جۉرۅك وورۇسۇن مۉنۅزدۅۅ جانا ەرتە بايقوو ىڭعايلارى

2020-05-22 13:00

 ازىرقى زامانداقى ەمدۅۅ ئلىم-تەحنىكاسىنىن ۅنۉگۉسۉ كۅپتۅگۅن وورۇلاردى ەرتە بايقاپ، ەرتە وورۇ مۉنۅۅزدۅگۅ مۉمكۉندۉك جاراتتى. جۉرۅك وورۇسۇن تەكشەرۉۉ ىلايىقتۇۇ بولسو، تىراگەدىيانىن كۅرۉلۉسۉنۅن ەرتەرەەك ساقتانۇۇعا بولوت، تۅمۅندۅكۉ بئر نەچە تۉردۉ تەكشەرۉۉ ارقىلۇۇ جۉرۅك وورۇسۇن الدىن بىلۉۉگۅ بولوت.

Cرەياكسىيا بەلوگۇن تەكشەرۉۉ. Cرەياكسىيا بەلوگۇ ادام دەنەسىندەگى بووردۇ بىرىكتىرۉۉچۉ چۇقۇل مۉنۅزدۉۉ رەياكسىيا بەلوگۇ. مىنداي رەياكسىيا بەلوگۇنۇن سەزىمتالدىعى جوعورۇ، سەزگەنۉۉ بەلگىسى، قالىپتۇۇ كىشلەردىكى ار لەتىرىندە 1 مئللى گىرامدان تۅمۅن بولوت؛ ار لەتىرىندە 3 مئللى گىرامدان اشسا، دەنەدە سەزگەنۉۉ بااردىعىن تۉشۉندۉرۅت، ەگەر كۅپ جولۇ قان الىپ تەكشەرگەندە ار لەتىرىندە 3 مئللى گىرامدان كۅپ بولسو، بۇل اداتتاقى سەزگەنۉۉ ەمەس، قايرا جۉرۅك وورۇسۇنۇن قووپتۇۇ فاكتورۇ ەكەنىن تۉشۉندۉرۅت، مۇنۇ كالتىسلەنگەن ىنتەگرالدۇۇ باالوو جە كۉرۅ تامىر ۇلتىرا ۉن تولقۇنۇ مەنەن بىردەمجىي تەكشەرۉۉ كەرەك، ارىقتوو، كۅپ اراكەت قىلۇۇ، ەتاتىن تۉرۉندۅكۉ دارىلاردى ىچۉۉ Cرەياكسىيا بەلوگۇنۇن دەڭگەلىن تۅمۅندۅتۅت. 

   مويۇن ارتەرىياسىنىن ۇلتىرا ۉن دولقۇنۇ. مويۇن ارتەرىياسىنىن ىچكى پارداسى ورتو قاباتىنىن قالىڭدىعىن تەكشەرۉۉ ارقىلۇۇ جۉرۅك وورۇسۇن الدىن ۅلچۅۅگۅ بولوت. ىزىلدۅۅلۅردۅ، مويۇن ارتەرىياسىنىن ىچكى پارداسنىن قالىڭدىعى تاجىسمال جۉرۅك وورۇسۇ مەنەن قاتىشتۇۇ ەكەنىن، ۇلتىرا ۉن تولقۇنۇ مەنەن تەكشەرۉۉ قان ايلانۇۇسۇ بۅگۅتكۅ ۇچۇرودون مۇردا قان تامىرداقى وورۇ ۅزگۅرۉسۉن ەرتە ەلە ۅزگۅچۅ سەزىمتالدىق مەنەن تەكشەرۉۉگۅ بولوتۇرعانىن بايقاعان، انىتكەنى نۇر جوق بولعوندۇقتان، بويقات ايالداردى دا ۇشۇنداي تەكشەرۉۉگۅ بولوت. ەگەر ارتەرىيانىن ىچكى پارداسىنىن قالىڭدىعى قالىپسىز بولسو، بۇل جۉرۅك وورۇلارىنىن قووبۇن بئر قىيلا جوعورۇ ەكەنىن، ازىق-تۉلۉكتۉ تەڭشۅۅ، كۅپ اراكەت قىلۇۇ جانا مايدى ازايتاتۇرعان دارىلار مەنەن قان باسىمدى تۅمۅندۅتۅتۇرعان دارىلاردى ىچۉۉگۅ مۇقتاجدىعىن تۉشۉندۉرۅت.

  تااجىسىمال ارتىرىيانىن CTداعى سۉرۅتۉ مەنەن كالتىسىيلۅۅنۉسۉن باالوو. ەگەر جاشىڭىز 50 دەن اشقان بولسو، بۇل تەكشەرۉۉ ۅتۅ زارىل. جۉرۅك وورۇسۇنۇن جوعورۇ قووپتۇۇ فاكتورلورۇ جە ۉي- بۉلۅسۉندۅ وورۇ تارىحى بار كىشىلەر دا تاجىسىمال ارتىرىيانىن كالتىسيلەشۉۉ ابالىن تەكشەرتۉۉسۉ كەرەك. بۇل تەكشەرۉۉلۅردۅ رادىياتسىيا بولعوندۇقتان، بويقات ايالداردى تەكشەربەيت، كالتىسىيلەشۉۉسۉن باالوو 200~400 ارالىعىندا بولوت، تۇرمۇش اداتىن تەڭشۅۅ، ماي قۇرامىن تۅمۅندۅتۉۉچۉ دارى ىچۉۉ سىياقتۇۇ ىڭعايلار ارقىلۇۇ قان تامىرلاردىن ىچىندەگى تاقتاردى ازايتۇۇعا بولوت، باالۇۇ 400دەن 1000گە چەيىن بولسو بۇل كەلەچەكتەكى 10 جىلدا جۉرۅك وورۇسۇنا چالدىعۇۇ قووبۇنۇن جوعورۇلاعانىن تۉشۉندۉرۅت؛ باالوو 1000دەن اشسا، ەگەر بئر جىل ىچىندە ەمدەلبەسە، جۉرۅك وورۇ قووبۇ ٪25 ارتات.

 جۉكتۅمۅ ۇلتىرا ۉن تولقۇنۇ جۉرۅك كاردىيوگرامماسى. جالاڭ قانا جۉرۅك سالماعى تاجىرىيباسى مەنەن سالىشتىرعاندا، بۇل تەكشەرۉۉ وورۇ مۉنۅزدۅۅنۉن تۇۇرالىعىن ارتتىرات، مەيلى جاشى قانچا چوڭ بولسۇن، جۉرۅك وورۇ بەلگىلەرى بايقالات. مئسالى، دەمى جەتىشبۅۅ، كۅكۉرۅگۉ قىسىلۇۇ، كۅكۉرۅگۉ قاقشاپ وورۇعاندىن بااردىعىندا ۇشۇل تۉر بويۇنچا تەكشەرىلۉۉ كەرەك، قالىپسىزدىقتى بايقاعاندا تااجىسىمال ارتىرىيانى سۉرۅتكۅ الدىرۇۇ كەرەك. 

  تااجىسىمال ارتىرىيانى سۉرۅتكۅ الىپ تەكشەرۉۉ. تااجىسىمال ارتىرىيانى سۉرۅتكۅ الىپ تەكشەرۉۉ تاجىسمال جۉرۅك وورۇسۇنا وورۇ مۉنۅزدۅۅدۅ زارىل رول اتقارات، ال قان تامىردىن توسۇۇلۇ ابالىن داعىدا ايقىن بەكىتىپ بەرەت. ال ەمى جۉرۅك وورۇسۇنۇن وورلۇق داراجاسىن باالاعاندا، وشوندوي ەلە تىرەك قويۇۇ جە كۅپۅرۅ سالىپ ەمدۅۅگۅ ۅكۉم چىعارۇۇداقى ەڭ جاقشى ارعا. 

    قانداقى ماي جە ماي بەلوگۇ(a)تەكشەرتۉۉسۉ. قانداقى مايدىن قويۇۇلۇعۇن جۅرۅلگۅلۉۉ ۅلچۅدۅن سىرت، داعى ماي بەلوگۇنۇن (a)قويۇۇلۇعۇن تەكشەرتۉۉ كەرەك. انىتكەنى ال مايدا بۉرتۉكچۅ زات. بۇل ارتەرىيانىن ماي اراشمالارى قاباتتۇۇ قاتۇۇسۇنداقى العىلىقتۇۇ تۉيۉن، تەك ماي بەلوگۇ(a)دەڭگەلى 30 مئللى گىرام دىتسىلىتىردەن اشىپ كەتسە، جۉرۅك وورۇسۇنۇن قووبۇ دا ارتات.

  گەموگلوبىندى تەكشەرتۉۉ. 45 جاشتان اشقانداردىن جە دىيابىت وورۇسۇنۇن قووپتۇ فاكتورلورۇ بارلاردىن بااردىعىنىن گەموگلوبىنىن تەكشەرۉۉ كەرەك. دىيابىت وورۇسۇنا چالدىققانداردىن تاجىسمال جۉرۅك وورۇسۇنا چالدىعۇۇ قووبۇ 5 ەسە جوعورۇ بولوت، وشوندۇقتان دىيابىت وورۇسۇنۇن الدىن الۇۇ جۉرۅك وورۇسۇنۇن الدىن العاندىق. ەگەر گەموگلوبىندى تەكشەرگەندە ەكى ىرەت ٪6.5 دان جوعورۇ بولسو، ازىق-تۉلۉكتۉ تەڭشۅۅ جە دوقتۇردۇن كۅرسۅتمۅسۉ بويۇنچا دارى مەنەن ەمدۅۅ كەرەك.

   جۉرۅك وورۇسۇنۇن تۉرلۅرۉ ۅتۅ كۅپ، وورۇنۇن تۉرلۅرۉ مەنەن وورۇ ابالىنا ۅكۉم چىعارۇۇ ۉچۉن، جوعورۇداقى 7 تۉردۉ جۉرۅك وورۇسۇن دايىمدۇۇ تەكشەرتۉۉ ىڭعايىنان پايدالانۇۇ كەرەك. نووقاستى تەكشەرگەندە ماانايىن تەڭشەپ، قورقبوستۇق كەرەك، بولبوسو تەكشەرۉۉ ناتىيجاسىنا تااسئر جەتەت، ەگەر ىچىندەكى بئر تۉردۅ ماسەلە بولسو، اعا ماانئى بەرۉۉ كەرەك، بولۇپتاعى ۉي- بۉلۅ تارىحىندا جۉرۅك وورۇسۇ بار كىشلەر، سۅزسۉز، جاقشى تۇرمۇش اداتىن جەتىلدىرىپ، سوو ازىقتانۇۇ، قالىپتۇۇ ەس الۇۇ، ىلايىقتۇۇ اراكەت قىلۇۇ، تامەكىدەن تىيلۇۇ، اراقتى تىزگىندۅۅ كەرەك.

〖2020.05.22-13:00〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز