جاڭىچا تاجىسىمال ۋئرۇس مەنەن جۇعۇمدالۇۇدان بولعون ۅپكۅ سەزگەنچى جالپىلىق ساقتانۇۇ قولدونموسۇ

2020-02-09 12:25

 شئنجاڭ رادىيو-تەلەۋىزىيا ىستانسىياسى قىرعىزچا رادىيوسۇنۇن «دەن سوولۇق زور بايلىق» اتتۇۇ بەرۉۉسۉ، ەمى «جۇعۇشتۇۇ وورۇدان ساقتانۇۇ جانا تىزگىندۅۅگۅ قاتىشتۇۇ 100 سۇروو » تۉرمۅگۉبۉزدۉ ۅزگۅچۅ جولعو قويۇپ، كۅپچۉلۉك مەنەن بىردىكتە، «جاڭىچا تاجىسىمال ۋئرۇس مەنەن جۇعۇمدالۇۇدان بولعون ۅپكۅ سەزگەنچى جالپىلىق ساقتانۇۇ قولدونموسۇ»ن ۉيرۅنۅبۉز. 

باشقا وورۇ سەبەبىنەن ەمدەلۉۉگۅ بارعاندا قورعوونۇنۇ قانداي جاقشى ىشتۅۅ كەرەك؟ 

( 1 ) پىرىنسىپ جاقتان دوقتۇرقاناعا از بارۇۇ جە بولبوسو بارباستىق كەرەك. داروو ەمدەلۉۉگۅ تۇرا كەلەتۇرعان چۇقۇل، قووپتۇۇ، وور وورۇلار بولبوسو ەلە بولدۇ. ەگەر ەمدەلۉۉگۅ كەرەك بولسو، جاقىن ايلاناداقى اجاتتان چىعا الا تۇرعان، ەمدەلەتۇرعانداردىن سانى از بولعون ەمدۅۅ اپاراتتارىن تاندوو كەرەك ؛ ەگەر دوقتۇرقاناعا بارۇۇ كەرەك بولسو، قالايىق-قالىق مۇقتاج بولعون، چۇقۇل كەرەكتۉۉ تەكشەرۉۉلۅر مەنەن ەمدۅۅ جۇمۇشتارىن قانا ىشتەتكەنى، باشقا تۉرلۅر مەنەن جۇمۇشتاردى امال بار ۇباقىت بەلگىلەپ تولۇقتاپ ىشتەتكەنى جۅن؛ ەگەر ەمدۅۅ بۅلۉمۉن تاندوو مۉمكۉن بولسو، ەڭ جاقشىسى ەتى ىسۇۇنۇ مۉنۅزدۅۅ بۅلۉمۉ، چۇقۇل ەمدۅۅ بۅلۉمۉ سىياقتۇۇ ەمدۅۅ بۅلمۅسۉنۅن وولاق بولۇۇ كەرەك. 

( 2 ) ەگەر دوقتۇرقاناعا بارۇۇعا تۇرا كەلسە، امال بار الدىن الا توردون جە تەلەفون ارقىلۇۇ ەمدۅۅ اپاراتتارىنىن ابالىن ۇعۇشۇپ، الدىن الا كەلىشىپ، دايىندىق كۅرۉپ، دوقتۇرقانانىن ورۇنداشتىرۇۇسۇ مەنەن قىزمات باسقىچىنا بىشىق بولۇپ، وورۇ كۅرسۅتۉ ۇباقتىن امال بار قىسقارتۇۇ كەرەك.

 ( 3 ) دوقتۇرقاناعا باراجاتقان جولدو جانا دوقتۇرقانانىن ىچىندە، نووقاستار جانا انىن ۉيۉندۅكۉلۅر باشتان-اقىرى مەدەتسىينادا ىشتەتىلە تۇرعان تىشقى وورۇلار بۅلۉمۉ ماسكەسىن جە بولبوسو N95 تىپتۉۉ ماسكەسىن تاعىنۇۇسۇ كەرەك. 

( 4) امال بار جالپىلىق قاتتوو قۇرالدارىنا ولتۇرۇپ دوقتۇرقاناعا بارباستىق كەرەك.

( 5 ) قولدۇ ار ۇباقىت تازا قارماپ، ىسپىرت قۇرامدۇ قول جۇۇش سۇيۇقتۇعۇن دايىنداپ الا جۉرۉۉ كەرەك. جولدو جانا دوقتۇرقانادا كىشلەر اراسىنداقى ارالىقتى مۉمكۉن بار كەم دەگەندە بئر مەتىر ساقتوو كەرەك.

( 6 ) ەگەر جولدو قاتتوو قۇرالدارى بۇلعانسا، قۇرامىندا حلور بار دىزەنفەكسىيالاعىچ مەنەن حىلورلۇۇ دىزىنفەكسىيالوو سۇيۇقتۇعۇن ىشتەتىپ، بااردىق تىنىق جولۇنان چىققان چىعارىندى زاتتار مەنەن ادام دەنەسىندەكى بۇلعانعان ورۇنداردى دىزەنفەكسىيالوو كەرەك.

 ( 7)قولۇ مەنەن ووز، كۅز ، مۇرۇندۇ سىيپوودون ساقتتانۇۇ، چۉچكۉرگۅندۅ جە بولبوسو جۅتۅلگۅندۅ قاعاز ىشتەتۉۉ جە بولبوسو قولۇ مەنەن ووز جانا مۇرۇندۇ توسۇپ الۇۇ كەرەك. 

( 8) دوقتۇرقاناداقى ەشىكتىن تۇتقاسىن، ەشىكتىن پارداسىن، دوقتۇردۇن اق قالاتى سىياقتۇۇ دوقتۇرقاناداقى نەرسەلەر مەنەن ۇچۇراشقاندان كىيىن، امال بار قولۇن دىزەنفەكسىيالوو سۇيۇقتۇعۇ مەنەن جۇۇش كەرەك، ەگەر ماالىندا دىزەنفەكسىيالاي الباسا قولۇن ووزۇنا، كۅزۉنۅ، مۇردۇنا تىيگىزبەگەنى جۅن. دوقتۇرقانادا ەمدەلۉۉ بارىشىندا دوقتۇرقانادا تۇرۇۇ ۇباقتىن امالدىن باارىنچا ازايتۇۇ كەرەك. 

( 9 ) نووقاس ۉيگۅ قايتىپ كەلگەندەن كىيىن، داروو كىيمىن الماشتىرىپ، اعىندى سۇۇ مەنەن قولۇن استايدىل جۇۇپ، كىيىم-كەچەكتەرىن داروو تازالاپ جۇۇش كەرەك. 

( 10 ) ەگەر گۉمۅندۉ وورۇ بەلگىسى بايقالسا ( ەتى ىسۇۇ، جۅتۅلۉۉ، كەكىرتەك وورۇ، كۅكۉرۅگۉ قىسىلۇۇ، تىنىعى تارتىلۇۇ، شالدىروو، كۅۅنۉ ايلانىپ قۇسۇ، بىرىكتىرۉۉچۉ چەل سەزگەنىچى، بۇلچۇڭ ەتتەرى قاقشوو سىياقتۇۇلاردى قامتىيت )، وورۇ ابالىنا قاراي ماالىندا تەكشەرىلگەنى وشوندوي ەلە دىياگۇنۇز قويعون دوقتۇرعا ۅتكۅن ەكى اپتالىق قىيمىل بارىشىن ايتىپ بەرگەنى جۅن. 


〖2020.02.09-12:25〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز