شئنجاڭ تەمىر جولۇ «گۉلدۅنۉۉ اتتۇۇ» 10 جۇپ كۉلۉك پويۇزدۇ قوشتۇ

2019-10-01 18:17

 جاقىندا، شئنجاڭ تەمىر جولۇ ۉرۉمچۉدۅن شئنجاڭ ىچىندەگى بئر بۅلۉك شاارلارعا قاتتووچۇ، سااتتىق تەزدىگى 160 كلومەتىرلىك «گۉلدۅنۉۉ اتتۇۇ» كۉلۉك پويۇزدۇ قوشتۇ، مۇنۇ مەنەن تۉندۉك- تۉشتۉك شئنجاڭ كۉلۉك پويۇز گۇرۇپپاسى 20 جۇپقا جەتىپ، ار ۇلۇت قالايىقتىن ساپارىنا ابدان زور داراجادا وڭتويلۇۇلۇق جاراتتى. ىستانسىيابىز قابارچىسى جئنلەيدىن قابارى: 

 بۇل جولقۇ شئنجاڭ تەمىر جولۇ قوشقونۇ ۉرۉمچۉدۅن كورلا، قۇلجا، كۉيتۉن، شئحۇ، قورعوسقو چەيىن، وشوندوي ەلە كورلادان قاراشاارعا چەيىنكى سىياقتۇۇ باعىتتارداعى «گۉلدۅنۉۉ اتتۇۇ» كۉلۉك پويۇز گۇرۇپپاسى. مىندا، ۉرۉمچۉدۅن كورلاعا چەيىنكى ارالىقتا ۇچۇردا اتقارىلىپ جاتقان ار كۉنۉ 3 جۇپتان 6 جۇپقا كۅبۅيتۉلدۉ، قۇلجا باعىتىندا ار كۉنۉ جۉرۉپ جاتقان 4 جۇپتان 5 جۇپقا كۅبۅيدۉ. جۇڭگو تەمىر جولۇ ۉرۉمچۉ مەكەمەسى توبۇ چەكتۉۉ شەرىكتىگى جۉرگۉنچۉلۅر بۅلۉمۉنۉن ىنجىنەرى گىڭ شئڭشان مىنداي دەدى: جۉرۉۉ تەزدىگى داعى جوعورۇلاتىلدى، قوشۇلعان كۉلۉك پويۇز گۇرۇپپاسى ەڭ تەز بولعوندو 4 ساات 30 مئنوتتو قۇلجاعا جەتەت، ازىرقى اداتتاعى تەزدىكتەگى پويۇزدان 6 سااتقا جاقىن تەزدەدى، ال ەمى كۉيتۉن باعىتىنداعىسى 1 ساات 49 مئنوتتو جەتەت، اداتتاعى تەزدىكتەگى كەزەكچى پويۇزۇ نەگىزىنەن تۉندۅسۉ جۉرۅت، كەچتە جولعو چىعىپ تاڭدا جەتىپ كەلەت، كۉندۉزۉ تەزدىگى تەز «گۉلدۅنۉۉ اتتۇۇ» كۉلۉك پويۇز گۇرۇپپاسى جۉرۅت. 

 مىندان باشقا، ۉرۉمچۉدۅن قۇلجاعا چەيىنكى C8744 ىرەتكى «گۉلدۅنۉۉ اتتۇۇ» كۉلۉك پويۇز قورعوسقو چەيىن سوزۇلۇپ بارات. ۉرۉمچۉدۅن كۉيتۉنگۅ چەيىنكى ارالىقتا 9- ايدىن 28- كۉنۉنۅن 10- ايدىن 10- كۉنۉنۅ چەيىن ار ەكى كۉندۅ بىردەن 4 جۇپ گۉلدۅنۉۉ اتتۇۇ كۉلۉك پويۇز جۉرۅت، ۉرۉمچۉدۅن شئحۇعا چەيىن ەكى كۉندۅ بىردەن بئر جۇبۇ جۉرۅت. كۉلۉك پويۇزدۇن جۉرۉۉ تىعىزدىعى ارتىپ، ارى تەزدىگى توقتووسۇز جوعورۇلاپ، جۉرگۉنچۉلۅردۉن ساپارىنا انسايىن چوڭ وڭتويلۇۇلۇق الىپ كەلدى. بئرىنچى جولۇ كۉلۉك پويۇزعا ولتۇرۇپ كورلاعا بارعان ساياقاتچى گو مىرزا مىنداي دەدى: ابدان جاقشى، كەنەن جايباراقات، ازىر تەزدىگى داعى تەز، مۇرداعىدان كۅپ جايباراقات بولۇپ قالدى، 3 جارىم ساتتا كورلاعا جەتەبىز، داعى ەلەكتىر زارىياتتوو وردۇ بار، چۅنتۅك تەلەفون جانا ەلەكتىروندۇق جابدۇۇلاردى زارىياتتاي الابىز، سالىشتىرمالۇۇ جاقشى، ابدان وڭتويلۇۇ. 

 بىلۉۉگۅ قاراعاندا، «1-وكتابىر» مەزگىلىندەگى جۉرگۉنچۉلۅر اعىمى جوعورۇ تولقۇنۇنا تەڭتايلاش تۇرۇۇ ۉچۉن، شئنجاڭ تەمىر جول تارماقتارى ۉرۉمچۉدۅن بۉتكۉل شئنجاڭدىن جەر- جەرلەرىنە بارچۇ ساياقات، جۉرگۉنچۉلۅر پويۇزۇنان 414تۉ كۅبۅيتۅت. 

〖2019.10.01-18:17〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز