اراق ئچۉۉ سالاماتتىققا زىياندۇۇ، قانداي قىلعاندا اراقتىن دەنەگە بولعون زىيانىن ازايىتقالى بولوت ؟

2021-01-09 12:59

قانداي قىلعاندا ئسپىرتتىن ادام دەنەسىنە بولعون زىيانىن ازايتىپ، ئسپىرتتىن دەنەدەكى زات الماشۇۇسۇن تەزدەتكەلى بولوت، ناقتىلۇۇ قانداي ىشتۅۅ كەرەك؟ بۉگۉن بئز بئر چاما كۅپ جولۇعۇچۇ 9 تۉردۉۉ ماستىقتى تاراتۇۇ ارعالارىن تانداپ چىقتىق، بۇل ارعالار تەگى ىشەنىچتۉۉبۉ، چوعۇۇ تىڭشايلى. 

بئرىنچى تۉر: بوور جانا اشقازاندى قورعوو

1. اراق ئچۉۉدۅن مۇردا ازىرااق بئر نەرسە جەش، كەەبىر كىشلەر اراق ئچۉۉدۅن مۇردا ازىرااق نەرسە جەپ قۇرساقتى تويدۇرسا، اشقازاندى اسىراعالى بولوت دەپ قارايت، بئروق اراق ئچۉۉدۅن مۇردا نەرسە جەسە، تەك قانا اقىرىن ماس بولوسۇز، بئروق ئسپىرتتىن اشقازانعا بولعون زىيانىن جوعوتوالبايت، مۅلچۅر مەنەن %70 ئسپىرت ئچكە ىچەگىنىن ۉستۉنكۉ بۅلۉگۉندۅ شىمىرىلەت، قالعان %30ى اشقازاندا شىمىرىلەت، اچ قۇرساق اراق ئچكەندە، ئسپىرت داعىدا تەز تەمپىتە تارقالىپ قانعا كىرەت.

 بئروق اراقتان مۇردا تاماق جەپ العاندا ازىرااق بۇل بارىشتى كەچىكتىرەت، وشونۇ مەنەن بئر ۇباقىتتا، ئسپىرتتىن ىچەگى جولۇنا كىرۉۉ تەزدىگىن بەلگىلۉۉ داراجادا اقىرىنداتىپ، ئسپىرتتىن شىمىرىلۉۉ بارىشىن اقىرىنداتات، بئروق بۇل بارىش تەك قانا ازىرااق ەلە كەچىكتىرىلگەنى مەنەن بئروق بۉت دەنەگە شىمىرىلۉۉگۅ تااسىر كۅرسۅتبۅيت، بۇل تۉردۉ ارعا قۇرساققا كىرگەن ئسپىرتتىن دەنەگە بولعون زىيانىن ازىرااق دا ازداتپايت.

2. اراق ئچۉۉدۅن مۇردا سۉت جانا ايران ئچۉۉ كەرەك.

كەەبىر كىشلەر سۉت، ايراندى اراق ئچۉۉدۅن مۇردا ئچسە، الار ئسپىرت مەنەن رەاكسىيالاشىپ، ئسپىرتتىن اشقازانعا بولعون زىيانىن ازايتات دەپ قارايت.

 ئش جۉزۉندۅ بولسو، سۉت مەنەن ايراندىن اشقازاندى اسىروو رولۇ جوق.

 

كەەبىرۅۅلۅردۉن قاراشىنچا، ئسپىرت سۉت مەنەن ايران قۇرامىنداقى بەلوك مەنەن رەاكسىيالاشىپ اشقازاندى قايرا جارالابايت ەكەن، الدى مەنەن بۇل قاراشتىن تۇرا-قاتالىعىن تىلگە الباي ەلە تۇرالى، بۇل تۉردۉ قاراش بئر تۉيۉنگۅ ەەلۅۅسۉز قاراعان، بئزدىن اشقازانىبىز جوعورۇ كىسلوتالىق چۅيرۅ بولۇپ، ئچكەن سۉت-ايران جانا بەلوك سىياقتۇۇلار بالكىم الداقانچا اشقازان كىسلوتاسى مەنەن رەاكسىيالاشىپ ۅزگۅرۉپ كەتكەن بولۇسۇ مۉمكۉن، بۇل تۉردۉ ابالدا سۉت-ايراندىن اشقازانعا كىرگەن ئسپىرت مەنەن رەاكسىيالاشۇۇسۇنا مۉلدۅ مۅرت جوق، سۉتتۉ مۇردا ئچۉۉ ئش جۉزۉندۅ بئر نەرسە جەگەنگە وقشويت، تەك ئسپىرتتىن شىمىرىلۉۉسۉن اقىرىنداتات.

3. اشقازان بىلجىراق چەلىن اسىروو دارىسىن ئچۉۉ

كەەبىر كىشلەر اشقازان بىلجىر چەلىن قورعويتۇرعان دارى جەسە، ئسپىرتتىن اشقازاندى جارالووسۇنان قام سانوونۇن كەرەگى جوق دەپ قارايت .

چىنعى ابال بولسو: اشقازان بىلجىراق چەلىن اسىروو دارىسىنىن اشقازاندى قورعوو رولۇ ۅتۅ چەكتۉۉ بولوت، انىن ۉستۉنۅ بۇل تۉردۉ دارىنى قارامانچا الدىن الۇۇ دارىسىنىن وردۇندا ئچسە بولبويت.

 

اشقازان بىلجىراق چەلىن قورعوو دارىسى، الىپ ايىتساق لۉتەنسۇانمئيپىيەن 铝碳酸镁片 سىياقتۇۇ دارىلار ئسپىرتتىن اشقازان بىلجىراق چەلىنىن دۉلۉكتۉرۉسۉن چىنىندا بەلگىلۉۉ داراجادا ازايتىپ، سپىرتتىن اشقازان ىچىندە شىمىرىلۉسۉن كەچىكتىرەت، بئروق بۇل تۉردۉ قورعوونۇن ۅنۉمۉ انچا ويدوقۇداي بولبويت، ەگەر تەك قانا اراق ئچكەندە، الدىندا اشقازان بىلجىراق چەلىن اسىروو دارىسىن جەسە ازىرااق ۅنۉمۉ بولوت، اراقتى ارتىقچا كۅپ ئچكەن بولسو، ەكى تال لۉتەنسۇانمئيپىيەن 铝碳酸镁片 چاينوونۇن اشقازان بىلجىراق چەلىن قورعوو رولۇ ۅتۅ چەكتۉۉ بولۇپ، جەگەندەن كىيىن ەلە بااردىق ئش بۉتبۅيت .

4. بووردۇ قورعويتۇرعان دارىلاردى جەش.

كەەبىرۅۅلۅر اراق ئچۉۉدۅن مۇردا بووردۇ قورعويتۇرعان دارىلاردى جەسە، بووردۇ قورعويت دەپ قارايت، ئش جۉزۉندۅ ازىر ەچ قانداي دارىنىن ئسپىرتتىن بوورعو بولعون زىيانىنان الدىن الاتۇرعانى جۅنۉندۅ دالىل جوق.

بازاردا بووردۇ اسىرايتۇرعان دارىلار جانا تۉشۉمدۅر ارتى-ارتىنان جارىققا چىقتى، بئز نەگىزىنەن داعى تىلگە كۅبۉرۅۅك الىنۇۇچۇ گۇگۇاڭگەنتەيپىيەندى 谷胱甘肽片 ايتساق بۇل تۉردۉ دارىنىن نەگىزكى قۇرامى قالىبىنا كەلتىرۉۉ تىبىدەگى گلۇتاتىيون بولۇپ، بۇل بەلگىلۉۉ تۉردۅ قىچقىلدانۇۇعا قارىشى تۇرۇۇ جانا ۇۇنۇ قايتارۇۇ ۅنۉمۉنۅ ەە، چىنىندا كىلىنكادا دايىما ىشتەتىلۉۉچۉ بئر تۉردۉ بوورعو زىيان جەتكىرۉۉچۉ دارىلاردىن ۇۇنۇ قايتارۇۇعا قاراتىلعان بووردۇ اسىرووچۇ ەمدۅۅ دارىسى ەسەپتەلەت، بئروق بۇل دارىنى ئسپىرتتىن بوورعو بولعون زىيانىن ازايتات دەپ قاراباڭىز، انىن نەگىزكى رولۇ تەك چەكتۉۉ چۅلكۅمدۅ ەمدۅۅ جە مۇردا كۅرۉلگۅن بووردۇ جارالانۇۇسۇن قۇتقارۇۇنۇ كۅرسۅتۅت، مىندايچا ايىتقاندا ئسپىرتتىن بوورعو بولعون زىيانىنان ساقتانۇۇعا بولبويت.

 ەكىنچى تۉر: ئسپىرت زات الماشۇۇسۇن تەزدەتۉۉ

5. ماستىقتى تاراتۇۇ دارىسى، ماستىقتى تاراتۇۇ كامپۇتۇن جەش.

كەەبىرۅۅلۅر اراق ئچكەندەن كىيىن بئر نەچە تال ماستىقتى تاراتۇۇ دارىسىن ، كامپۇتۇن جەسە، تەز تەمپتە ماستىق تارايت دەپ قارايت.

ئش جۉزۉندۅ، ازىر چىنعى ماانئدەكى ماستىقتى تاراتۇۇ دارىسى جوق. 

6. سۇۇنۇ كۅپ ئچۉۉ.

كەەبىرۅۅلۅر اراق ئچكەندەن كىيىن كۅبۉرۅۅك سۇۇ ئچسە، ئسپىرت زات الماشۇۇسۇن تەزدەتەت دەپ قارايت. سۇۇنۇ كۅپ ئچكەندە ئسپىرتتىن چىعارىلۇۇسۇن ازىرااق تەزدەتكەلى بولوت، بئروق رولۇ ۅتۅ چەكتۉۉ، اراقتى كۅپ ئچكەندەن كىيىن، سىيدىكتە اراق جىتى بار ەكەنىن بايقووڭۇز مۉمكۉن، مۇنۇن سەبەبى %2~%10 ئسپىرت سىيدىك جانا تىنىق ارقىلۇۇ چىعىپ كەتەت، ۇشۇل تۉيۉندۅن ايىتقاندا، سۇۇنۇ كۅپ ئچىپ كۅپ سىيسە، سىيدىك ارقىلۇۇ چىعىپ كەتەتۇرعان ئسپىرت نازارىيا جاقتان دا كۅبۅيۅت، بئروق شاشىپ قۇبانىپ كەتبەڭ، بۇل تۉردۉ ارعا نازارىيا جاقتان تۇرا بولعونۇ مەنەن بئروق رولۇ داعى ەلە ۅتۅ چەكتۉۉ بولوت، ەمنەلە دەگەنى مەنەن كۅپ سانداقى ئسپىرت داعى ەلە بوور جاعىنان بئر جاڭسىل قىلىنات، وشوندۇقتان سۇۇنۇن رولۇ انچا چوڭ بولبويت، بئروق سۇۇنۇ كۅپ ئچۉۉنۉن ەچ قانداي زىيانى جوق. 

7. بال سۇۇسۇن كۅپ ئچۉۉ، گىلۇكۇزا سۇۇسۇن تولۇقتوو.

كەەبىرۅۅلۅر بال سۇۇسۇن ئچۉۉ جە گىلۇكوزا سۇۇسۇن تولۇقتوو ئسپىرت زات الماشتىرۇۇعا جاردام بەرىپ، ماستىقتان تاراتۇۇسۇن تەزدەتەت دەپ قارايت.

ئش جۉزۉندۅ، بۇل تاتتۇۇ سۇۇلاردىن ئسپىرت زات الماشۇۇسۇنا ەچ قانداي جاردامى بولبويت، بئروق اراق ئچكەندەن كىيىنكى قان شەكەرىنىن تۅمۅندۅپ كەتۉۉ ابالىن جاقشىلايت، كەەبىر تاانىمداردا ئسپىرت زات الماشتىرۇۇ بارىشىندا ەنەرگىيا سارىپ بولۇسۇنا تۇرا كەلەت، قۇرامىندا گىلۇكوزا بولعون بال جە شەكەر سۇۇسۇن تولۇقتاعاندا، ئسپىرت زات الماشتىرعاندا كەرەكتۉۉ بولعون ەنەرگىيا مەنەن قامداپ، زات الماشۇۇنۇ ىلگەرى سۉرگۅلۉ بولوت دەپ قارايت، شەكەر سۇۇسۇن تولۇقتاعاندا جە گىلكۇزا ۅكۉلۉن سالدىرعاندا، اراق ئچكەندەن كىيىنكى قان شەكەرى تۅمۅن بولۇ ابالىن جاقشىلاپ، وشول ارقىلۇۇ جايسىزدانۇۇ ابالدارىن ازايتىقالى بولوت، اندان باشقا، سۇۇنۇ كۅپ ئچكەنگە وقشوش، شەكەر سۇۇسۇن تولۇقتوو جە گىلۇكوزا ۅكۉلۉن سالدىرۇۇ ارقىلۇۇ سىيدىك چىعارۇۇسۇن ىلگەرى سۉرۉپ، ئسپىرتتى چىعارۇۇنۇ تەزدەتكەلى بولوت. 

8. ۋئتامىن تابىلەتىن جەش.

كەەبىرۅۅلۅر اراق ئچكەندەن كىيىن ۋئتامىن تولۇقتاسا، ئسپىرتتى پارچالاپ زات الماشۇۇسۇن تەزدەتەت دەپ قارايت.

ئش جۉزۉندۅ بولسو، ۋئتامىن تولۇقتوو ئسپىرت زات الماشۇۇسۇن تەزدەتە البايت، بئروق جەگىسى كەلسە جەسە بولوبەرەت، الدى مەنەن ۋئتامىن تولۇقتاعاندا ئسپىرت زات الماشۇۇسۇن تەزدەتكەلى بولوتۇرعانىن دالىلدەيتۇرعان دالىل جوق، بئروق ۇزۇن مەزگىل كۅپ مۅلچۅردۅ اراق ئچكەن نووقاستاردا امىياك كىسلوتاسا الماشۇۇسۇ بۅگۅتكۅ ۇچۇروو جانا ۋئتامىن B6 جانا ۋئتامىن D كەمچىل بولۇۇسۇ مۉمكۉن، ۋئتامىن تولۇقتوو دارىلارىن جەگەندە نازارىيا جاعىندا جوعورۇدا ايتىلعان ابالداردى نەگىزىنەن جاقشىلاعالى بولوت، بئروق بۇل مۉلدۅ بئر نەچە تال ۋئتامىندى جەسە ەلە ماستىقتان تاراتۇۇعا بولوت دەگەندىك ەمەس.

9. قۇسۇۇ.

كەەبىرۅۅلۅر كۅپ ئچكەندە قۇسسا جاقشى بولۇپ كەتەت دەپ قارايت، ئش جۉزۉندۅ بۇل تۉردۉ ارعا سۇنۇشتالبايت، قۇسۇۇ ئچكەن ئسپىرتتى چىعارىپ، ئسپىرتتىن قابىلدانۇۇسۇن ازايىتقانداي بولعونۇ مەنەن، بئروق ئچىپ بولعوندون كىيىن، قۇرساققا كىرگەن ئسپىرتتىن كۅپ بۅلۉگۉ قابىلدانعان قانعا ۅتۉپ بولوت، قۇسۇپ چىعارىلعانى تەك قانا بئر بۅلۉگۉ بولوت، داعىدا زارىلى بۇل بارىشتىن قووبۇ اياباي چوڭ بولۇپ، قان باسىمىنا تااسئر كۅرسۅتۉپ ەلە قالباستان، داعى اشقازاندىن اشقازان كىرۉۉ ووزۇ جىرتىلىپ كەتۉۉسۉ مۉمكۉن، قۇسا بەرىپ اقىرىندا قان تۉكۉرگۅندۅ، زىيانى چىنىندا چوڭ بولوت. 

 بۇل ارعالاردى ۇققاندان كىيىن كۅپچۉلۉك ماستىقتى تاراتۇۇ جۅنۉندۅكۉ ارعالاردىن ۅتۅ كۅپ ەكەنىن، ئش جۉزۉندۅ الاردىن انچا ىشەنىچتۉۉ ەمەستىگىن بايقايت، ئسپىرتتىن دەنەگە بولعون زىيانى مەنەن سالىشتىرعاندا، بۇل ارعالاردىن ەچ قانداي پايداسى جوق، جە ازىرااق قانا جاقشىلايت . انىن ۉستۉنۅ ەل ارالىق اتاق-ابىرويلۇۇ جورنالى ئلمىي ماقالا جارىيالاپ، ئسپىرتتىن قووپسۇزدۇق مۅلچۅرۉنۉن نۅل ەكەندىگىن ورتوعو قويعون، وشوندۇقتان بئز سالتاناتتۇۇ تۉردۅ 10-ارعا اراق ئچبەستىكتى سۇنۇشتايبىز، ئسپىرتتىن زىيانىن ازايتۇۇداقى بئردەن بئر ارعا، انىن دەنەگە كىرۉۉسۉنۅ مۅرت بەربەستىك كەرەك.

〖2021.01.09-12:59〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز