اشقازان راگىنىن الدىن الۇۇدا ەمنەلەردى ىشتۅۅبۉز كەرەك؟

2020-05-20 12:29

اشقازان راكى بئر تۉردۉ كۅپ كۅرۉلۅ تۇرعان راك وورۇسۇ، ۅزگۅچۅ بئزدىن الدىن الۇۇبۇزعا اجاتتۇۇ. اشقازان راگىنىن الدىن الۇۇعا كەلسەك، بئز تەگى ەمنەلەردى ىشتۅۅبۉز كەرەك؟

   شاندوڭ داشۅسۉنۅ قاراشتۇۇ چئلۇ دوقتۇرقاناسىنىن كىلىنكالىق مەدەتسىينا ماگىستىرى، تاي- ان شاارى بوربوردۇق دوقتۇرقانا سىڭىرۉۉ ئچكى وورۇلار بۅلۉمۉنۉن جووپتۇ ۋىراچى ۋىي ۋىي مىنداي دەدى: كۅپ ساندۇۇ ەرتە بايقالعان اشقازان راگىنىن بەش جىل جاشوو سالىشتىرماسى % 90 دان اشىپ كەتەت، ەگەر كىيىن بايقالسا، بەش جىلدىق جاشوو سالىشتىرماسى داعى ەلە % 30 دان تۅمۅن بولوت. ەگەر ەرتە بايقاپ دال ۇباعىندا دارىلاتسا، اشقازان راگى وورۇسۇنان كۅز جۇمۇۇ سالىشتىرماسىن زور داراجادا تۅمۅندۅتۉۉگۅ بولوت. 

اندا ماسەلە كۅرۉلسۅ ، قانىتكەندە انى ەرتە بايقووعو بولوت؟

ۋىي ۋىي تاانىشتىرىپ مىنداي دەدى: اشقازان اينەگىندە تەكشەرۉۉ العاچقى مەزگىلدە اشقازان راگىن ەرتە بايقوو مۅرتۉن زور دارجادا جوعورۇلاتات. تۅمۅندۅگۉ ادامدار اشقازان اينەگىندە تەكشەرىلۉۉسۉ كەرەك:

1. 40 جاشتان اشقان كىشىلەر توبۇ. انىتكەنى 40 جاشتان جوعورۇ نووقاستار باردىق اشقازان راگى نووقاستارىنىن % 96 دان كۅبۉرۅگۉن ەەلەيت.

2. جۇمۇردۇن ووزۇ بۇرماسىمال تاياقچا باكتىرىياسى مەنەن جۇعۇمدانعاندار. مىنداي باكتىرىيانىن جۇعۇمدالۇۇ سالىشتىرماسى ۅتۅ جوعورۇ بولۇپ ،شاارلارداعى كىشىلەردىن جۇعۇمدانۇۇ سالىشتىرماسى % 47 ، ايىل- قىشتاقتاعى كىشىلەردىن جۇعۇمدانۇۇ سالىشتىرماسى % 66 بولوت.

 3.اشقازان راگى نووقاستارىنىن تىكە تۇۇعاندارى، مىندا اتا-ەنەسى جانا اعا-ئنى، ەجە- سىڭدىلەرىن قامتىيت.

ۋىي ۋىي تاانىشتىرىپ مىنداي دەدى: اشقازان اينەگىندە تەكشەرۉۉدۅ بۇل تۅرت تۉردۅ كۅڭۉل بۇرۇۇعا تئيىشتۉۉ ئش بار:

1. الدى مەنەن قووپ داراجاسىن بەكىتىپ انان ىشتۅۅ كەرەك. گاسترىنوگىن، گاسترىن 17 جانا جۇمۇردۇن ووزۇنداعى بۇرماسىمال تاياقچا باكتىرىياسىن تەكشەرتىپ بولعوندون كىيىن، اندان كىيىن اشقازان راگىنىن قووپتۇلۇق داراجاسىن تۉشۉنۉگۅ بولوت.

2. قووپتۇ كىشىلەر توبۇن «ىچكەلەي تەكشەرۉۉ» كەرەك. كۅپ تۉردۉ ئچكى اينەك تەحنىكاسىنان ىچكەلەي پايدالانىپ، العاچقى مەگىلدەگى اشقازان راگىن تەكشەرۉۉ سالىشتىرماسىن ەڭ زور داراجادا جوعورلاتۇۇ كەرەك.

3. تەكشەرۉۉنۉن الدى-ارتىندا اش- تاماققا كۅڭۉل بۅلۉۉ كەرەك. تەكشەرۉۉدۅن تۅرت ساات مۇردا تاماق جەبەستىك، تەكشەرۉۉ اياقتاپ ەكى سااتتان كىيىن تاماق ىچۉۉ كەرەك. ەگەر تىرۉۉ تىكانداردى تەكشەرۉۉگۅ تۇرا كەلسە، ارالىعى 4 ساات بولۇۇسۇ كەرەك. ازىراق سۇۇ ىچۉۉگۅ بولوت، بئروق 200 ميللئى لەتىردەن ارتىپ كەتپەستىگى كەرەك. اش-تاماقتىن دۉۉلۉكتۉرۉۉسۉنۅن ساقتانۇۇ، اچۇۇ نەرسەلەردى جەبەستىك، اراق ىچبەستىك كەرەك.

   قانچالىق ۇباقىتتا بئر رەت اشقازان اينەگى مەنەن تەكشەرتسە بئر قىيلا جاقشى بولوت؟

ۋىي ۋىيدىن魏玮 تاانىشتىرۇۇسۇنچا، اشقازانعا اينەك سالىپ تەكشەرۉۉنۉن تۇرۇقتۇۇ ۇباقتى جوق ەكەن. كىيىنكى جولۇ تەكشەرۉۉ ۇباقتى، دوقتۇردۇن قووپتۇلۇق داراجاسى جانا اشقازان اينەگىندە تەكشەرۉۉ ارقىلۇۇ كۅرگۅن ابالىنا نەگىز جالپىلاشتىرىپ ۅكۉم قىلۇۇعا تۇرا كەلەت، اداتتا جارىم جىلدان ۉچ جىلعا چەيىن بولوت.

ۅنۅكۅت مۉنۅۅزدۉ اشقازان سىرتقى بەتى سەزگەنىچى دەگەن ەمنە؟

ۋىي ۋىي مىنداي دەدى: اشقازانعا اينەك سالىپ تەكشەرگەندە، اداتتا اشقازاندىن سىرتقى بەتىندەگى سەزگەنىچى تەكشەرىلەت، قاباتىرلانۇۇنۇن اجاتى جوق، ەگەر ۇشۇنداي ناتىيجانى كۅرسۅ، اداتتا اشقازان راگىنىن جوقتۇعۇن تۉشۉندۉرۅت. 

اشقازان اينەگىنەن باشقا داعى تەكشەرۉۉلۅردۉ ىشتەتۉۉ كەرەكبى؟

ۋىي ۋىي مىنداي دەدى: از سانداعى كىشىلەر داعى گەن تەكشەرۉۉگۅ تۇۇرا كەلەت. ەگەر ۉي- بۉلۅسۉندۅكۉلۅردۅ كۅپ ادام اشقازان راگىنا چالدىقسا، جە تىكە تۇۇعاندارى 40 جاشتان مۇرۇن اشقازان راگىنا چالدىقسا دوقتۇردۇن تۇقۇم قۇبالۇۇ مۉنۅزدۉ اشقازان راگىنا چالدىعۇۇ قووبۇ جۅنۉندۅ كەڭەش سۇراسا بولوت.

〖2020.05.20-12:29〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز