اپتونوم رايونۇبۇزدا 2850 دەن اشۇۇن بئرىنچى چەپتەكى دارىلوو قىزماتكەرلەرى دارىلاپ قۇتقارۇۇعا قاتشقان

2020-03-16 12:52

جاقىندا، شئنجاڭ ۇيعۇر اپتونوم رايوندۇق سالاماتتىقتى ساقتوو، دەن سوولۇق كومىتەتىنەن ەەلەشىنچە،اپتونوم رايونۇبۇزداقى جاڭىچا تاجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇن دارىلاپ قۇتقارۇۇ قىزماتىندا، جالپى 2850 دەن اشۇۇن بئرىنچى چەپتەكى دارىلوو قىزماتكەرلەرى دارىلاپ قۇتقارۇۇعا قاتشقان. 

  شئنجاڭ ۇيعۇر اپتونوم رايوندۇق سالاماتتىقتى ساقتوو، دەن سوولۇق كومىتەتىنىن مۇدۇرۇ مۇتالىپ روزى مىنداي دەدى: جۇعۇشتۇۇ وورۇ كۅرۉلگۅندۅن كىيىن، شئنجاڭ جاڭىچا تاجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇن دارىلاپ قۇتقاراتۇرعان 11 دوقتۇرقانانى بەلگىلەپ، اپتونوم رايوندۇق دارىلاپ قۇتقارۇۇ ادىستەر گۇرۇپپاسىن قۇرۇپ، وور وورۇلار، تىنىق جولۇ، جۇعۇمدالۇۇ، جۇڭگوچو ەمچىلىگى دارى-دارمەگى، باپەستۅۅ سىياقتۇۇ سالاالاردان 60 نەچە ادئستى تانداپ جىبەرىپ، 9 دان اشۇۇن ئلىم تۉرلۅرۉ بويۇنچا دارىلوو ىشمەرلەر قوشۇۇنۇن قۇرۇپ، تۉيۉندۉۉ قۇتقارۇۇ دوقتۇرقانالارىنا بارىپ، قۇتقارۇۇ، دارىلوو، جەتەكچىلىك قىلۇۇ، تاربئيالوو سىياقتۇۇ قىزماتتاردى قۇلاچ جايدىردى. ارى 1100 كىشلىك دارىلوو- كۉتۉۉ كەسبى تەحنىكالىق زاپاس قىزماتكەرلەر قوشۇۇنۇن قۇرۇپ، بئرىنچى چەپتەكى قىزماتكەرلەر مەنەن قىزمات وردۇن ىلايىقتۇۇ الماشتىرىپ، قۇتقارۇۇ قىزماتىن كۉچ سالاا تارتىپتۉۉ ىلگەرلەتتى. 

  وشونۇ مەنەن قاتار، جاڭىچا تاجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇن دارىلاپ قۇتقارۇۇ بويۇنچا الىس ارالىقتۇۇ ۅرۉشۉن قۇرۇپ، بۉت شئنجاڭداقى 1161 دارىلوو اپاراتتارىن جالعاشتىرىپ، 24 ساات ادىستەر كەزەكتەشىپ وورۇ مۉنۅزدۅۅ تۉزۉمۉن اتقارىپ، جەر-جەرلەرگە وورۇ مۉنۅزدۅۅ، قووپتۇۇ، وور وورۇلاردى دارىلوو سىياقتۇۇ قىزماتتاردى قۇلاچ جايدىرىپ، « بئر كىشىنى بئر دوولبور» بويۇنچا ئلمىي دارىلاپ قۇتقارۇۇنۇ جولعو قويدۇ. 

   وور نووقاستاردى، قووپتۇ نووقاستاردى دارىلايتۇرعان تۉيۉندۉۉ دوقتۇرقانالارعا اپتونوم رايونۇبۇز بئرىنچى ۇباقىتتا اپتونوم رايون داراجالۇۇ قووپتۇۇ، وور وورۇلاردى دارىلوو ادىستەر توبۇن جىبەرىپ، ECMO سىياقتۇۇ قۇتقارۇۇ جابدۇۇلاردى بئر ۅڭچۅي ورۇنداشتىردى ارى الس ارالىقتۇ ۅرۉشتۅن پايدالانىپ قوپتۇۇ نووقاستارعا كۉنۉنۅ 2 ىرەتتەن ارتىق بىرلەشىپ وورۇ مۉنۅزدۅپ، قۇتقارىپ دارىلوونۇ كۉچ سالاا قۇلاچ جايدىردى. 

  وشونۇ مەنەن بىرگە، شئنجاڭ الدى-ارتى بولۇپ 3 تۉركۉمدۉ دارىلوو اتىرەتىن حۇبئيدىن بئرىنچى چەبىنە جىبەرىپ، ۋۇحانعا جاردام بەرىپ، جۇعۇشتۇۇ وورۇعا قارشى تۇرۇۇ كۉرۅشۉنۅ تىيىشەلۉۉ سالىم قوشتۇ. 

〖2020.03.16-12:52〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز