تەرىبىزدى قانتئپ كۉزدۅن امان ۅتكۅرۉۉبۉز كەرەك

2019-10-26 12:16

كۉزدۅ ابا قۇرعاق بولوت، ادامدىن تەرىسى دا «كۉزدۅگۉ كۅپ ۇباراچىلىقتار»عا قابىلىپ، وڭوي ەلە ماسەلە كەلىپ چىعات. بۉگۉن «تەرىبىزدى قانتئپ كۉزدۅن امان ۅتكۅرۉۉ» جۅنۉندۅ اڭگەمە دۉكۅن قۇرابىز.

كۉزدۅ، تەرىگە سۇۇ تولۇقتاپ نىمدۇۇلۇعۇن ساقتوو، رەاكسىيادان ساقتانۇۇ اچقىچ، كۉنگۅ كۉيدۉرۉۉدۅن ساقتانۇۇعا دا جەڭىل قارووعو بولبويت. 

1. سۇۇ تولۇقتاپ نىمدۇۇلۇعۇن ساقتوودو، «ئچى جانا تىشىنان تەڭ تولۇقتوو» كەرەك. 

كۉزدۅ ابا قۇرعاق بولوت، ادام تەرىسىندەگى ماي بەزدەرىنىن مايدى اجىراتىپ چىعارۇۇسۇ ازايات، سۇۇ قۇرامىنىن بۇۇلانۇۇسۇ تەز بولۇپ، تەرىدە ۇزۇن مەزگىل سۇۇ كەمچىل بولعوندو وڭوي ەلە كۅز ايلاناسى، ۇۇرت سىياقتۇۇ تەرى بئر چاما جۇقا بولعون ورۇنداردا مايدا بىرىشتار پايدا بولوت؛ داعى تەرى قىرتىشىنداعى تەرى ماي قابىعىنىن تەرىنى اسىروو رولۇ السىزداپ، تەرى قۇرعاقتاشىپ، قىچىشا تۇرعان بولوت، تىشقى چۅيرۅنۉن دۉۉلۉكتۉرۉۉسۉنۅ بولعون بايىمدۇۇلۇعۇ السىزداپ، تەرىدە وڭوي ەلە رەاكسىيا كۅرۉلۅت.

تەرىگە سۇۇ تولۇقتاپ نىمدۇۇلۇعۇن ساقتوودو، وقشوبوعون تەرى ساپاتىنا نەگىز ىلايىق كەلگەن نىمدۇۇلۇقتۇ ساقتوو تۉشۉمدۅرۉن ىشتەتكەن جۅن. ورتو قۇرعاق تەرىگە الدى مەنەن ماي قۇرامى جوعورۇرااق بەت مايلاردى ىشتەتۉۉ كەرەك، مايلۇۇ تەرىگە ماي قۇرامى از، سالقىنداتما تۉشۉمدۅرۉ ىشتەتۉۉ كەرەك. تەرى ماي بەزدەرى ماي اجىراتىپ چىعارا تۇرعاندىقتان، انىن تەرىنى اسىروو جانا نىمدۇۇلۇعۇن ساقتوو رولۇ بار، وشوندۇقتان اشىرا تازارتىپ جۇۇعاندا تەرى اسىروو قابىتىنىن زاقىمدالىشىن كەلتىرىپ چىعارات، بەتتى تازارتۇۇچۇ تۉشۉمدۅردۉ تانداعاندا جۇمشاعىرااق كەلگەن بەتتى تازارتۇۇ سامىن سۇيۇقتۇعۇن تانداعان جۅن.

تەرىگە سۇۇ تولۇقتاپ نىمدۇۇلۇعۇن ساقتاعاندا داعى «ئچى- تىشىنان تەڭ تولۇقتوو» كەرەك. تەرىنىن تىشقى بەتىنە سۇۇ تولۇقتوودون سىرت، ار كۉنۉ 1800 مىللىلەتىر سۇۇ ئچىپ، دەنەدەگى سۇۇ قۇرامىن ساقتاعاندا ەلە، انان تەرىنىن سۇۇ قۇرامىن ارتتىرىپ، تەرى ەڭ جاقشى ابالدا تۇرات.

2. رەاكسىياعا قارشى تۇرۇپ، ىممۇنىتەت قۇرباتىن جوعورۇ كۅتۅرۉۉ ــ اچقىچ

ابا قۇرعاق كۉزدۅ وڭوي ەلە شايكەشمە مۉنۅزدۅگۉ تەرى سەزگەنچىن كۉچۅتۉپ جىبەرەت، ۅزگۅچۅ شايكەشۉۉ مۉنۅزدۉۉ تەرى سەزگەنچىنىن بەلگىلەرى ــ تەرى قۇرعاقتاشىپ قىچىشىپ تۇرات، انى تىرماعاندان كىيىن قىزىل تاقتار، بۅرتمۅ پايدا بولوت، بۇل نووقاستىن سەزىمتال دەنە ساپاتى مەنەن بايلانىشتۇۇ، وشوندۇقتان رەاكسىيا بەرۉۉچۉ قاينارلار مەنەن ۇچۇراشۇۇدان ساقتانىپ، تەرىنى كۅپ تىرماباي، ۅتۅ اچقىل- قىچقىل سۉۉلۉكتۉرمۅ ازىقتاردى جەبەگەن جۅن، انتپەگەندە ايىققان وورۇ وڭوي ەلە قايرا قوزعولوت. اندان سىرت، بۅرتمۅلۉۉ ەشەكجەم داعى تەرى رەاكسىياسى وورۇسۇنا تااندىق. رەاكسىيا بەرۉۉ بولسو دەنەنىن بئر تۉردۉۉ ىممۇنىتەت قۇرباتىنا بايلانىشتۇۇ بولعون وورۇ ەسەپتەلەت، دەنەنىن ىممونىتەت قۇرابتىن جوعورۇ كۅتۅرۉۉ ــ انداعى اچقىچ ەسەپتەلەت.

سىرتقا وينوعولۇ چىققاندا، تەرىسى رەاكسىىياچىل ادامدار مۉمكۉن بار ۇزۇن جەڭدۉۉ كىيىمدەردى كىيىپ، چىمىن- چىركەي كۅپ جەرلەرگە بارۇۇدان ساقتانىپ، باشقالار مەنەن سۉلگۉنۉ ورتوق ىشتەتپۅۅۅسۉ كەرەك، رەاكسىياعا قارشى دايىمدۇۇ دارىلاردى جانىندا الىپ جۉرۉۉسۉ، رەاكسىيا وورلوشقوندو ماالىندا دوقتۇرعا كۅرۉنۉۉسۉ كەرەك.

3. كۉن بۉركۅك كۉندۅرۉ تالاادا قىيمىل الىپ بارعاندا دا كۉنگۅ كۉيۉۉدۅن ساقتانۇۇ كەرەك. 

كۉنگۅ كۉيۉۉدۅن ساقتانۇۇدا ەڭ زارىلى ۇلتئرا قىزعىلت كۅك نۇردۇ توسۇۇدان تۇرات، انتكەنى ۇلتئرا قىزعىلت كۅك نۇر تەرىنى زاقىمداپ، تالاادا ۇزۇن مەزگىل تۇرعاندا تەرى جەڭىل بولعوندو كۉنگۅ كۉيۉپ قارارۇۇ، قىزارۇۇ، تەرى بوشوشۇۇ، قۇرعاقتاشىپ، بىرىش كىرۉۉ سىياقتۇۇ تەرى قارتايۇۇ قۇبۇلۇشتارى كۅرۉلۅت، وور بولعوندو كەەبىر نۇردان كەلىپ چىققان تەحى وورۇلارى پايدا بولوت. وشوندۇقتان، بئر جىلدىن تۅرت مەزگىلىندە، مەيلى كۉن اچىق جە بۉركۅك بولسۇن، تالاادا جۉرگۅندۅ كۉنگۅ كۉيۉۉدۅن ساقتانۇۇ كەرەك. مئسالى، كۉن نۇرۇنان قالقالووچۇ قول چاتىر، كۉن نۇرۇنان قالقالووچۇ باش كىيىم، قارا كۅز اينەك سىياقتۇۇ بۇيۇمدار؛ وشونۇ مەنەن قاتار كۉنگۅ كۉيۉۉدۅن ساقتووچۇ تەرى ماي، كۉنگۅ كۉيۉۉدۅن ساقتووچۇ بۉركمۅ سۇيۇقتۇق سىياقتۇۇولار ارقىلۇۇ كۉنگۅ كۉيۉۉدۅن ساقتانسا بولوت.

جوعورۇداعى ۉچ تۉردۉۉ ارعادان بۅلۅك، تەرى بۅلۉمۉ دوقتۇرلارى كەەبىر تەرىنى اسىروودو بايقاس قىلۇۇعا تىيىشتۉۉ ىشتەردى قورۇتۇندۇلاپ چىققان. 

1. بەتتى جىلىمان سۇۇدا جۇۇش كەرەك. ادىستەر مىنداي دەيت: ىسىق سۇۇدا بەت جۇۇعاندا ابدان ىراحاتتۇۇ سەزىلگەنى مەنەن، بئروق تەرىدەگى كەرەكتۉۉ بولعون سۇۇ قۇرامى جانا ماي قۇرامى قورومجۇلانىپ كەتەت. تۇۇرا اراسى بولسو، جىلىمان سۇۇدا بەتتى جەڭىل جۇۇپ، سۉلگۉ مەنەن بەتتى اقىرىن تاپتاپ، سۇۇنۇ شئمىرتىپ الۇۇ كەرەك. 

2. الدى مەنەن بەزەندىرگەن بەت مايلاردى تازالاپ، انان بەتتى جۇۇش كەرەك. بەتتى جۇۇشتان مۇردا كۅز بەزەندىرگىچتەرىن ارچىپ جىبەرىپ، انان تەرىنى سالقىنداتۇۇچۇ سۇۇ جە تازا سۇۇعا بەت جۇۇچۇ سۇيۇقتۇقتۇ قوشۇپ بەزەندىرگىچ بۇلۇت مەنەن تەرىدەگى بەەندىرگىچ مايلاردى ارچىپ جىبەرۉۉ كەرەك. 

3. مويۇنعا اتىر سەپپۅۅ كەرەك. كۅپتۅن بەرى، كىشىلەر اتىردى وڭوي تەرچىقپاي تۇرعان ارى جىتتووعو وڭوي بولعون مويۇن، الاقان جانا كىيىمدىن جاقالارىنا سەبۉۉ كەرەك دەپ ايتىپ جۉرۅت. ال ەمى مويۇندۇن تەرىسى ۅتۅ نازىك كەلەت، اتىر وڭوي ەلە تەرىنى قۇرعاقتاشتىرىپ جىبەرەت، مويۇنعا اتىر سەپكەندە، تەرىنىن كۉنگۅ قاقتالىپ زاقىمدالىشىن وڭوي كەلتىرىپ چىعارات. 

4. ابا تەسكەگىچ جانا جىلىتقىچتى ارتىقچا ىشتەتپەگەن جۅن. ابا تەڭشەگىچ، جىلىتقىچتى ارتىقچا ىشتەتكەندە تەرىدەگى كوللاگەندۉۉ بەلوك مەنەن سەرپىلمەلۉۉ بەلۅك قورومجۇلانىپ، تەرىنىن قۇرعاقتاشىپ، مايدا بىرىشتار كۅبۅيۉپ، بىرىشتاردىن انسايىن تەرەڭدەشىن كەلتىرىپ چىعارات، ال تۇرعاي داعى سەزگەنچ پايدا قىلۇسۇ مۉمكۉن.

5. اش- تاماقتا ماي قۇرامى بولۇۇ كەرەك. كۅپتۅگۅن كىشىلەر ماي قۇرامى جوق ازىقتار ەڭ ويدوعۇداي ازىق دەپ جاڭىلىش ويدو بولۇشات، ال ەمى ماي بولسو ار تۉردۉۉ گورموندوردۇن قالىپتانۇۇسۇنۇن نەگىزى، كىلەتكا قىرتىشىنىن بۉتۉندۉگۉن ساقتووعو جاردام بەرەت. جەتىشتۉۉ مۅلچۅردۅگۉ مايدى قابىلداعاندا تەرىنىن سەرپىلمەلۉۉلۉگۉن اشىرىپ، تەرىنى جارقىراقتىعىن اشىرىپ، تەرىنىن سالاماتتىعىن ساقتووعو بولوت.

6. كۅپ نەرسەنى ويلوي بەربەگەن جۅن. ىزىلدۅۅلۅردۅن، كۅپ نەرسەنى ويلوي بەرگەندە دەنەگە بولعون باسىمدى ارتتىرىپ، جوعورۇ باسىم تەرى وورۇسۇنۇن كۅبۅيۉۉسۉن كەلتىرىپ چىعارىپ، تەرىنىن قارتايۇۇ جۉرۉشۉن باچىمداتىپ جىبەرە تۇرعانى بايقالعان. 


〖2019.10.26-12:16〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز