چاچ بويوعۇ راك پايدا قىلابى؟ چاچ تۉشۉۉنۉ تەزدەتەبى؟

2021-01-12 16:00

چاچ بويوو كۅپتۅگۅن كىشىلەردىن سۇۇلۇۇلۇقتۇ جاقشى كۅرۅ تۇرعان، وبۇرازىن ۅزگۅرتۅ تۇرعان، مودا قۇبالاشا تۇرعان بئردەن بئر تاندووسۇ بولۇپ قالدى، چاچ بويوو اق چاچتى جابۇۇ ۉچۉن ەلە ەمەس، كۅپتۅگۅن جاشتار چاچىن ۅزۉ جاقشى كۅرۅ تۇرعان تۉستۅ مودا ارى قووز بويوعوندۇ جاقشى كۅرۅت. بئروق، چاچ بويوونۇن دەن سوولۇققا بولعون وپۇرتالىن ويلوشۇپ كۅردۉڭۉزبۉ؟ چاچ بويوعۇ چاچتىن تۉسۉن قانداي ۅزگۅرتۅت؟

  چاچ بويوعۇ بئر چوڭ تۉردۅگۉ ۅزگۅچۅ ىشتەتىلە تۇرعان اجارلاندىرۇۇ بۇيۇمدارىنىن جالپى اتالىشى بولۇپ، «اجارلاندىرۇۇ بۇيۇمدارىنىن قووپسۇزدۇق تەحنىكا ەرەجەسى»نىن انىقتاماسى بويۇنچا، چاچ بويوعۇ چاچتىن تۉسۉن ۅزگۅرتۉۉ ۉچۉن اجارلاندىرۇۇ بۇيۇمدارىنا قوشۇلا تۇرعان قۇرام ەسەپتەلەت. كەڭ ماانئدەن ايتقاندا، چاچتىن تۉسۉن ۅزگۅرتۉۉنۉ ماقسات قىلعان تۉشۉمدۅردۉن باارىسى چاچ بويوعۇ دەپ اتالات.

  چاچ بويوعۇ چاچقا تۉس بەرۉۉ ۇباقىتىنىن ۇزۇن-قىسقالىعىنا قاراپ ۇباقتىلۇۇ چاچ بويوعۇ، جارىم تۇرۇقتۇۇ چاچ بويوعۇ، تۇرۇقتۇۇ چاچ بويوعۇ دەپ ۉچ تۉرگۅ بۅلۉنۅت. چاچ بويوو پئرىنسىبى بويۇنچا داعى قىچقىلدانعان چاچ بويوعۇ جانا قىچقىلدانباعان چاچ بويوعۇ دەپ ەكى تۉرگۅ بۅلۉنۅت. ازىر، كۉندۅلۉك تۇرمۇشتا ىشتەتىپ جاتقان چاچ بويوعۇنۇن كۅپ بۅلۉگۉ قىچقىلدانعان چاچ بويوعۇ ەسەپتەلەت.

  قىچقىلدانعان چاچ بويوعۇندا چاچ بويوونۇن پئرىنسىبى بولسو، الدى مەنەن كىچىك مولوكۇلالۇۇ انىلىن تۉرۉندۅكۉ بويوقتوردۇن الدى دانچاسى مەنەن بايلامتا داارىلار جۇمشارتىلعان چاچتىن ىچكى بۅلۉگۉنۅ سىڭىپ كىرىپ، انان قىچقىلدانۇۇچۇ رەياكتىپتىن تااسئرىندە قىچقىلدانىپ پولىمىرلەنۉۉ راكسىياسى كەلىپ چىعات، مۇنۇ مەنەن چاچتان وڭوي ايرىلباي تۇرعان چوڭ مولوكۇلالۇۇ پەگمەنت كەلىپ چىعىپ، چاچ تالااسى ىچىنە ورۇنداشىپ، چاچتى ۇزۇنعا چەيىن وشول تۉستۅ كۅرسۅتۅت.

  چاچ بويوعوندو تەرى سەزگەنۉۉنۉن قانداي الدىن الۇۇ كەرەك؟ تەرى وورۇلارى بۅلۉمۉ دايىم چاچ بويوي تۇرعان تەرى سەزگەنىچى بار بولعون وورۇلاردى قابىلدايت. چاچ بويوعۇندا فىنىل دىيامىن سالىشتىرمالۇۇ كۅپ ۇچۇراي تۇرعان ۇچۇراشۇۇ مۉنۅزدۉۉ راكسىيا پايدا قىلۇۇچۇ زات بولۇپ، وڭوي ەلە راكسىيا بەلگىلەرىن كەلتىرىپ چىعارات. چاچ بويوعوندون كىيىن كەلىپ چىققان تەرى سەزگەنىچى ۇچۇراشۇۇ مۉنۅزدۉۉ تەرى سەزگەنىچىنە تاان بولۇپ، العاچ جولۇ چاچ بويوعوندور 2-3اپتا سەزگەنۉۉ كەلىپ چىققان مەزگىلدەن كىيىن قوزعولوت، داعى بئر جولۇ چاچ بويوعوندور چاچ بويوو دارىسى مەنەن ۇچۇراشقاندان كىيىنكى 1-2كۉن ىچىندە وورۇ بەلگىسى كۅرۉلۅت، جەڭىل بولعوندو ۇچۇراشقان ورۇن قىزارىپ شىشۉۉ، بۉدۉر چىعۇۇ، سيعىلاشىپ وورۇ، قىچىشۇۇ سىياقتۇۇ ابالدار كۅرۉلۅت، وور بولعوندو قابارىپ، ىرىڭدۅۅ، جايىلۇۇ سىياقتۇۇ ابالدار كۅرۉۉلۉشۉ، سەزگەنىچ ارى بۉتۉن دەنەگە تارالۇۇسۇ مۉمكۉن.

قانداي ابالداردا چاچ بويوعوندون كىيىنكى تەرى سەزگەنۉۉسۉن وڭوي كەلتىرىپ چىعارات؟

بئرىنچى،تولۇمدۇۇ بولبوعون چاچ بويوعۇن ىشتەتكەن بولسو.

ەكىنچى، چاچ بويوعۇن تەز-تەز ەلە الماشتىرىپ تۇرعان ابالدا.

ۉچۉنچۉ، تەرى سەزگەنىچى بار كىشىلەر چاچ بويوعوندون كىيىن تەرى سەزگەنىچى وڭوي كەلىپ چىعات.

  اندا، چاچ بويوعوندون كىيىن كۅرۉلۅ تۇرعان تەرى سەزگەنىچىنىن كەلىپ چىعۇۇسۇنان ساقتانۇۇ ارعاسى باربى؟

  بئرىنچىدەن، قالىپتۇۇ زاۋوتتور ۅندۉرگۅن چاچ بويوعۇن ساتىپ الۇۇ كەرەك. تولۇمدۇۇ چاچ بويوو تۉشۉمدۅرۉۉ سۅزسۉز تەكشەرىپ تاستىقتوودون ۅتۉۉسۉ كەرەك، ماملەكەتىبىزدە ۅندۉرۉلگۅن چاچ بويوقتورۇ ماملەكەتتىك اجارلاندىرۇۇ ۅزگۅچۅ قاتى جانا جىل نومەرى بولۇۇسۇ، ئمپورت قىلىنعان چاچ بويوقتورۇنۇن ماملەكەتتىك اجارلاندىرۇۇ قاتى جانا جىل، نومەرى بولۇۇسۇ كەرەك. قالىپتۇۇ چاچ بويوعۇندا دۉۉلۉكتۉرۉچۉ زاتتاردىن قويۇۇلۇعۇ جوعورۇۇ بولبويت، زىياندۇۇ زاتتار ۅلچۅمدۅن ارتىپ كەتبەيت، وشوعو دۉۉلۉكتۉرۉچۉ ۇچۇراشۇۇ مۉنۅزدۉۉ تەرى سەزگەنىچىن كەلتىرىپ چىعارۇۇسۇ سالىشتىرمالۇۇ كىچىك بولوت.

  ەكىنچىدەن، چاچ بويوعوندون مۇردا سىناق قىلۇۇ كەرەك. قۇلاقتىن ارتى جە بىلەكتىن ىچكى جاعىنا ازىراق چاچ بويوعۇن سۉرتۉپ 48ساات كۉزۅتۉۉ كەرەك، ەگەر بئر بۅلۉك جەرلەردە قىزارۇۇ، قىچىشۇۇ، كۅبۉۉ سىياقتۇۇ ابالدار كۅرۉلبۅسۅ، بۉت دەنە جايسىزدانباسا، ىشتەتسە بولوت. مۇردا ىشتەتكەن چاچ بويوعۇ راكسىيا قىلعان بولسو، قايتا ىشتەتبەستىك كەرەك.

  ۉچۉنچۉدۅن، باش تەرىسىنىن سالاماتتىعىنا كەپەلەتتىك قىلۇۇ كەرەك. ەگەر باش تەرىسىندە جارا ووزۇ، تەرى سەزگەنىچى سىياقتۇۇ ابالدار بولسو، چاچتى بويوبوستۇق، دۉۉلۉكتۉرۉۉ جانا چاچ بويوعۇنۇن سىڭىپ كىرۉۉسۉنۉن الدىن الۇۇ كەرەك. چاچ بويوعوندو بەت ‍جانا قۇلاق ارقاسىنداعى تەرىنى اسىراعانعا بايقاس قىلۇۇ، باش تەرىسى جانا دەنەدەگى باشقا تەرىلەرگە ارتىقچا كۅپ چاچ بويوعۇ چاپتاشىپ قالۇۇدان ساقتانۇۇ، بويوعوندون كىيىن ارعا بار تازا جۇۇپ، چاچ بويوعۇ قالدىقتارىنان ساقتانۇۇ كەرەك.

  تۅرتۉنچۉدۅن، تەرىسى سەزگىر كىشىلەر چاچ بويوعۇن تانداعاندا ارعا بار بايقاس قىلۇۇ كەرەك.

  بەشىنچىدەن، ارعا بار مۇردا ىشتەتىپ كۅرگۅن قووپسۇز تۉشۉمدۅردۉ ىشتەتۉۉ، چاچ بويوعۇنۇن ماركاسىن كۅپ الماشتىرباستىق كەرەك.

  ەگەر راكسىيا قىلىپ قالسا قانداي قىلۇۇ كەرەك؟ چاچ بويوعوندو تەرى سەزگەنىچى كۅرۉلگۅن زامات قانداي قىلۇۇ كەرەك؟ ەگەر سەزگەنۉۉ راكسىياسى كۅرۉلسۅ، كۅپچۉلۉك چوچۇپ كەتبەستىگى، داروو جىلمان تازا سۇۇ مەنەن چاچ جانا تەرىدە قالىپ قالعان چاچ بويوعۇن تازا جۇۇش، جۇۇعاندا ەڭ جاقشىسى مەلەي كىيۉۉ، قول تەرىسىن اسىروو كەرەك. چاچتى قىسقا الدىرۇۇ ارقىلۇۇ، چاچتاعى چاچ بويوعۇن جوعوتۇپ، ۇلاندۇۇ سەزگىردىك راكسىياسىنىن الدىن العانعا بولوت، وشوندوي ەلە سىرتىنان ىشتەتىلە تۇرعان داارىلاردى ىشتەتبەسە دا بولوت. ەمدۅۅ جاعىندا، وشول ورۇنعا لو‍گىنشى جۇۇش داارىسى جە قانت قابىقتۇۇ كورمون سىقما داارىسىن سىرتىنان ىشتەتسە بولوت، ئرىڭ اعىپ چىققاندار %3دىك بورىك كىسىلاتا ەرىتمەسىن چاپتاپ، سەزگىردىككە قارىشى دارىلاردى ئچسە بولوت. بئر قىيلا وور بولعون نووقاستار سالىشتىرمالۇۇ، قالىپتۇۇ سەزگىردىكتى ەمدۅۅدۅن باشقا، داعى سەستىمالۇۇ قانت قابىقتۇۇ كورمون سىقما داارىسىن ىشتەتۉۉگۅ تۇرا كەلەت، وشوعو قالىپتۇۇ دوقتۇرحانالاردىن تەرى وورۇلار بۅلۉمۉنۅ بارىپ ەمدەلۉۉ سۇنۇشۇن بەرەبىز .

  چاچ بويوعۇ راك پايدا قىلابى؟ سەزگىردىكتەن باشقا، كۅپچۉلۉك داعى ۇزۇن ۇباقىت چاچ بويوعۇن ىشتەتسە راك پايدا قىلا تۇرعان قىلباي تۇرعانىنا جالپى جاعىنان كۅڭۉل بۅلۅت. ازىر، چاچ بويوعۇنۇن ۅسمۅ پايدا قىلۇۇسۇنا بايلانىشتۇۇ ەكەندىگى انىق دالىلدەنبەگەن بولۇپ، بئز تەك قالىپتۇۇ زاۋوتتور ۅندۉرگۅن چاچ بويوو سۇيۇقتۇعۇن تانداپ، تۇرا ىشتەتسەك ەلە، راك وورۇسۇنۇن كەلىپ چىعۇۇ وپۇرتالى ۅتۅ كىچىك بولوت، قامسىز ىشتەتسەك بولوت، ارتىقچا قاباتىرلانۇۇنۇن اجاتى جوق.

  مىندان باشقا كۅپچۉلۉك بئر چاما كۅڭۉل بۅلۅ تۇرعان ماسەلە بار: ال بولسودا چاچ بويوو چاچ تۉشۉۉنۉ كەلتىرىپ چىعارابى؟

  چاچ بويوو اداتتا چاچ تۉشۉۉنۉ كەلتىرىپ چىعاربايت. بئروق، چاچ بويوو سۇيۇقتۇعۇ قۇرامىنداعى ار تۉردۉۉ زاتتار باش تەرىسىن دۉۉلۉكتۉرۉپ، باش تەرىسى جانا تۉك قالتاسىنىن سەزگەنۉۉسۉن كەلتىرىپ چىعارات، ۇباقىتتىن ۅتۉۉسۉ مەنەن تۉك قالتاسى جىيرىلىپ، چاچ ىچكەرىپ، چاچ تۉشۉۉنۉ كەلتىرىپ چىعارات. اندان باشقا، چاچ بويوو چاچ ساپاتىنا تااسئر كۅرسۅتۅت، ايرىقچا چاچتى كۅپ بويوعوندوردو وڭوي ەلە چاچ قۇرعاقتاشۇۇ، چاچ تۉشۉۉ، وڭوي ۉزۉلۉپ قالۇۇ سىياقتۇۇ ابالداردى كەلتىرىپ چىعارات. وشوعو، چاچ تۉشۉۉ قووبۇ بار جە چاچ ساپاتى جاقشى ەمەس كىشىلەر ارعا بار چاچ بويوبوستۇق كەرەك.

〖2021.01.12-16:00〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز