قارتاڭدار كۅز اينەگىن تۇرا تاندوو كەرەك؟

2019-10-30 18:44

ادام دەنەسى قارتايۇۇ بارىشىندا، بىرىش-تىرىش تۉشۉۉ، چاچى اعارۇۇ سىياقتۇۇ كۅپتۅگۅن بەلگىلەر جارىققا چىعات دا دەنە قۇرباتى مۇرداقىداي بولبوي قالات. بۇلاردىن بااردىعى جاشتىن ۇلعايعاندىعىنىن بەلگىسى. ئش جۉزۉندۅ، كۅز دا اقىرىن قارتايات. الىپ ايىتساق، جاشى ۇلعايعاندان كىيىن كۅپتۅگۅن كىشىنىن كۅرۉۉ قۇرباتى السزدايت، مىندا قانداي بەلگىلەر بولوت؟ «ادام ۅزۉ قارتايباي تۇرۇپ، الدى مەنەن كۅزۉ السىروو» ابالى ەمنە ۉچۉن پايدا بولوت. 

« كۅرۉۉ قۇرباتى السىروو» فىزولوگىيالىق ابالعا تااندىق. بااردىق كىشىنىن « كۅزۉ السىرايت»، اندان ساقتانۇۇ مۉمكۉن ەمەس. تەك ادامعا قاراي ايىرمالانىپ، السىروو ۇباقتىنىن ەرتە-كەچ بولۇۇسۇندا. كۅپ ساندۇۇ ادامدا 40~45 جاش ارالىعىندا پايدا بولوت. كەەبىر از ساندۇۇ كىشلەردە 50 جاشقا كەلگەندە كۅز نۇرۇ السىرابايت، الىس جاقىندى انىق كۅرۅ بەرەت. 

كۅرۉۉ قۇرباتى اقىرىنداپ السىراعاندىقتان، انىن ۅزۉنۉن بەلگىسى بار. كەەبىر ارعالار ارقىلۇۇ ۅزۉڭۉز تەكشەرە الاسىز. 

1. كىتەپ وقۇعاندا، جازۇۇ قوش قاباتتالىپ كۅرۉنۅت.

2. كۅز اينەك تاقاعاندا تەلەفونداقى كۇنوپكالاردى جە بولبوسو جازۇۇ، ىنفورماتسىيالاردى اراڭ كۅرۉۉ.

3. الىستان انىق كۅرۉپ، جاقىنداعاندا جاقشى كۅرۅ البايت، جاقىن تۇرعان ارىپتى الىستاتىپ بارىپ وقۇيت.

4. الىستان جانا جاقىندان قاراعان كەزدە كۅز اينەكتى تەڭشەپ العاندا قانا انىق كۅرۅت، سالىشتىرۇۇ ۇباقتى بئر قىيلا ۇزۇن بولوت.

5.تەگىندە الىستى كۅرۅ البايتۇرعاندار، ازىر كۅز اينەكتى الىپ تاشتاعاندا قانا انىق كۅرۅ الات.

6. زاتتارعا جاقىن جۇمۇش ىشتەگەندە باشى وورۇيت، قىلداتتۇۇلۇق مەنەن ىشتەگەن قىزماتتاردان دايىما قاتالىق كۅرۉلۅت. 

7. چۅنتۅك تەلەفوندۇن جارىعىن كۉچتۉۉ اچۇۇ، كىتەپ وقۇعاندا ۉيدۉن ىچى جارىق بولۇۇ.

جوعورۇداقى ايتىلعانداردىن ىچىندەكى 3 تۉر سىزدە بار بولسو، اندا بايقوو كەرەك. وشونۇ مەنەن بىرگە، كەەبىر ناچار تۇرمۇش اداتتارى دا كۅزدۉن السىرووسۇن تەزدەتەت. الىپ ايىتساق، ۇزۇن ۇباقىت چۅنتۅك تەلەفونعا جە بولبوسو كومپىيوتۇرعا تىگىلە قاراساڭىز، ار مئنوتتاقى كىرپىك قاعۇۇ سالىشتىرماسى تەز ازايىپ، كۅز وڭوي چارچايت دا چوعۇۇلۇۇسۇنا داعىدا كۉچ كەتەت، وشوندۇقتان كۅز بۇلچۇڭ ەتى چەكتەن اشۇۇن كەرىلىپ، جاش قاباتى نىمدالباي، كۅزدۉن السىرووسۇن تەزدەتەت.

سئزدىن كۅزدۉن السىروو جۅنۉندۅكۉ قاتاا تۉشۉنۉگۉڭۉز كۉچتۉ. 

1- قاتاا تۉشۉنۉك، قاالاعانچا قارتاڭدار كۅز اينەگىن ساتىپ الۇۇ.

گىرادۇستۇ، كۅز قاراچىق ارالىعى تۇرۇقتۇۇ قارتاڭدار كۅز اينەگىن قاالاعان جەردەن ساتىپ الساڭىز، كۅرۉۉ قۇرباتىڭىز ەڭ جاقشى ۅنۉمگۅ جەتە البوودون سىرت قايرا كۅرۉۉ قۇرباتىڭىزعا تااسىر جەتكىرىپ، كۅز چارچوو سىياقتۇۇلاردى پايدا قىلات. قارتاڭدار كۅز اينەگى كىشگە قاراي تۉردۉ بولوت، سۅزسۉز دوقتۇرقاناعا جە بولبوسو كەسىپتىك ورۇندارعا بارىپ تەكشەرتىپ انان ساتىپ الۇۇ كەرەك. 

2-قاتاا تۉشۉنۉك. بئر قارتاڭدار كۅز اينەگىن بۇزۇلعانعا چەيىن تاقاپ جۉرۉۉ.

بئر قارتاڭدار كۅز اينەگىن بۇزۇلعاندا چەيىن تاقاپ جۉرسۅڭۉز، اينەگىنە سىزىق تۉشۉپ، كۅنۅرگۅن كەزدە انىن جارىق ۅتكۅرۉۉ مۅلچۅرۉ تۅمۅندۅپ، اينەكتىن كەسكىن قالىپتاشتىرۇۇ ساپااسىنا تااسىر جەتكىرىپ، كۅرۉۉ قۇرباتىنىن السىرووسۇن تەزدەتەت. نوقاس كۅرۉۉ قۇرباتىن بەلگىلۉۉ مۅۅنۅتتۅ قايرا تەكشەرتىپ، كۅز اينەك رامكاسىن تەڭشەتىپ جانا اينەگىن ماالىندا الماشتىرىپ تۇرۇۇ كەرەك، ار بەش جىلدا كۅزدۉ قايرا تەكشەرتىپ، كۅز اينەك ساتىپ الىپ، شاي كەلبەگەن كۅز اينەك تاعۇۇ، كۅز وورۇسۇن پايدا قىلات، الىپ ايىتساق، چەل باسۇۇ وورۇسۇ، دىيابىت وورۇسۇنۇن كۅز بۅلۉگۉندۅكۉ بەلگىسى سىياقتۇۇلار. 

3-قاتاا تۉشۉنۉك، چوڭويتۇلعان كۅز اينەكتى قارتاڭدار كۅز اينەگىنىن وردۇنا تاعۇۇ.

چوڭويتۇلعان كۅز اينەكتى قارتاڭدار كۅز اينەگىنىن وردۇنا تاقاسا، قارتاڭدار كۅز اينەگىن ۅلچۅگۅندۅ 1000~2000 گىرادۇسقا تەك بولوت، ۇزۇن ۇباقىت ۇشۇنداي «كەتە» بەرسە، كىيىن قارتاڭدار كۅز اينەگىن تانداعاندا ىلايىقتۇۇ گىرادۇس تابۇۇ قىيىنعا توقتويت.

4-قاتاا تۉشۉنۉك، بئر نەچە كىشى بئر كۅز اينەكتى ورتوق ىشتەتۉۉ.

ەر-ايال بئر قارتاڭدار كۅز اينەگىن ورتوق ىشتەتسە، بئر جاعىندا وورۇ پايدا بولسو اندا بئر جاعىنا قاراي جۇعات. مىنداقى جۇعۇۇ ناتىيجاسىندا كۅرۉۉ قۇرباتى بارعانسايىن السىراپ، «قارتاڭدار كۅز اينەگىنىن» گىرادۇسۇ جوعورۇلاپ، بارعانسايىن انىق كۅرۅ الباي قالات. 

5-قاتاا تۉشۉنۉك، جاشتاردىن كۅزۉ السىرابايت دەپ ويلوو.

كىتەپ وقۇۇ، گەزىت كۅرۉۉ، كومپىيوتۇرعا تىگىلىپ ولتۇرۇۇ، چۅنتۅك تەلەفون وينوو سىياقتۇۇلاردىن بااردىعى كۅزدۅن ايرىلا البايت، كۅزدۉن ەرتە السىرووسۇ جالپى بەتكەي ابالعا ايلانىپ، «كۅز قۇرباتىنىن تۅمۅندۅسۉ» مۇردا ەلە جارىققا چىعۇۇعا بەت الىپ، ازىر جاشارىپ 40 جاش ايلاناسىنا جەتتى. 

6-قاتاا تۉشۉنۉك. الىستى كۅرۅ البايتۇرعانداردىن كۅزۉ السىرابايت.

ئش جۉزۉندۅ، كۅزدۉن مۇرداقى جارىق سىندىرۇۇ كۉچۉ «كۅزدۉن السىروو» ابالىنىن ەرتە كەچ پايدا بولۇۇسۇنا تااسىر جەتكىرەت. جاش كەزىندە جاقىندى كۅرۅ البايتۇرعان كىشلەردىن « كۅزۉ السىرووسۇ» ەرتەرەك بولوت، الىستى كۅرۅ البايتۇرعانداردىقى كەچىرەەك بولوت، بئروق بااردىق الىستى كۅرۅ البايتۇرعاندار ار بئر جاش مەزگىلىندە « كۅزدۉن السىروو» كۅز اينەگىن تاعۇۇسۇنۇن كەرەگى جوق دەگەندىك ەمەس.

كۅز الماسىنىن گىمناستىكاسى ارقىلۇۇ كۅزدۉن السىرووسۇنان الدىن الۇۇ. 

قارتاڭدار كۅز اينەگىن تاعۇۇ مۇقتاجىن تۉزۅتۉۉ ارعاسى، مىندان باشقا كۅز ايلاناسى اراكەتى گىمناستىكاسىن ىشتۅۅ ارقىلۇۇ كۅزدۉن ەرتە السىرووسۇنان تەز ارادا پايدا بولۇۇسۇنان ساقتانۇۇعا بولوت. 


〖2019.10.30-18:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز