قىشق كىرگەندە ىچكى مۉچۅلۅردۉ قانداي تازالايبىز

2019-11-01 16:44

قىش كىرۉۉدۅن مۇردا، تەمپىراتۇرا كۅرۉنۉكتۉۉ تۅمۅندۅيت. جاي مەنەن كۉزدۅگۉ دىمىق اباادان كىيىن، كىشىنىن دەنەسىنە نىم ىسىق جىينالىپ، بۇل «توكسىن» دەنەگە جاشىرىنىپ، قىشتا وڭوي ەلە وورۇپ قالۇۇ ابالىن كەلتىرىپ چىعارات. وشوندۇقتان، قىش كىرۉۉدۅن مۇردا، دەنەنى بئر جولۇ جاقشىلاپ تازالاپ، دەنەدەگى ۇۇنۇ ايداپ، پايدالۇۇ جەلدى ساقتاپ قالۇۇ زارىل. ەمى كۅپچۉلۉككۅ قىشق كىرگەندە ىچكى مۉچۅلۅردۉ قانداي تازالوو جۅنۉندۅ سۉيلۅپ بەرەبىز.

ۅپكۅنۉ تازالوو. ەمى ەلە قىش كىرگەندە، ەڭ وبولۇ ۅپكۅ سىناققا ۇچۇرايت. كۉزدۅگۉ سالقىن ابادا، تەرەڭ تىنىق الۇۇ اراكەتىن كۅپ ىشتەپ بەرگەندە، ۅپكۅنۉن سىيىمدۇۇلۇعۇن ارتتىرىپ، فونكىتسىياسىن كۉچۅتۉۉدۅن بۅلۅك، ۅپكۅدۅگۉ بۇلعاندى جەلدى چىعارىپ تاشتووعو بولوت. ادام ار بئر جولۇ تىنىق العاندا، ۅپكۅدۅ سىرتقا چىقباي قالعان بۇلعاندى جەل قالات، ال ەمى بۇل قالدىق «توكسىن» تەك بئر قانچا جولۇ تەرەڭ تىنىق العاندا، انان سىرتقا چىعارىپ جىبەرۉۉگۅ بولوت. ار كۉنۉ ساار ۅپكۅ ۇۇنۇ سىرتقا چىعارۇۇچۇ ۇباق بولعوندۇقتان، دەمىك، جۅتۅل سىياقتۇۇ وورۇلار كۉچ الات. تۇۇرا ارعاسى، اتايى جۅتۅلۉۉ، قاقىرۇۇ سىياقتۇۇ ىقمالار ارقىلۇۇ، قالدىق جەلدى سىرتقا چىعارىپ جىبەرۉۉ كەرەك. بئروق، جوعورۇ قان باسىم، ۅپكۅ شىشىك، وور جۉرۅك وورۇسۇ بارلار قوقۇستۇق چىقباستىق ۉچۉن، اتايى جۅتۅلبۅستۉك كەرەك. وشونۇ مەنەن بىرگە، ۅپكۅبۉزدۉ انسايىن تازارتۇۇ ۉچۉن، دەمەيدە ىلايىقتۇۇ دەنە چىڭالتىپ، ۅپكۅدۅگۉ ۇۇنۇ تەر ارقىلۇۇ سىرتقا چىعارۇۇبۇز كەرەك. ىسىق سۇۇدا جۇۇنۇۇ، مەلۉۉن سۇۇعا چىلانۇۇ سىياقتۇۇ ىقمالار ارقىلۇۇ داعى تەر چىعارۇۇ ۅنۉمۉنۅ جەتۉۉگۅ بولوت. جۇۇنۇۇدان مۇردا، سۇۇعا جەمجەمىل مەنەن جالبۇز مايىنان بئراز قوشۇپ جىبەرگەندە، تەر انسايىن شىدىر چىعات. 

اشقازاندى تازالوو. قىشتىن باشىندا، اباا قۇرعاق بولعوندۇقتان، انىن ۉستۉنۅ، ازىرقىلار اراق ئچىپ، اچۇۇ جەگەندىكتەن، ۅتۅ وڭو ەلە اشقازان ىسىقتاپ بولۇپ قالات. اشقازانداعى ىسىقتى ايدووچۇ ەڭ جۅنۅكۅي ارعا تۇرۇپ شىرنەسىن ىچۉۉدۅن تۇرات. جۇڭگوچو ەمچىلىكتە، شالعامدىن داامى قىرتاق، مۉنۅزۉ سۇۇق دەپ قارالىپ، اشقازان ىسىقتار شىرنە قىلىپ ىچسە بولوت. مىندان بۅلۅك، سۇۇقتۇن تۉشۉۉسۉنۅ ەەرچىي، كىشىلەردىن اراكەت قىلۇۇسۇ دا ازايىپ، ىچەگىنىن قىيمىلى اقىرىنداپ، وڭوي ەلە ئچ قاتۇۇ كەلىپ چىعات دا، كەندە ماالىندا دەنە سىرتىنا چىقپاي قالعاندا، ىچەگى ىچىنە جىينالعان ۇۇ دەنەگە تاراپ، وورۇ قووبۇن تۇۇدۇرات. ئچى قاتىپ قالعاندار مايمىل شابدالى، حولوڭگو، بانان سىياقتۇۇ ىچەگىنى شىدىرلاشتىرۇۇچۇ مۅمۅلۅردۉن، پالەك، اشقاباق، قىچى، تاتتۇۇ قارتۅشكۅ سىياقتۇۇ جوعورۇ سەللىيوۋلوزالۇۇ جاشىلچا جانا تاماقتاردى كۅپ جەسە، جە ۉيدۅ قارا اشتىقتاردان اتالا جاساپ، ەەرتەلۉۉ كەچ مەلۉۉن ئچىپ بەرسە بولوت. 

بووردۇ تازالوو. قىش باشتالعاندا، كىشىلەردە دايىما اچۇۇلانۇۇ، ووز بوشتۇعۇ كۅچۉۉ، ووزۇ قۇرعوو سىياقتۇۇ ابالدار كۅرۉلۅت. بۇل بووردۇ ىسىق قاپتاعاندىقتىن بەلگىسى. كۉز مەزگىلىندە بووردوعۇ ىسىقتى ايدوو ۉچۉن، ۉچقات، سەرىس گۉلۉ، گۉرەڭكەي، قىزىلگۉل سىياقتۇۇلاردى دەمدەپ ىچسە بولوت. وشونۇ مەنەن بىرگە، ماانايدى تەڭشۅۅگۅ ماانئى بەرىپ، مااناي ارقىلۇۇ بووردو ىسىقتى ايدوو كەرەك. ماسەلەگە جولۇققاندا، وور باسىق بولۇپ، بااردىق ىشكە كەڭ قۇرساق مامىلە جاسوو زارىل. جاقشى تۇرمۇش اداتىن جەتىلدىرۉۉ كەرەك. كەچكى ساات 11 دەن 1 گە چەيىن بووردۇن قىزمات ۇباقتى بولعوندۇقتان، 11 دەن مۇردا ۇقتاپ بولۇۇ، تاڭ اشىرباستىق كەرەك. تاماقتى تەڭشەپ، جاشااڭ جاشىلچا جانا مۅمۅلۅردۉ جەپ، اچۇۇ جەمەكتىكتەردەن الىس بولۇۇ كەرەك. سىرتتا دەنە قىيمىل الىپ بارۇۇ كەرەك. جۇڭگونۇن جۅرۅلگۅلۉۉ دەنە چىڭالتۇۇ تۉرلۅرۉنۅن تايجئى مۇش ماشى، سەگىز قۇرامدۇۇ قامقا سىياقتۇۇلار ماانايدى تەڭشەپ، بووردوعۇ ىسىقتى ايدوودو ۅتۅ جاقشى ۅنۉمۉ بار. 

بۅيرۅكتۉ تازالوو. قىشتىن باشىندا بۅيرۅكتۉ اسىروو ۉچۉن، بۇتتان باشتوو كەرەك. انتكەنى بۅيرۅك تامىرى تاماندان باشتالات. ال ەمى، بۇتقا ۅتۅ وڭوي سۇۇق ۅتۅت. وشوندۇقتان، قىش كىرەەرى مەنەن، بۇتتۇ جىلۇۇ ساقتووعو ماانئى بەرىپ، ۇقتاعاندا بۇتتۇ جۇۇرقاندان چىعارىپ الباستىق، مۇزدا جە زەي جەردە جىلاڭايلاق جۉربۅستۉك كەرەك.



〖2019.11.01-16:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز