توعۇزتاروو وودانىنا بارىپ تابئعىي قىچقىلتەكتەن دەم الۇۇ

2019-09-30 17:37

 

 

قوڭۇر كۉزدۅگۉ 9- ايدا، توعۇزتاروو وودانى شاشى كۅرك رايونۇندا ساياقاتچىلاردىن اياعى ۉزۉلبۅدۉ. بۇل جەردىن ايباتتۇۇ كۅركۅم كۅرۉنۉشۉ، تازا ابااسىنان، بۉت ماملەكەتتىن جەر- جەرلەرىنەن كەلگەن ساياقاتچىلار مەەرىن ۉزۅ البادى. ىلە رادىيو- تەلەۋىزىياسىنىن قابارچىسى لئى ياندىن قابارى نازارىڭىزداردا: 

 شاشى كۅرك رايونۇنۇن توعۇزتاروو وودانىنا بولعون ارالىعى 72 كىلومەتىر، 2005- جىلى ماملەكەت داراجالۇۇ توقوي باقچاسى دەپ باالانعان. بۇل جەردە ساياقاتچىلار توقويدوعۇ چئيىر جولدو ىراقاتتانا سەيىلدەسە بولوت، جە ات مئنىپ جايلوودو چاپقىلاپ، وينوپ چارچاسا داعى بوز ۉيگۅ كىرىپ بئر چىنى سۉت چاي ئچىپ الىشات. كۅك اسمان، اق بۇلۇت، تازا ابا، ساياقاتچىلار تابئعىي قىچقىلتەكتەن دەم الىشات. حاڭجۇدان كەلگەن ساياقاتچى لئى ۋىنيان مىنداي دەدى: چۅيرۅسۉ جاقشى، اباسى تازا، اسماندى قاندايىنان تارتساڭىز دەلە جاقشى كۅرۉنۅت. اباادان كۅكۉرۅك كەرە دەم الساڭىز، ابدان تازا سەزىلەت. 

 بىيىل 7- ايدا، توعۇزتاروو وودانى جۇڭگو مەترولوگىيا تەيلۅۅ قوومۇ جاعىنان جۇڭگونۇن تابئعىي قىچقىلتەكتەن دەم الۇۇ وردۇ دەپ بەكىتىلگەن، بۇل نام كارتاسىنا سۅۅنۉپ، وودان چۅلكۅمۉ ىچىندەگى شاشى كۅرك رايونۇ، تالئم كۅرك رايونۇ قاپقاسى، كۅلدۅنۅڭ كۅرك رايونۇنداعى ساياقاتچىلاردىن اياعى ۉزۉلبۅدۉ. بىيىل 1- ايدىن 8- ايعا چەيىن، توعۇزتاروو وودانى جالپى جىيىندىسى كۉتۉپ العان ساياقاتچى سانى 2 مئللىيون 215 مئڭ 200 ادام ىرەت بولۇپ، وقشوش مەزگىلدەگىدەن %54.93 ارتىپ، ىشكە اشىرعان ساياقات كىرەشەسى 1 مئلىيارت 954 مئللىيون يۇان، وقشوش مەزگىلدەگىدەن %47.34 ارتتى. بىيىل، توعۇزتاروو وودانى داعى 28 مئلليون 500 مئڭ يۇان قارجى سالىپ كۅلدۅنۅڭ-شاشى-تالىم كۅرك رايونۇ لئنىياسى جولۇن جاساپ، كۅرك رايونۇ ىچىندەگى اۋتوۇناا توقتوتۇۇ مايدانى، چۅيرۅ قورعوو جالپىلىق اجاتقانالار سىياقتۇۇ تەيلۅۅ جابدۇۇلارىن ۅزگۅرتۉپ داراجاسىن جوعورۇلاتتى. وشونۇ مەنەن بىرگە، جەرگىلىك داعى ساياقات اتايىن قارجىنان 200 مئلليون يۇاندى قارجى سالىپ، باتىش تئيانشان قورعوو رايونۇنۇن ەكولوگىياسىن قالبىنا كەلتىرۉۉنۉ باچىمداتتى. توعۇزتاروو وودانىنىن ورۇنباسار اكىمى سوڭ چئڭيۉن مىنداي دەدى: توعۇزتاروونۇن جاقشى بولعون ەكولوگىيالىق چۅيرۅسۉنۅ سۅۅنۉپ، جەڭىشتۉۉ تۉردۅ «تابئعىي قىچقىلتەكتەن دەم الۇۇ وردۇ» بولۇپ قۇرۇلۇپ، توعۇزتاروونۇن داڭقىن، قووز اتاعىن جوعورۇلاتىپ، دەن- سوولۇق كۉتۉنۉۉدۅگۉ توعۇز تاروو كۅركتۉۉ كۅپۅلۅك شاارچاسىن چىمىرقانا قۇرۇپ، «كەرەمەت قووز جەرگە-ىر- سۉرۅتتۅردۅگۉ ىلە» نى جاراتۇۇ ۉچۉن توعۇزتاروو سالىمىن قوشتۇ. 

 

〖2019.09.30-17:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز