اپتونوم رايونۇبۇز جۇعۇشتۇۇ وورۇنۇن الدىن الىپ تىزگىندۅۅ مەزگىلىندەكى قوومدۇق قامسىزداندىرۇۇنۇ بۉتۉرۉۉ قىزماتىن بۉتۉن كۉچۉ مەنەن جاقشى ىشتەدى

2020-02-14 12:49

    كىشىلەردىن چوعۇلۇۇسۇن ەڭ چوڭ چەنەمدە ازايتىپ، ۋئرۇستۇن تارالۇۇ جولۇن امالدىن بارىنچا ۉزۉپ تاشتوو ۉچۉن، جاقىنقى مەزگىلدەن بەرى، اپتونوم رايونۇبۇزداقى ار داراجالۇۇ قوومدۇق قامسىزداندىرۇۇ كەسىبىن بۉتۉرۉۉ چوڭ زالى ىنتەرنەتسىز ابالدا بۉتۉرۉۉنۉ ىنتەرنەتتە بۉتۉرۉۉگۅ قوتورۇۇ ىڭعايىن قولدونۇپ، ىنتەرنەتتە بۉتۉرۉۉ، الاقاندا بۉتۉرۉۉ، تەلەفوندو بۉتۉرۉۉ، پوچتودون سالىپ بۉتۉرۉۉنۉ قۇلاچ جايىلتىپ، قوومدۇق قامسىزداندىرۇۇ كەسىبىن «كۅرۉشپۅي» بۉتۉرۉۉنۉ ىشتىكتۉۉ جولعو قويدۇ. ىستانسىيابىز قابارچىسى دوڭ جىيوڭدۇن قابارى:

  اپتونوم رايوندۇق قوومدۇق قامسىزداندىرۇۇنۇ باشقارۇۇ مەكەمەسى كەسىپ بۅلۉمۉنۉن مۇدۇرۇ پئي گاڭ مىنداي دەدى: «اپتونوم رايونۇبۇز قوومدۇق قامسىزداندىرۇۇ ىشتەرىن بۉتۉرۉۉ تەيلۅۅ ۉلگۉسۉندۅ تئپ ۅزگۅرتۉپ، داراجاسىن ۅستۉرۉۉنۉ ىشتىكتۉۉ تۉرتمۅكتۅپ، اقىرىن-اقىرىن ىنتەرنەتتە ئش بۉتۉرۉۉنۉ نەگىزگى جەتەكتۅۅ وردۇنداقى تەيلۅۅ ىڭعايىنا ايلاندىرى. ۇچۇردا، قالىڭ قامسىزداندىرۇۇعا قاتىشقان ورۇندار جانا قامسىزداندىرۇۇعا قاتىشقان قالق شئنجاڭ ادام كۉچۉ بايلىعى جانا قوومدۇق قامتاماسىزداندىرۇۇ ىنتەرنەت تەيلۅۅ چوڭ زالى، شئنجاڭ ادام كۉچۉ بايلىعى جانا قوومدۇق قامتاماسىزداندىرۇۇ APP، يئنشىتوڭ قاتارلۇۇ «ۇچۇراشپاي تۇرعان» جولدور مەنەن قوومدۇق قامسىزداندىرۇۇ كەسىپتەرىن بۉتۉرۉپ، ەشىكتەن چىقباي ەلە ۉيدۅ ئش بۉتۉرسۅ بولوت. ىنتەرنەتتە سۇنۇش بەرگەندەن كىيىن ناق مايداندا قاعازچا ماتەرىيالداردى تاپشىرۇۇعا اجات بولسو اندا پوچتودون سالۇۇ جانا فاكىس ىڭعايىندا الىپ بارسا؛ چىن ەلە ناق مايدانعا كەلىپ بۉتۉربۅسۅ بولبويتۇرعاندار تەلەفوندو الدىن بۉتۉشۉپ، بۉتۉرسۅ بولوت». 

  پئي گاڭ، اپتونوم رايونۇبۇز تۉردۉۉ قوومدۇق قامسىزداندىرۇۇ مامىلەرىن ماالىندا تولۇق سۇممادا تاراتۇۇعا بۉتۉن كۉچۉ مەنەن كەپىلدىك قىلاتۇرعاندىعىن ايتىپ مىنداي دەدى: «ۇچۇردا بئز قوومدۇق قامسىزداندىرۇۇ مامىلەسىن تەكشەرىپ تاقتوو، تاراتۇۇ اتايى بانىن قۇردۇق، ىنتەرنەتتە قابىلدوو، تەلەفون، فاكىس، پوچتودون سالۇۇ سىياقتۇۇ ىڭعايلار ارقىلۇۇ جاڭىدان كۅبۅيگۅن ەس الۇۇعا چىققانداردىن قارتايعاندا كۉتۉنۉۉ قامسىزداندىرۇۇ مامىلەسىن جانا جۇمۇش ۉستۉندۅ جارالانۇۇ قامسىزداندىرۇۇ مامىلەسى، جۇمۇشسۇزدۇق قامسىزداندىرۇۇ مامىلەسىن تاقتاپ بەكىتۉۉنۉ قۇلاچ جايىلتىپ، مالئيا، اقچا-مامىلە اپپاراتتارى قاتارلۇۇ تارماقتار مەنەن پىكىر الماشتىرىپ-شايكەشىپ، تۉردۉۉ قوومدۇق قامسىزداندىرۇۇ مامىلەلەرىنىن ماالىندا تولۇق سۇممادا تاراتىلۇۇسۇنا چىنىعى كەپىلدىك قىلدى. قاتىشتۇۇ مامىلەدەن باارلاناتۇرعاندار ىچىندە سالاقاتىن مويۇندوونۇ مۅۅنۅت بويۇنچا بۉتۉربۅگۅندۅرگۅ ۇچۇردا ۇباقتىنچا مامىلەدەن باارلانۇۇ اقچاسى تاراتىلبايت؛ جاڭىدان كۅبۅيگۅن ەس الۇۇعا چىققانداردىن ۅتۉنۉچۉن ماالىندا بۉتۉرۉلبۅگۅن بولسو تەكشەرىپ تاقتاعان كىيىنكى ايدان باشتاپ، قارتايعاندا كۉتۉنۉۉ قامسىزداندىرۇۇ اقچاسى تولۇقتاپ تاراتىلات». 

   مىندان باشقا، پئي گاڭ داعى جۇعۇشتۇۇ وورۇنۇن الدىن الىپ تىزگىندۅۅ مەزگىلىندە، اپتونوم رايونۇبۇزداقى قوومدۇق قامتاماسىزداندىرۇۇ تارماقتارى قامسىزداندىرۇۇعا قاتىشقان كەرقانا جانا جەكەلەردىن قاتىشتۇۇ كەسىپتەردى كەچىكتىرىپ بۉتۉرۉۉسۉنۅ ۇرۇقسات قىلاتۇرعاندىعىن ايتىپ مىنداي دەدى: «جۇعۇشتۇۇ وورۇ ابالىنىن تااسىرىندە، ادام ىشتەتۉۉچۉ ورۇندار قىزماتكەرلەردىن قامسىزداندىرۇۇعا قاتىشۇۇ بويۇنچا قاتتاتۇۇ، اقى تاپشىرۇۇ قاتارلۇۇ كەسىپتەردى كەچىكتىرىپ بۉتۉرۉۉگۅ ۇرۇقسات قىلات. وشونۇ مەنەن بىرگە، ىيكەمدۉۉ جۇمۇشقا ورۇنداشۇۇچۇلار شاار-ايىل تۇرعۇنداردىن 2020-جىلدىق بئر جولۇندا تاپشىرۇۇچۇ جانا مۅۅنۅت بويۇنچا تاپشىرۇۇچۇ قوومدۇق قامسىزداندىرۇۇ اقى قاتارلۇۇ كەسىپتەرىن بۉتۉرگۅندۅ ۇباقىت چەگى تالابى كەڭىرتىلەت، قامسىزداندىرۇۇعا قاتىشىپ اقى تاپشىرۇۇ ىشتەرىن ماالىندا بۉتۉرۅ الباي قالسا جۇعۇشتۇۇ وورۇ اياقتاعاندان كىيىن تولۇقتاپ بۉتۉرۉۉگۅ ۇرۇقسات بەرىلەت. مۅۅنۅتتۅن اشىرىپ جىبەرىپ قامسىزداندىرۇۇ اقىن تاپشىرۇۇ ىشتەرىن بۉتۉرسۅ، قامسىزداندىرۇۇعا قاتىشۇۇچۇنۇن جەكە كىشىلىك ۇقۇق- تالام ەسكەرتمەسىنە تااسئرى تىيبەيت، قاتىشتۇۇ ۅتۅمۅلۅردۉ تولۇقتاپ بۉتۉرۉۉدۅ جۇعۇشتۇۇ وورۇ مەزگىلى اياقتاعاندان كىيىنكى 3 ايدىن ىچىندە بۉتۉرۉۉ كەرەك». 

〖2020.02.14-12:49〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز