دەنەڭىز جايسىزدانسا اپقاارىباڭىز، الدى مەنەن باالاتۇۇ ەڭ زارىل

2020-02-06 11:52

   كۅپچۉلۉك قىيلا كۅۅن بۇرعان «اداتتاعى تۇموو مەنەن جاڭى تىپتەگى تاجىسىمال ۋئرۇستان جۇعۇمدالعان ۅپكۅ سەزگەنىچىن قانداي ايىرمالوو» قاتارلۇۇ ماسەلەلەرگە قاراتا، ىستانسىيابىز قابارچىسى دوڭ جى-يوڭ شئنجاڭ مەدىتسىنا داشۅسۉنۉن قاراماعىنداعى بئرىنچى دوقتۇرقانا تىنىق الۇۇ بئرىنچى بۅلۉمۉنۉن مۇدۇرۇ ۋاڭ جئڭدى زىياراتتاعان. ەمى بۇل جۅنۉندۅكۉ قابارى: 

   شئنجاڭ مەدىتسىينا داشۅسۉنۉن قاراماعىنداعى بئرىنچى دوقتۇرقانا تىنىق الۇۇ بئرىنچى بۅلۉمۉنۉن مۇدۇرۇ ۋاڭ جئڭ قابارچىعا، جاڭى تىپتەكى تاجىسىمال ۋىرۇستان جۇعۇمدالعان جۇعۇمدالباعانىنا ۅكۉم چىعارۇۇنۇن زارىل ۅلچۅمۉ، تارالمالۇۇ وورۇ مەنەن ۇچۇراشۇۇ تارىحى باربى جوق دەگەنگە قاروو كەرەكتىگىن،بۇل ۋۇحاندا ساياقاتتوو تارىحى، قونۇۇ تارىحى جانا كۉمۅندۉۉ نووقاس مەنەن ۇچۇراشۇۇ تارىحىن قامتىي تۇرعانىن ايتىپ مىنداي دەدى: «قاراپايىم قالىقتىن ۅزۉنۅ ۅكۉم چىعارۇۇداعى بئر ۅلچۅم، ۇچۇراشۇۇ تارىحى، ۋۇحانعا بارعان جە ۋۇحاندىن ايلاناسىنداعى رايوندورعو بارعان، ۋۇحاندان كەلگەندەر مەنەن ۇچۇراشقان بولسو بولوت، داعى توپتوشۇۇ مۉنۅزۉندۅكۉ وورۇ قوزعوولۇۇ، ۅزۉنۉن قىزمات وردۇ، ۉي-بۉلۅسۉ، مىكىرو رايوندو كۅپ ساندۇۇ ادامداردىن ەتى ىسۇۇ سىياقتۇۇلار؛ داعى بئرى، ايقىن بولعون ۋىرۇستان جۇعۇمدالعاندار مەنەن ۇچۇراشۇۇ تارىحى بولسو بولوت؛ ەگەر ۇشۇنداي ابال استىندا ەتىڭىز ىسىسا، تىنىق الۇۇ جولۇندا وورۇ بەلگىلەرى كۅرۉلسۅ، اندا ۅز ماالىندا دوقتۇرقاناعا بارىپ كۅرۉنۉۉڭۉز كەرەك. ەگەر سىزىل جاقشى قورعونۇپ، چوعۇلۇشقا قاتىشباعانىڭىزدى، كىشىلەر توبۇ جىش جەرگە بارباعانىڭىزدى جە قاتتوو ۇناالارىنا ولتۇرباعانڭىزدى بەكىتە الساڭىز، ۇشۇنداي ابالدا كەە بئر تىنىق الۇۇ جولۇنداعى وورۇلار پايدا بولسو، مىندا مۇردۇ بۉتۉۉ، سۇۇ قۇيۇلۇۇ، چۉچكۉرۉۉ سىياقتۇۇ تۇموولوو ابالدارى بولسو، ەگەر وورۇ ابالى جەڭىل بولۇپ ەتى ىسىباسا، اندا ۉيدۅ قىسقا ۇباقىت كۉزۅتۉپ كۅرۉۉ كەرەك، وشوندوي ەلە ەس الىپ، قايناق سۇۇنۇ كۅبۉرۅۅك ئچىپ بەرسە، وورۇ ابالى تەز ەلە جاقشىلانىپ كەتۉۉسۉ مۉمكۉن. ەگەر بئر ۇباقىتتا توقتوبوي ەتى ىسىعان ابال بولسو، مىنداي ابال استىندا ۅز ماالىندا دوقتۇرقاناعا بارىپ وورۇسۇن مۉنۅزدۅتۉپ كۅرۉۉ كەرەك». 

  ۋاڭ جئڭ، نووقاستا ەتى ىسۇۇ قاتارلۇۇ وورۇ بەلگىلەرى كۅرۉلۉپ دوقتۇرقاناعا بارىپ مۉنۅزدۅتۉۉگۅ تۇۇرا كەلسە دا، قايچىلاش جۇعۇمدالۇۇدان ارتىقچا قاباتىرلانباستىق كەرەكتىگىن، انتكەنى دوقتۇرقانا سىستەمالۇۇ، ئلىمىي بولعون ايرىپ مۉنۅزدۅۅ تۉزۉمۉن تۇرعۇزقانىن، ارى شامال ۅتۉشتۉرۉۉ، دىزەنفەكسىيالوو قاتارلۇۇ قىزماتتاردى سىزىل جاقشى ىشتەپ كەلاتقانىن ايتىپ مىنداي دەدى: «ەتى ىسىعانداردى مۉنۅزدۅۅ بۅلۉمۉنۉن داعى وقشوبوعون مۉنۅزدۅۅ بۅلمۅلۅرۉ بار، مئسالى تارالمالۇۇ وورۇ ئلىمىندەگى وورۇ بەلگىلەرى بارلار، تىپىك وورۇ بەلگىلەرى بولسو، اندا مۇرداقىداي ەلە 1- وورۇ مۉنۅزدۅۅ بۅلمۅسۉندۅ بولوت؛ ەگەر تارالمالۇۇ وورۇ ئلىمىندەگى وورۇ بەلگىسى بولبوسو، كەە بئر اداتتاعى تۇموولوردۇ ويلوشوبۇز، اندا 2- وورۇ مۉنۅزدۅۅ بۅلمۅسۉندۅ بولوت. بئز داعى جان-جاقتىلۇۇ ايرىپ مۉنۅزدۅۅ قىزماتىن الىپ بارابىز. ەگەر كۉمۅندۉۉ وورۇدان الىس بولسوڭۇز، اندا تىنىق الۇۇ بۅلۉمۉنۅ بارىپ اداتتاعى وورۇ مۉنۅزدۅۅ بۅلمۅسۉندۅ مۉنۅزدۅتسۅڭۉز بولوت. البەتتە داعى كەە بئر باشقا نووقاستار بولوت، مئسالى چۇقۇل مۉنۅزدۉۉ سوقۇر ىچەگى سەزگەنچى، چۇقۇل مۉنۅزدۉۉ ۅت سەزگەنچى قاتارلۇۇلار بولسو، اندا داعى بايلانىشتۇۇ بۅلۉمدۅرگۅ بارىپ مۉنۅزدۅتسۅ بولوت». 

〖2020.02.06-11:52〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز