅ اتا-مەكەندىن شئنجاڭىن جاقشى قۇرۇپ، جاقشى ۅنۉكتۉرۅبۉز دەشتى! ىستانسىيابىزدىن ۇنىۋەرسال قابارى نازارىڭىزداردا: 

 ناق مايدان ۉنۉ: 56 ۇرمات توبۇ 70 ىرەت اتىلدى..... تۉشتۅن مۇرۇن ساات 10دو، قۇتتۇقتوو سالتاناتى راسمئي باشتالدى. كۅپچۉلۉك ۇرمات 70تال ۇرمات توبۇنۇن دووشۇن ۇعۇپ، بەش جىلدىزدۇۇ قىزىل تۇۇنۇن جەلبىرەپ اسمانعا كۅتۅرۉلگۅنۉن كۅردۉ....

  سۇنۇش مەنەن بەيجىندە ماملەكەت مايرامىن قۇتتۇقتوو قىيمىلىنا قاتىشقان چۅيچۅك شاارى اشىلى داعۇر ۇلۇتتۇق ايىلىنىن ايىلدىق پارتىكوم ورۇن باسار شۇجئسى، ايىل باشچىسى جئن شئڭ تولقۇندانىپ مىنداي دەدى: 70 جىلدىق ۅنۉگۉپ-ۅزگۅرۉۉ بارىشىندا، جۇڭگو ەلى وردۇنان تۇرۇپ، بايىپ، كۉچتۅندۉ، بۇل جۇڭگو كوممۇنىستىك پارتئياسىنىن بۉت ماملەكەتتەكى ار ۇلۇت ەلىن ىنتىماقتاشتىرىپ جەتەكتەگەنىنەن كەلگەن ۇقمۇش ناتئيجا، جۇڭگولۇق قاتارى، مەن ەبەگەيسىز سىيمىقتانام!

 باش شۇجئى شئى جئنپىڭ سۅزۉندۅ مىنداي دەپ كۅرسۅتتۉ:-70 جىلدان بەرى، بۉت ماملەكەتتەكى ار ۇلۇت ەلى بئر نىيەت بئر ماقساتتا، جاپاالۇۇ كۉرۅش جاساپ، دۉينۅنۉ جالت قاراتقىداي ۇلۇۇ جەتىشكەندىكتەرگە قول جەتكىردى. بۉگۉنكۉ كۉندۅ، سوتسىيالىستىك جۇڭگو دۉينۅنۉن چىعىشىندا ايباتتۇۇ بوي كۅتۅرۉپ تۇرات، ەچ قانداي كۉچ ۇلۇۇ اتا-مەكەنىبىزدىن وردۇن تەرمەلتە البايت، ەچ قانداي كۉچ جۇڭگو ەلى جانا جۇڭحۇا ۇلۇتۇنۇن العا ىلگەرلۅۅ ارىمىن توسو البايت. باش شۇجئنىن تەرەڭ سەزىمگە شىرەلگەن سۅزدۅرۉ كەڭ كەتكەن تىيەن-انمىن ايانتىندا جاڭىرىپ، بۉت جۇڭحۇا ۇلان-قىزدارىنىن جۉرۅگۉنۅ ۇيالادى. 

  ناق مايدان ۉنۉ: بۇل بئزدىن ۉيدۉن ەكى تابەرىگى...

 كىرىيە وودانى ىشەمبى بازار شاارچاسى اسىل ۉرۅن مايدانى قىشتاعىندا، قۇربان تۇلۇمدۇن ۇرپاقتارى قۇربان چوڭ اتانىن چوڭ قىزى توقتوقان قۇرباندىن ۉيۉنۅ چوعۇلۇپ، قۇتتۇقتوو چوڭ سالتاناتىن بىردىكتە كۅرۉشتۉ. كۅپچۉلۉك ەڭ باالۇۇ ەكى ۉي تابەرىگىن قولدورۇنا الىشقان: بۇل ەكى تابەرىك بولسو ماۋ زىدوڭ تۅراعانىن قۇربان تۇلۇمدۇن كۅرۉشۉۉسۉن قابىل العانداعى سۉرۅتۉ جانا باش شۇجئى شئى جئنپىڭدىن بئر ۉي-بۉلۅۅ كىشىلەرىنە قايتارعان قاتى. قۇربان تۇلۇمدۇن نەبىرە قىزى رۇقىيەم مەتسەيدى مىنداي دەدى:-تاماق-اش، كىيىم-كەچەدەن قامىبىز جوق، اعارتۇۇ، دارىلوو قاتارلۇۇلاردىن بااردىعىندا كەپەلەت بار، بئر ۉي-بۉلۅۅدۅكۉ تۅرت ۇرپاق كىشىلەرىنىن ازىرقى تۇرمۇشۇ بارعانسايىن جاقشىلانۇۇدا. پارتئيا جانا ماملەكەتتىن ارقايسى تۉردۅكۉ ەلگە نارىپ جەتكىرۉۉ ساياساتتارىنا ىراقمات، باش شۇجئى شئى جئنپىڭ قاتىرجام بولۇڭۇز، بئز بئر ۉي-بۉلۅۅ كىشىلەرى زارىل تابىشتووڭۇزدۇ ەستە بەكەم ساقتاپ، جۇرتۇبۇزدۇ انسايىن قووز قىلىپ قۇرۇپ چىعابىز.    

 باش شۇجئى شئى جئنپىڭ ىلگەرى كۅزدۅن كۅچۉرگۅن بئڭتۇان 6-شىسى كوممۇنىستىك جاشتار ىنتىماعى دىيقانچىلىق مايدانىندا بۉگۉنكۉ كۉندۅ، دىيقانچىلىقتىن ۇنىۋەرسال مەحانىكالاشۇۇ سالىشتىرماسى 99.8پايىزعا جەتىپ، GPS جاسالما جاندووچ جول باشتووسۇ بويۇنچا ەگۉۉ-ۅستۉرۉۉ، تۅپ چەنەمدە ۅستۉرۉۉ، ۇچقۇچسۇز ۇچاق مەنەن ۅسۉمدۉكتۅردۉ قورعوو قاتارلۇۇ تۅپ دىيقانچىلىق تەحنىكالارى دىيقانچىلىق ۅندۉرۉشۉنۅ قولدونۇلۇۇدا. باشتابىنداعى 13 جاش ەكى ات ارابانى ايداپ كەلىپ قۇرعان بۇل دىيقانچىلىق مايدان بئڭتۇان تۇان-مايداندارىنىن ۅنۉگۉۉسۉندۅكۉ بئر تۇۇعا ايلاندى. كوممۇنىستىك جاشتار ىنتىماعى دىيقانچىلىق مايدانى 5-لىيەن قىزماتكەرى يۇان جئياچئياڭ مىنداي دەدى:-ايرىقچا بئڭتۇاندى دىيقانچىلىق-مالچىلىق تۇان-مايداندارىنا تەلەگەيلەشتىرۉۉ بويۇنچا ىسلاات الىپ بارعاندان بەرى، قىزماتكەرلەرىبىزدىن كىرەشەسى جوعورۇلادى، بىيىل داعى مول تۉشۉم جىلى بولدۇ. پارتئيا بوربوردۇق كومىتەتتەن ىراازىبىز، باش شۇجئى شئى جىنپىڭگە ىراقمات، ۇلۇۇ اتا-مەكەنىبىزدىن ۅركۅندۅپ-ۅسۉۉسۉن تىلەيبىز! 

 تارىحقا دەگەن ەڭ جاقشى ۇرماتتىن ۅزۉ جاڭى تارىحتى جازىپ چىعۇۇ. باش شۇجئى شئى جئنپىڭ سالتاناتتۇۇ تۉردۅ:«جۇڭگونۇن كەچۅكۉ كۉنۉ ادامزات تارىحى بەتىنە جازىلدى، جۇڭگونۇن بۉگۉنكۉسۉن مئللىيارت ەل ۅز قولۇ مەنەن جاراتۇۇدا، جۇڭگونۇن ەرتەڭى سۅزسۉز انسايىن قووز بولوت»،-دەپ جارىيالادى. شئنجاڭداعى ار ۇلۇت ەلى:-ۇلۇۇ اتا-مەكەن، ۇلۇۇ جۇڭگو كوممۇنىستىك پارتئياسى، ۇلۇۇ جۇڭگو ەلى بولسو ەلە، سۅزسۉز «قوش 100جىلدىق»كۉرۅش نئشاانىن ىشكە اشىرىپ، جۇڭحۇا ۇلۇتۇ ۇلۇۇ گۉلدۅنۉۉسۉ جۇڭگو اڭسووسۇن ىشكە اشىرالاتۇرعاندىعىنا بەكەم ىشەنەت. 

 شئنجاڭ مۅمۅچۉلۉك توبۇ داتاڭ جىبەك جولۇ ەلەكتىروندۇق سوودا چەكتۉۉ شەرىكتىگىنىن اتقارۇۇ مۇدۇرىيات باشچىسى ياڭ يوڭشئياڭ مىنداي دەدى:-«ايىل چاربا، ايىل-قىشتاق، دىيقاندارعا»تەيلۅۅ جۉرگۉزۉۉ نەگىزگى تۇلقۇ قاتارى، بئز انسايىن باتىل ارقالاپ، اربئر تۉر كەسىپتى جاقشى ورۇن الدىرىپ، شئنجاڭدىن ايىل چاربا تۉشۉمدۅر بايلىعىن جاقشى اچىپ ۅنۉكتۉرۉپ، ماركەلەردى جاراتىپ، شئنجاڭدىن كەمباعالدىقتان ارىلتۇۇ چابۇۇلۇندا جەڭىشكە جەتۉۉسۉنۅ ۅز سالىمىبىزدى قوشوبۇز. 

 كۅۅنۅشاار وودانى توققۇزاق شاارچالىق بوربوردۇق باشتالعىچ مەكتەپ پارتئيا ياچايكا شۇجئسى ياۋ حوڭيۉ مىنداي دەدى:-بئز جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن ايلاناسىنا انسايىن تىعىز ىنتىماقتاشىپ، وقۇتۇۇچۇلارىبىزدىن ساپاتىن جالپى بەتكەي جوعورۇ كۅتۅرۉپ، بالدارىبىزدى جاقشى تاربئيالاپ، اعارتۇۇ ىشتەرىن جاقشى اتقارابىز، اتا-مەكەن قاتىرجام بولۇڭۇز!

 ىلە قازاق اپتونوم وبلاستىق ەكولوگىيا چۅيرۅ مەكەمەسى چاپجال شىبە اپتونوم ووداندىق بۅلۉمچۅ مەكەمەسىنىن پارتىگۇرپپا شۇجئسى پىڭ جاڭجىيان مىنداي دەدى:-«العاچقى مۉدۅنۉ ۇنۇتباي، ىيىق مىلدەتتى ەستە بەكەم ساقتاپ»، ەكولوگىيالىق مادانىيلىكتى قۇرۇۇ ساياسئي جووپكەرچىلىگىن بىلەسەلۉۉ ارقالاپ، ەكولوگىيالىق چۅيرۅدۅن تۇرعان بۇل ەڭ جالپىلاي ەلگە نارىپ جەتكىرۉۉچۉ ەل تۇرمۇشۇ باقتىن كۉچۅپ قورعوپ، اسمانىبىزدى انسايىن اچىق، تووبۇزدۇ انسايىن جاشىل، سۇۇبۇزدۇ انسايىن تۇنۇق، چۅيرۅبۉزدۉ انسايىن قووز قىلابىز. 

 

 

 

〖2019.10.02-16:04〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز